السلام عليكم ورحمة الله وبركاته
مساء الخير يا شباب .... ومليار مبروك على المقابلة ..... اللى والله لولا الظوروف كان زمانى بايت هناك مستنيكم ...... على العموم تتعوض .
النهاردة وإنا مسافر بالعربية ( أسترا 2005 - أتوماتيك ) .... ولما بوصل لسرعة 70 لحد 90 ألاقى العربية بتنتش .... وبعدين لما السرعة تزيد تروح التنتيشة ...... وده فى كل مرة
يا ترى ايه سبب المشكلة دى وحلها إزااااااااااااااااااااى
للأسف دى شكلها كده طرمبة بنزين بتضعف
و يا باشا كنت تنورنا والله
طب يا طنانى باشا .... مليون شكر على الرد ده كبداية
ثانيا .... هى طرمبة البنزين تعمل كده على سرعة 70 .
على العموم حضرتك عارف نوع كويس وسعره والمكان اللى هشترى منه ..... وإزاى أعمل اختبار وأكد إنها طرمبة بنزين مش حاجة تانية
معلش مصدع يا كبيييييييييييييييييييير.
أزيك يا طناني باشا واحشني والله ايه اخبار سعاتك ؟؟؟اقتباس:
المشاركة الأصلية كتبت بواسطة tananybasha
بالمناسبه كده انا بشك ان 60% من أعطال طلمبه البنزين ان المصفاه اللى بتكون راكبه عليها بتتقطع أو بتنشف من البنزين وبتشقق
لأنها حصلت معايا أكتر من مره
ربنا يخليكم
هو العيب الواضح التنتيشة عند السرعه دى
بس لو طرمبة فعلاً المفروض عند ار بى ام معين على كل الغيارات
يعنى تبتدى تنتش عند 3000 ار بى ام على التالت و تنتش عند نفس الرقم على الرابع و الخامس
اخى العزيز شيك على البوجيهات لازم تكون gm لو غيرتها وخفت ممكن تكون موبينه الكهرباء اللى فوق البوجيهات
لو البوجيهات مش 2 شمعه غيرها
على فكره حصل معايا النهارده الصبح اول ما دورت العربيه دارت عادى ووقفت اسخن شويه اول ما طلعت فضلت تقطع وتنتش معايا لغاية تقريبا مسافة 500 متر بس بعد كده بقت عادى
مع العلم انى لسه مغير بوجيهات بوش المانى وطرمبة بنزين بوش . بس للاسف انا بستعمل بنزين 80 عشان المصاريف وكمان العربيه بتستهلك بنزين شويه
تفتكروا اللى حصل ده اية تفسيره العلمى والمنطقى
ممكن شويه سدد وسلكت الحمد لله وفي الغالب في الطلمبه بتحصل ساعاتاقتباس:
المشاركة الأصلية كتبت بواسطة waoola_78
سدد و عدى و احمد ربنا