-
تحذير هام جدا
يوم الخميس اللي فات كنت مسافر على طريق مصر اسكندرية وقريب مين ماستر كانت فيه صخرة كبيرة اوي في نص الطريق ،ايوة نص الطريق :O_stupid[1]:
حاولت افديها بس للأسف مالحقتش لبست فيها فلكاوتش ، الجنط اتكسر والكاوتش اتفارتك ، أنا كنت ماشي على 140 وكان ممكن اتقلب لولا ستر ربنا ياريت لو حد مسافر في أي طريق في مصر يركز اوي لأن كل شئ جايز
حسبي الله ونعمة الوكيل في اللي حاطها وحسبي الله في البلد دي
-
شوفتها يوم الثلاثاء قبلي بيومين و الحمد لله تفادتها
و كما في طريق الرجوع مش فاكر فين بالظيط ( يا قبل واحة عمر يا اما بعديعا ) في حفرة بعمق حوالي 5 سم و عرض حوالي 50 او 60 سم و اخدة اول حارتين و نص من جهة اليمين ( تقريباً مكان حفر كهرباء او حاجة زي كدة ) دي انا لبستها و جت سليمة بس اتخضيت جامد بس ما دوستش فراملو قولت اخدها بسرعتي احسن المشكلة انها في منطقة متسفلتة جديد
-
الحمد لله علي سلامة حضرتك
و تلاقيها وقعت من عربية نقل تنقل مخلفات ولا حاجة
لانني لا اتوقع ان يكون في انسان انعدم منه الضمير لهذه الدرجة
و ربنا يسلم لنا طريقنا
ونصيحاتنا لاخوانا المسرعين احذر من غدر الطريق الله يكرمكم
حياتكم غاليا علينا وعلي اهلكم
م.حاتم السباعي
-
اكيد واقعه من عربيه و حد ابن خلال شالها لاني كنت انهارده علي الطريق رايح و رجعت الحمد لله من كام ساعه كده مافتكرش ان كان في حاجه قبل الماستر
-
شكرا للتنبيه و حمدلله علي سلامتك
-
ربنا سلم والحمد لله
طرقنا مليانه بلاوي
-
حمد لله على سلامتك
انت فى مصر
الشوارع والطرق السيئة
دا غير البنى ادمين اللى كل واحد عامل مطب قدام بيته ويبقى الشارع اساسا زحمة جدا يعنى هى ناقصة !!!!!!!!!!!!
ولا الحكومة اللى بتكسر فى الطرق وتعمل اصلاحات فى المياة والصرف فى ايام الزحمة والمدارس فعلا الحكومة الذكية :T_thum1[1]:
-
الله يسلمكم يا رجاله هيا الصخرة كانت كبيرة اوي يعني زي اللي بيتعمل منها الرصيف !! الحمدلله ربنا ستر
Content Relevant URLs by
vBSEO 3.6.0 PL2