20 سنة فاتوا ...

**M.almaghraby** · 19-09-2010 02:16 AM

السلام عليكم ورحمة الله وبركاته

كل سنة وانتم بخير و طيبين

يا رب كلكم يبقي كويس و بخير :))

من كام يوم كدا كان عيد ميلادي 14 -9

طبعا كان عندي امتحانات

تميت 20 سنة

حاسس انهم كتير اوي

و حاسس اني كبرت ,, و كمان حاسس ان الوقت بيعدي بسرعة جداااا

...........

ياتري حسيت بايه لما تميت العقدين من عمرك .... و بتحس ايه فعيد ميلادك ؟

و هل في شيء معين بتبقي حريص عليه ؟؟؟

بتزعل ... بتفرح ... بتفكر ؟

ولا كانه اي يوم عادي

**أحمد كمال** · 19-09-2010 02:27 AM

بالله عليك لتسكت لاحسن انا شبح التلاتين فاضل عليه سنة و حاسس اني عجوز تنين !!!

20 ايه يابا

بص بصراحة على اياميها كان الرقم يخض

و النقلة من ال teens للعشرينات يخوف

بس بصراحة - و ما تفهمنيش غلط و لا تزعل مني و انا معتمد انك مخك كبير - انا دلوقتي بافتكر نفسي اما كنت 20 و باضحك و اقول ايه العبيط الاهبل ده و انا ازاي كنت فاكر نفسي كبير !!!!

**Hussein_Emara** · 19-09-2010 02:51 AM

ايام ال 20 كنت مفروم في الجامعة ف محستش بيها قوي, بس ال 25 وجعتني قوي, ربع قرن من الزمااااان :-(

بس خلاص بقى عيد ميلادي كل سنة بقى الذكرى السنوية للحاجات اللي فشلت اني احققها, و اللستة كبيرة والحمد لله

بص فكر في اللي مش ممكن تعمله غير لما تكبر، يعني مثلا تتخرج و تشتغل و تصرف على نفسك و تجوز و تخلف ( بغض النظر عن صعوبة المواضيع دي بس خلي املك في ربنا كبير)

كل سنة و انت طيب

**A7MED_PHARMA** · 19-09-2010 02:51 AM

الموضوع ببساطة
إنت بتسيب مرحلة وتخش مرحلة
يعني إنت دلوقتي سايب مرحلة (الطفولة والمراهقة)
المرحلة إلي مفيهاش أي هموم خالص..عايش حياتك بالطول والعرض
عاوز فلوس ...بابا عاوز فلوس ..عاوز لبس..بابا عاوز لبس

تدخل بقا على العشرينات
بداية الرجولة

وتبدأ أول ماتشوف بنت حلوة ..تقول عاوز أخطبها
هههههههههههههه
وتحس (إحساس غير ناضج)إنك بقيت راجل مكتمل الرجولة

وبتكون لسه عايش الحياة بالطول والعرض

لحد لما تبدأ الإقتراب من شبح الــ30 سنة
وتحس إن عمرك بيتسرق منك..وإنك ماعملتش حاجة في دنيتك

وتحس إنك بدأت تركب المنحنى الهابط من الحياة
وغالبا
ممكن البعض يصاب بالإكتئاب في المرحلة دي (بين الــ25 -30)

زي أخوكم كده...أنا دلوقتي شايف الدنيا سودا ..سودا
وحاسس بجد إن عمري بدأ فعلا count down

**A7MED_PHARMA** · 19-09-2010 04:39 AM

المشاركة الأصلية كتبت بواسطة M.almaghraby

ربنا يديك طولة العمر دانتا لسه في عز الشباب يا عم ماشاء الله :)))

بالظبط كده يامغربي
أنا في عز شبابي ..أنا أخدت المنحنى الصاعد لحد ماوصلت لقمة المنحنى
إلي هوا عز شبابي
ودلوقتي
بداية رحلة الهبوط في المنحنى الهابط

..........
فاهمني
يوم ..بعد يوم ..لما تلاقي جسمك وإنت عندك 26 ..مش زي جسمك وإنت عند 20
لياقتك بتقل
ولما تشوف أوتحس إن شعرك بيقع هههههههههههههههههههههههه
وتشوف ملامح الزمن مرسومة على وشك
وتلاقي الناس تبدأ تديك سن..إلي يقولك""إنت بتاع 30-35 سنة"""
وإلي يقولك""إنت يعني بتاع 30 سنة""
ده معناه إن الزمن رسم ملامح في غير وقتها

ومش عاوزني أكتئب

**pro_samir** · 19-09-2010 04:52 AM

كنت حاسس زيك كده لما وصلت 21 اللي هو سن الرشد كنت عمال اقول لنفسي وصلت سن الرشد ! طيب عايز ايه يعني عادي اهوه هههه

وكنت ببص للناس اللي وصلو 30 ولسه متجوزوش واقول الناس دي عايشه ازاي وبيصعبو عليا :)) لحد ما وصلت 30 الا 3 شهور اهو وبرضو الدنيا عادي وماشيه

المهم ركز في قراراتك المرحله اللي جايه لأنها هتشكل حياتك بنسبه كبيره ومتضيعش أي فرصه واستغل الوقت دلوقتي في أي حاجه ممكن تستفيد بيها في المستقبل حتي لو كورسات لغات و كورسات وتدريب في مجال دراستك ، لأن بعد كده مش هيبقي عندك وقت تعمل حاجه غير الشغل ، ومش هقولك لو جالك أي فرصة هجره متسيبهاش حتي لو للصومال لأن دي من الحاجات اللي ندمان عليها جدا ، أيامها كنت بقول ايه اللي يخليني اهاجر مانا عايش كويس وشغلي كويس وجنب أهلي هتغرب ليه بس مفيش حاجه بتفضل علي حالها خصوصا في بلدنا دي

-

-

-

-

الموضوع: 20 سنة فاتوا ...

LinkBack

أدوات الموضوع

عرض

20 سنة فاتوا ... - انشر الموضوع فى :

-

-

-

-

-

المواضيع المتشابهه

مين استلم السيراتو - من الوكيل- الكام يوم اللى فاتوا دول ؟؟؟؟

ماذا حدث للمنتدى فى اليومين اللى فاتوا

متخيل تطور الكمبيوتر في العشرين سنة اللي فاتوا

الكلمات الدلالية لهذا الموضوع

المفضلات

المفضلات

ضوابط المشاركة