طلب نصيحة لشراء اوبترا مستعمل

**mahmoudgaweesh** · 18-09-2010 09:44 PM

ارجو من اخوانى فى المنتدى مساعدت
انا عايز اشترى اوبترا مستعمل اوتوماتيك لو حد عنده ى ملحوظات على الاوتو او المانيوال ياريت يفيدنى
وايه الحاجات اللى فى العربية اللى المفروض اتاكد من سلامتها
فى ناس مثلا قالوا علبة الدريكسيون ده طبعا بالاضافة للحاجات الاساسية
لو ممكن حد عنده عربية موديل من 2006 الى 2008 وعايز يبيع يقولى

**aymanmaly** · 18-09-2010 10:03 PM

القصة كبيرة جدا ان حد ينصح انك تتأكد من حاجات معينة
بس طبعا الاساسيات
التأكد ان الفتيس شغال كويس ( مش متلصم)
ان الماتور مافيش منة مشاكل و مافيش دخان بيخرج من الشكمان
العفشة سليمة ( داخل فيها علبة الدركسيون )
ان العربية مش عاملة حادث ماثر على الشاسية او ممكن يعيق بيعها مرة ثاني
التكيف شغال بقوة
مافيش مشكلة حرارة فى السيارة
يعنى بالمختصر تشوف كل حاجة فى السيارة لان اقل حاجة برقم
مثال 2 مساعد امامى اصلى من التوكيل 2000 بدون تركيب
و دى ارخص حاجة من المذكور عالية
يبقى حضرتك تعمل اية ؟
لو لقيت سيارة عليك على التالى
متابعة السيارة عند الوكيل لمعرفة اية احاجات الى اتعملت فى التوكيل و دة برقم الشاسية و الماتور و دة يبق اطمئنان بنسبة 20 %
و بعد كدة تروح لحد تبعك يعنى معرفتك و يكون عندة كشف بالكمبيوتر يكشف ليك على العربية كمبيوتر و شاسية و كل حاجة و يديلك تقرير
لو ماعندكش حد ممكن تقولى و انا ارسل لك عنوان واحد امين يغربل العربية

و بالتوفيق

**a7medhady** · 20-09-2010 04:17 PM

شكرا يابشا علي النصايح الكويسه دي بس انا برضه عندي نفس المشكله قدامي عربيه اوبرتا 2007 عامله 51000 كيلو اتوماتيك بس مش عارف اكشف عليها فين وهل الكشف هايقدر ييدك سعر ليها ولا اسعرها ازاي وياريت تبعت ليا عنوان الراجل ده

**aymanmaly** · 20-09-2010 07:00 PM

هو فى مدينة نصر
داخل بنزينة وطنية الى بعد انبى و قبل سوق السيارات و بجانب مسجد السلام
صاحبها المهندس احمد
حضرتك اتفق معاة عل قيمة الفحص الاول
و اظن انة ممكن يسعرها
و انت بعد ما تتأكد ان كل شىء جيد ذى ما اتفقنا بالمشاركة السابقة خذ السعر منة واعمل موضوع بالحالة و السعر
و ان شاء الله نساعد حضرتك
ملحوظة خلية يتأكد ان العربية مش عاملة اي حوادث او مرشوشة دواخل و خوارج
و بالتوفيق للى فية الخير