لمبة الزيت بتنور وتطفى؟

**teto2007** · 19-09-2010 07:02 AM

السلام عليكم ورحمة الله وبركاتة
اخوانى الكرام اعضاء المنتدى الموقر من حوالى يومين لقيت لمبة الزيت بترعش كدة تنور وتطفى قلت اغير الزيت اكيد كفائتة قلت لانة بقالة حوالى 2700 كيلو وهو بيتغير على 3000 غيرتة بس بصراحة مغيرتش الفلتر لانى لسة مغيرة المرة اللى فاتت والميكانيكى قالى غسلتة وركبة تانى بس برضة اللمبة رجعت ترعش تانى تنور وتطفى برعشة كدة مش عارف هل دة عيب فى الكهربا ولا الزيت ولا اية اية بالظبط ارجو الافادة وشكرا ليكم

**i_Am_Legend** · 19-09-2010 02:59 PM

2 مالهمش 3_طرمبة زيت ضغطها قل_او تعبانة_الفلتر مسدود_او كهرباء ملمسة_وبص على الترملة الواصلة بساعة الزيت ممكن تبقى سايبة اوملمسة.

**kamalsalem** · 19-09-2010 03:03 PM

ممكن تكون كهرباء.. انا مرة لمبة الزيت نورت عندي وبعد ما مشيت حسبة 15كيلو على الصحراوي طلعت بس بتهرج معايا

**M.Zaher** · 19-09-2010 03:05 PM

المشاركة الأصلية كتبت بواسطة i_am_legend

2 مالهمش 3_طرمبة زيت ضغطها قل_او تعبانة_الفلتر مسدود_او كهرباء ملمسة_وبص على الترملة الواصلة بساعة الزيت ممكن تبقى سايبة اوملمسة.

+111111111111111
كده بقوا تلاته

بص على الاسهل الاول وبعدين خش على الصعب

1- غير الفلتر

مجابش نتيجة يبقى
2- ساعة الزيت
او
3- طرمبة الزيت

بس طبعا اتاكد الاول من مستوى الزيت

**teto2007** · 19-09-2010 07:09 PM

شكرا للرودود اخوانى الكرام وانا فعلا شاكك فى الكهربا وممكن يكون الفلتر لانى مغيرتوش المرة دى طيب واية انسب زيت للموتور بالنسبة لل 128 هى موديل 91 وشكرا ليكم

**karimfahmy99** · 19-09-2010 08:41 PM

اللى اسمع عنة انة كويس زيت فيسكو . بالنسبة للعربية اعتقد اللى اسمة فيسكو 2000 كويس

على فكرة خد بالك ان ممكن الزيت نفسة يعمل كدة و ميكنش عندك اى مشكلة فى حاجة . غير الزيت و الفلتر الاول و شوف

**samirayad** · 19-09-2010 08:44 PM

أبدأ أولا بتغيير الزيت والفلتر قبل أى شىء

فقد يكون الفلتر محملا بالملوثات

**teto2007** · 20-09-2010 06:55 AM

اولا شكرا لردود حضراتكم ما هى المشكلة كانت من كام يوم قبل ما اغير الزيت رحت ما غيرة برضة نفس المشكلة بس انا مغيرتش الفلتر انا مغيرة المرة اللى فاتت بس غيرت نوع الزيت كنت بحط امارات مصر حطيت المرة دى مصر للبترول الجركن الرصاصى مكتوب علية api sf والميكانيكى قالى الفلتر كان فية زيت متسخ وانا غسلتهولك وركبة تانى هل كدة فى مشكلة من الفلتر ولا اغيرة احسن وينفع اغيرة بعد ما حطيت الزيت الجديد وشكرا ليكم