الموضوع: رادر علي طريق الالقطاميه السخنه

المشاركة الأصلية كتبت بواسطة walidadel

انا اصلا ماقولتش اني راكب طائره نفاثه ولا قولت اني هاجيبها حتي و لا سرعه 142 دي اتحطت ضمن حتي السرعات المبدئيه للطائره النفاثه و ياريت بلاش اسلوب التريقه دا اصلا

انا عامل الموضوع ده بخاطب فيه ناس معينه في المنتدي اللي هيا زي حلاتي بتجري لاسباب مختلفه و اللي هيا بردوا ماعرفهاش مقولتش ياريت حد يخش ينصحني

Speed When It Need

سيادتك انا مش باتريق عليك واسف لو كان اسلوبي زعلك
وكمان اسف لو كنت فهمت كلامي علي انه نصيحة ليك والعياذ باله لو كانت النصيحة تزعلك

كل ما في الامر ان موضوع السرعة والرادار ده اتكرر كتير جدا الايام دي من اكتر من شخص في المنتدي وكل واحد عاوز ما يتخالفش رادار (يعني يجري براحته) وكل واحد ليه مبرراته في كده وهو ده اللي مخلي كل واحد له قانونه الخاص من وجهة نظره الشخصية وبيعتبر انه اذا اتخالف رادار هنا يبقي الحكومة بتسرقة علني وعيني عينك

طب تعالي نفكر من وجهة نظر شخص تاني غير حضرتك شايف ان ال 140 دي مش كافية ولازم الطريق يتفتح ل 160 مثلا
هل في الحالة دي هو صح وانت بالنسبه له ماشي بتسحف علي طريق سريع وممكن تتسبب في حادث لاقدر الله بسبب انك بطيء؟؟!

كل واحد له مبرراته في السرعة اللي ماشي بيها في اللي متأخر علي موعد وفي اللي بيمل وبينام لو مشي بالراحة وفي وفي وفي .............

السرعة القانونية ما فيش احسن منها زي ما قال الاخ (توت)

وكون انك لا قدر الله ممكن تمشي بالراحة وتعمل حادثة ده مش مبرر ابدا انك تتعدي السرعة القانونية وتجري

واشكرك علي سعة صدرك ومرة تانية اسف لو كنت زعلتك