احترسوا من النصب في سوق المستعمل

**LUX** · 16-03-2008 05:03 PM

المشاركة الأصلية كتبت بواسطة abzaky

طب ايه رايك انى شفت سماسره نصبو نصبه حلوه اوى
كانت 128 بيضاء و كان البارومه و كله العتب و مبهدلاه
ف جابو شويه قطن و معاه نشاره خشب و عليهم قليل من الغراء
و عملو العتب بالكلام ده و رشوه رشه حلوه
الزبون جه و دفع و استلم و يعنى نص ساعه لاقيناه جى
كان راح بنزينه يغسل العربيه
تخيل االيحصل خناقات و رفضو يرجعو العربيه
وسمعت انهم عملو نف الحركه بس باسمنت
و شكرا للضمير و الامانه

نفس الكلام حصل مع واحد صاحبي بس كانت 128 لونها احمر

و كانوا حاطين خشب ابكلاش ناشف و رشينه :(

بجد بقت حاجة تقرف.
بس انتوا مش ملاحظين ان الموضوع ده زاد اوي في ال 128؟
__________

**Adham_Sabry** · 17-03-2008 02:26 PM

انا شايف ان معظمنا بيقع في اخطاء عند شراء المستعمل
حد يعرف ازاي نشتري عربية مستعملة بطريقة تحفظ حق البائع والمشتري (علما بان العربية ممكن يكون فيها توكيلات)
يعني انا رايح اشتري عربية من سوق مدينة نصر (يوم الجمعة والمرور اجازة).. وعلي فرض اني واخد ميكانيكي ثقة وفحصنا العربية وعجبتنا .. واتفقنا علي السعر .. وبعدين نعمل اية ؟؟
ممكن حد يفيدنا ؟؟

**ابوهاشم** · 17-03-2008 06:48 PM

انا لما اشتريت عربيتى اشترطت على البائع اننا نروح لميكانيكى من طرفى انا فى ورشته
وفعلا روحناله وشاف العربية وقاللى زى الفل وسيبتهم وروحت اجيب الفلوس واشتريت
وبعدها اكتشفت ان العربية عاوزه عمرة وعرفت ان الميكانيكى ده عمل عليا شغل واتفق مع البائع
عليا وحسبى الله ونعم الوكيل فيه
من الاخر عشان تشترى عربية مستعمله وماحدش يخدعك لازم تكون انت الميكانيكى

**hero** · 17-03-2008 09:14 PM

المشاركة الأصلية كتبت بواسطة hashem1999

انا لما اشتريت عربيتى اشترطت على البائع اننا نروح لميكانيكى من طرفى انا فى ورشته
وفعلا روحناله وشاف العربية وقاللى زى الفل وسيبتهم وروحت اجيب الفلوس واشتريت
وبعدها اكتشفت ان العربية عاوزه عمرة وعرفت ان الميكانيكى ده عمل عليا شغل واتفق مع البائع
عليا وحسبى الله ونعم الوكيل فيه
من الاخر عشان تشترى عربية مستعمله وماحدش يخدعك لازم تكون انت الميكانيكى

+11111111111111111111111

الكلام دة بيتكرر كل يوم...وفي كل حاجة بتتباع وتتشرا...مش بس العربيات....

ودة السبب ايلي خلاني مافكرش في المستعمل خااااااااااااالص.....حتي اني بدات باسعار العربيات ابتداء من اللادا علي الزيرو...وحتي اخر ما يمكن ادفع.....

برة بيعملوا حاجة نضيفة قوي....وباعتبار ان الحياة هناك كلها نضيفة....وكلاء السيارات بيبيعوا العربيات المستعملة ايلي هما فاحصنها وضامننها علي مسؤليتهم كتوكيل....وطبعا سعرها بيكون كويس جدااااا واقل كتير عن الزيرو....علي الرغم انها بتكون قديمة سنتين او ثلاتة بالكتير....انا شفت دة في انجلترا وفي فرنسا...