عاوز واحد بتاع رادياتير كويس

السلام عليكم

كنت عاوز واحد كويس بتاع رادياتير عشان تقريبا عندي مشكلة و في تسريب

ممكن فيصل او الهرم او الجيزة
وسط البلد، عباسية و مصر الجديدة و مدينة نصر

بس يا ريت يكون حد متجرب



الف شكر مقدما

انا اعرف واحد كويس في الحي العاشر عيال فاهمة اوي

عملت عندهم الرداتير اخر مرة وشغال زي الفل

في واحد في المعادي في شارع احمد زكي اسمه الفلافيلي وده رقمه 0127452153 انا مجربه هو بيستورد الرادراتير من بره وبيصلح كمان

السلام عليكم
ممكن حضرتك تروح لواحد أسمة جمال ورا مستشفى أم المصريين في المنيب أسمة جمال غالي شوية بس عندة حجات كتير نضيفة

فى واحد فى شارع الترعه - شبرا
وفى ورشه كبيره جنب محل أشرفكو فى الحى السابع

الف شكر ليكو يا جماعة

والله انتم عزوة :)


للأسف امبارح وانا واقف في اشارة العربية سخنت جدا جدا و اضريت اوقفها في وسط ميدان التحرير و ملقتش فيها ولا نقطة مية، و عقبال ما وقفت كانت نزلت ل المية اللي فيها، تقريبا هي فعلا فيها مشكلة بس لما بتسخن قوي او اشارة بتنزل كل المية اللي فيها في اقل من دقيقة

للاسف انا مضطر اروح لأي حد حتى لو شنكوتي لأني عشان اروح بيها اي حتة ممكن تحصل مشكلة

انا امشي بيها 10 دقايق و انزل احط فيها 3 لتر مية و هكذا

في فيصل 2
الأفضل المركز الفرعوني للردياتير ده في الطوابق على يمينك وانت نازل على الجيزة بعد الأرض الفاضية اللي بيعملوا فيها المعرض
وفي واحد تاني في الأريزونا هاتخش الشارع اللي على ناصيته مغسلة الأريزونا وتخش تاني شارع يمين هاتلاقيه على يمينك اسمه يسري
الأولاني أفضل والتاني شغال انا مجرب الاتنين
وأوعى تروح للشيخ اللي في المنيب نصيحة أخ

سبحان الله الاتنين جنب بيتي و كنت مكسل اروح لحد اللي حصل

والله الف شكر ليك و لردك، انا هبقى اروح و امتب الرد هنا

اقتباس:

---

المشاركة الأصلية كتبت بواسطة msafa

سبحان الله الاتنين جنب بيتي و كنت مكسل اروح لحد اللي حصل

والله الف شكر ليك و لردك، انا هبقى اروح و امتب الرد هنا

---

نفس اللي حصل معايا بالضبط بس انا كنت في طريق مصر اسكندرية اضطريت اجيبلها سيارة انقاذ

المهم في حل من اتنين يا تجيب واحد جديد من عند اولاد منصور بـ600 جنية (في التوكيل بـ2900 جنية)
يا اما ترود تلحمه بحوالي 150 جنية.
المهم اني عرفت انو اتخرم بسبب مية البطارية الاصلية اللي كانت جاية مع العربية اللي غيرتها من 3 سنين

لسه شارى ردياتير جديد لواحد صديق من شارع دمشق ب550 جنيه
ممكن لو فيه خرم صغير الحمه بالعجينه السحريه أو باكار لوك
الأتنين ممتازين عن تجربه

لو مش متأكد من ان المشكله من الردياتير أكشف على أويل سيل طلمبة المياه
لو بتسرب هتلاقى التسريب بينزل من أسفل سير الكاتينه .

الحمد لله المشكلة اتحلت

روحت لواحد شمعت انه كويس في شارع القبة الفداوية من شارع العباسية

فكه و قاللي ان شاء الله تطلع مشكلة صغيرة، غسله و لقه فيه حتة بتسرب راح لحمها بغرا كده شبة الصمغ العجيب اللي بيتحط اتنين على بعض، عمله مرتين لحد ما ظبط و خد 50 جنيه

قاللي ان السبب ان طيت مية مركزة رغم انها كانت تركيز 10% من شل اسباني كمان
قاللي في مركب امريكي أبرو ب 15 جنيه لو عاوزه، بيتزود مية و بيتحط تلت ارباعه في الرادياتير و ربع في القربة و دي صورته

http://3.bp.blogspot.com/_5rpafzTKeV...1092010011.jpg

وان كنت حاسس انه مضروب عشان دي صورته في موقع ABRO و غالبا هغيره بالمية بتاعة موبيل
و هو بيركب حسيت ان المروحة بتاعة الرادياتير بطيئة شوية قاللي ده عادي، و مشيت بالعريية مشوار صغير، بالتكييف لقيتها سخنت تاني روحتله قاللي مفيش اي تسريب بس لازم تكشف على المروحة

وصفلي كهربائي كده محل صغير جدا في شارع متفرع من شارع العباسية اما عمر افندي (بنك سي آي بي دلوقتي) بس عنده كل حاجة و استيراد بس قاللي حرام تغيرها يمكن تتصلح احسن فكها و قاللي الشربون (محدش يسألني عشان نعرفش اي ده هههه) متاكل خالص غيره وانا مش مقتنع

المهم شغل المروحة ما شاء الله بقت جميييييييييييلة و قوية جدا، و ختها مشوار كده في الزحمة مرة بالتكييف و مرة من غير و كله تمام الحمد لله

والله كان كابوس، وان كنت لسة محتار، ازاي كانت شغالة كويس بمروحة واحدة و انا مشغل تكييف ي درجة حرارة فوق الاربعين الصيف اللي فات و سفر مرتين رايح جاي في نفس اليوم؟

تقريبا الرادياتير مش زي الاول، ان شاء الله كام شهر كده لما ربنا يسهل و هغيره




الف شكر لعيلة ويرا بنت عيلة بروتون :satelite:

الف مبروك عالصيانه
دلوقتى الحراره بتبقى على الشرطه الكام مع التكييف ومن غير تكييف(لما المروحه بتشتغل ) ؟

ابو حميد

انا عندي سؤال الاول بما انك بتسافر كتير
ان شاء الله انا مسافر اسكندرية الاسبوع اللي جاي و هروح مرسى مطروح و الساحل و كده، فهل الرادياتير ممكن يعملها معايا، في ناس خوفتني من الموضوع ده


بالنسبة لللمؤشر عموما بيكون في نفس المكان مش بيتحرك الا حاجة بسيطة جدا سواء بالتكييف او من غير
انا شغلت التكييف ووفقت 10 دقايق كده و برضه متحركش زي الصورة

http://2.bp.blogspot.com/_5rpafzTKeV...3092010022.jpg


بس انا للاسف لقيت فيه مشكلة انه ساعات بيعلق و لازم اخبط على العدادات عشان يستغل، روحت لبتاع العدادات اللي اسمه حمدي في احمد سعيد قاللي ملهاش حل و مصلحوش