السلام عليكم ورحمة الله وبركاته
أنا عندي أنيميا بس مش عارف نسبتها؟ كنت عايز أعرف ايه التحاليل اللازمة للتعرف على نسبة الأنيميا في الجسم؟ وايه العلاج المطلوب علشان أخلص من الأنيميا؟
مشكلتي الأساسية هي ضعف في التركيز + ضعف عام في جسمي كله
عرض للطباعة
السلام عليكم ورحمة الله وبركاته
أنا عندي أنيميا بس مش عارف نسبتها؟ كنت عايز أعرف ايه التحاليل اللازمة للتعرف على نسبة الأنيميا في الجسم؟ وايه العلاج المطلوب علشان أخلص من الأنيميا؟
مشكلتي الأساسية هي ضعف في التركيز + ضعف عام في جسمي كله
ممكن تعمل صورة دم كاملة ( CBC ) او نسبة الهيموجلوبين فقط ( hb )
النسبة الطبيعية للرجال 12.4-14.9 gm/dl l
بالنسبة للسيدات 11.7-13.8 gm/dl
pregvit zinc caps
مرة الصبح ومرة مساء
وبالشفا ان شاء الله
معلش سؤال - هل فيه نظام غذائي معين يجب اتباعه علشان أقضي على الأنيميا؟؟ مشكلتي كمان إني رفيع جدا ومهما آكل مفيش فايدة ، هل ده ليه علاقة بالأنيميا؟
بص
لو الانيميا حادة لازم تزور طبيب امراض دم لتحديد سببها
فيه واحد ممتاز عن تجربة اسمه أ.د. عبد الرحمن سليمان في مستشفى كليوباترا
للحجز كلم المستشفى على 24243931
هيطلب منك شوية تحاليل هتحدد هل هو سوء تغذية و لا فيه حاجة غلط في الجسم بتخليك مهما تاكل حديد عندك انيميا و لا ايه بالظبط ....
لو الانيميا بسيطة يبقى علاجك بسيط
1- زيادة الاكل المحتوي على الحديد
البدنجان ... البلح .... العسل الاسود .... التفاح .... الكبدة .... الخرشوف ... الرمان ... الجريب فروت ... الخ
2- الابتعاد عن اسباب تكسير الحديد
الشاي و القهوة و النسكافيه و الكولا و الشوكولاتة و بالذاااااااات بعد الاكل
3- زيادة الفيتامين سي (لانه يساعد على امتصاص الحديد)
تشرب ليمون .... برتقال .... تاخد يوميا كبسولة C Retard 500 ....
موضوع انك مهما تاكل مفيش فايدة ممكن يكون زيادة في افراز هرمونات الغدة الدرقية
ممكن تعمل تحليل TSH, Free T3, Free T4 و تشوف ايه النظام
طبعا انا مش طبيب بس انا باحكي لك من واقع تجارب عملية مع اطباء في مشاكل شبيهة يعني ماتاخدش على كلامي 100% و لا حتى 50% :)
إنت ماتعرفش إن أحمد بيه كمال
كان مترشح لمنصب وزير الصحة ..بالتنافس مع الدكتور أحمد عبدالغني
في جمهورية نايل موتورز العربية
أستاذ أحمد كمال ..واسع المعرفة بالنواحي الطبية بشكل يفوق مجرد الهاوي
أحمد باشا محترف
......................
وكلام أحمد باشا تمام فيما يخص الدرقية
أحيانا الهرمون بيزيد ويحصل حاجة إسمها hyper para thyrodism
يعني زيادة إفراز هرمون الغدة الدرقية
وده بيؤدي لحرق كل دهون الجسم(حتى المختزن منها)..بشكل غير طبيعي
ومن أعراضه -غير النحول الشديد- جحوظ العينين
يعني إنت ممكن تعمل تحاليل على الهرمونات..وتشوف نسبتها إيه
وبالمرة تحلل urine و stool
وربنا يوفقك
hyper -thyroidism اصدك يا دكترة :D
أخجلتم تواضعنا
الموضوع باختصار ان احد افراد الاسرة عنده autoimmune hypothyroidism أو ما يسمى بمرض هاشيموتو Hashimoto's disease
من كتر ما ذاكرت بقيت و انا رايح للدكتورة و واخد التحاليل اقول للي معايا الدكتورة على فكرة هتعمل كذا (توقف العلاج ... تزود الجرعة .... الخ) .... و يحصل نفس الشئ ..... الدكتورة قالت لي هاشغلك مساعد في العيادة هههههههههههههههههه
و ممكن بعد ما يخلص عالدهون يخش عالعضلات يهضم في ابوها لانه مش لاقي حاجة يحرقها لان ال ....bolism بقى في السما
سبقتني يا ريس :) بس هي على فكرة hyperthyroidism (كلمة واحدة)
معلش يارجالة ..أصل أخوكم دخل طب وبعدين صيدلة من أدبي
ههههههههههههههه
سرحت مني
أنا لسه فاكر الصفحة دي في مذكرة د.ناجي فايق في منهج الــ endocrine
أخر الصفحة إلي على اليمين
كانت أيام لوووز
بس هموت وأعرف
أبوكمال جايب الموسوعة الطبية دي منين؟؟؟؟؟؟؟؟؟؟؟
وماتقوليش إنك جربت الأمراض دي
فيه اللي جربته
و فيه اللي جه لمراتي او ابويا او امي او بنتي او حتى واحد صاحبي .... اما بنتي جالها الصفرا قريت كل اللي اتكتب عنها و انواعها و علاجها و و و و و ...
و انا عندي فضول علمي رهييييييب من زمان أوي
ماحبش ابقى جاهل في اي حاجة ..... يبقى عندي معلومات عامة
غير اني اصلا عندي disease phobia من زمان جدا و باخاف من الامراض جدا و لذلك باعاملها بمبدأ اعرف عدوك
تصدق ياأبو كمال
كنت بحلم حلم غريب شوية..بمناسبة إعرف عدوك
نفسي أعمل معمل في البيت عندي..وبما إني صيدلي
أقعد وأتفرغ بشكل كامل إني أعمل حاجة مهمة ..زي علاج للسرطان أو الإيدز مثلا
أنا واثق إن لكل داء دواء..يعني الدوا موجود..لكن ماحدش عرف يجيبه لسه
بحلم إني أكون الحد ده
لأكتر من سبب
أول سبب
1.صدقة جارية إلي قيام ساعة..وكل واحديتعالج بيها ..ليا عليها ثواب ..وأخد كمان زي أي ثواب يعمله في حياته..يعني حسنات كتيررر
2.مكنش مجرد واحد صيدلي مصري ..إتولد وعاش ومات
3.يمكن ..يمكن تكون حاجة نرفع بيها إسمنا وسط الدول إلي بيعتبرونا حشرات عايشة في بيوتهم
إيه رأيك في الحلم ده ياأبوكمال
جزاكم الله خيرا