معايا لانسر 2005 1600 عندى لمبه زرار الانتظار اتحرقت وكنت عايز اغيرها , ارجو من الساده الاعضاء حد يشرحلى الزرار بيتفك ازاى؟؟؟؟
عرض للطباعة
معايا لانسر 2005 1600 عندى لمبه زرار الانتظار اتحرقت وكنت عايز اغيرها , ارجو من الساده الاعضاء حد يشرحلى الزرار بيتفك ازاى؟؟؟؟
اللمبه دى بالزرار مش لوحدها
والزرار غالى تقريبا (بصراحه انا مش عارف تمنه بس الكهربائى قالى تمنه غالى)
انا عندى نفس الموضوع واللمبة اتحرقت وانا ماخدتش بالى خالص غير بالصدفة شفتها فى عربية لانسر تانية ان الزرار بينور وعشان تفكه لازم تفك وش التابلوه كله من عند العدادات بفتحات التكييف لحد فتحة التكيف اليمين واللمبة مش بتتغير لأنها جوا الزرار نفسه زى ما قال الاخ شريف
انا رأيى تخليها زى ماهى مش هتأثر معاك فى حاجة
للأسف و أنا كمان عندى نفس المشكلة
انا كان عندى نفس المشكلة فى لانسر 99 وكنت دايما بحسس فى الضلمة على الزرار دة وقلت مش معقول ما يكنش فيها لمبة المهم قدرت افك الزرار بعد ما فكيت مجموعة مفاتيح التكييف وقعد اقلب فى الزرار يمين وشمال مش لاقيلة مدخل لاى لمبة وفى الاخر فكيت (شفف) الزرار نفسة لاقيت لمبة سفيسة كدة راكبة فى ركن صغير داخل الزرار
المشكلة بقى فى اللمبة نفسها لانى كنت متأكد انى مش هلاقى زيها لانها اصغر من لمبات الطابلون فكان عندى مجموعة مسجلات عربية قديمة فيها نفس اللمبة دى وركبتها وشغالة كويس لحد دلوقتى.
بالنسبة لزرار الانتظار فى البومة مكانه سهل جدا وتطولو بايدك بسهولة عشان كده بقول مش مشكلة اوى ان اللمبة بتاعتو تتحرق
انا عندى نفس المشكلة اللمبة اتحرقت ولما فكيت الزرار لقيت لمبة صغيرة اوى لفيت بيها الدنيا كلها وفى الاخر محل قلى هجبهالك ب 20 جنية زى ما يكون بيقلى متخدهاش قلتلة ماشى لانى مكنتش مصدقة بعد اللف الكتير جبهالى فعلا وركبتها الحمد اللة