تفتفه على السلانسيه .. برجاء المساعده

بسم الله
النهرده لاحظت تفتفه على السلانسيه وكمان حسيت ان صوت العربيه عالي وصوت الششكمان كمان ... بس صوت الشكمان مش لدرجه ان الشكمان مخروم لا ... هو صوت عالي بس مش الصوت بتاع لما يكون مخروم .. أرجو الآفاده من اخواننا الاعزاء في المنتدى الجميل ده مع العلم ان النهرده مونت من بنزينه غير اللي كنت ممون منها اخر مره... هل ممكن يكون البنزين اللي مونته ده مش حلو او مخلوط بميه او .. او ... او ... وبالتالي سبب التفته دي ؟؟
العربيه لانوس 2006
عامله 46000 كيلو
غيرت سلوك البوجيهات من حوالي 4 شهور
غيرت البوجيهات من شهرين
فلتر الهوا معاده الايام دي بس لسه مغيرتوش بس بنضفه بصفه مستمره
فلتر البنزين غيرته من حوالي 3 شهور

ممكن يكون بنزين عليه ميه

وممكن تكون الموبينه فيها ربع ضرب

هختبر الموبينه كمان شويه ان شاااء الله ويارب يكون الموضوع يقتصر على بنزين بميه وخلاص ... مشكور يا استاذ عصام وبنا يحققلك امنياتك ويشفيلك زوجتك واولادك