عرض للطباعة
السلام عليكم . من اول الصيف و انا عندى مشاكل فى المياه و بتقل. مره يطلع الماسوره بتسرب و مره يطلع الردياتير مخروم. بس الحمد لله ما سخنتش ولا مره و بشيك على الزيت علشان الجوان . النهارده بعد ساعه سواقه و اول ما وصلت الشغل سمعت صوت مياه بتنفس. فتحت الكبوت لقيت غطا القربه بيطلع مياه
السؤال هل المطلوب تغيير غطا القربه و خلاص و لا اللانوس من العربيات اللى بتاخد هوا . و لو واخده هوا اعمل ايه؟
اسف على الاطاله و شكرا للردود
اكيد تغير الغطا اذا السيارة موديلها قديم عشان خلاص عمره انتهى مع الحرارة انا كده كان بيصير معي اذا مع المشواير الكثيرة . فاضروري تغيروه
غيير الغطاء الخاص بالقربة وتاكد من السن الموجود بالقربة فغالباً ما يتلف مع الغطاء ولذا انا ريحت دماغي وجبت غطاء بقربة استيراد وغيرتهم مرة واحدة وانتهت المشكلة
تمام كدهاقتباس:
المشاركة الأصلية كتبت بواسطة tarek_2005
غير القربة كلها بالغطاء و وشيك على جميع خراطيم التبريد و مواسير التبريد عند فنى رادياتير
شكرا يا شباب . انا لسه مشترى الغطا ده الشهر اللى فات. انا هجرب الغطا القديم لانه متشال و هو سليم و كمان هشوف سنان القربه و لو لقيت المشكله من القربه هغيرها ان شاء الله . ياريت حد يرد عليا فى موضوع الهوا. هل اللانوس ممكن تاخد هوا . انا كان عندى قبل كده فيليشا و كانت بتاخد هوا و عامله مشاكل
شكرا للردود
السلام عليكم ورحمة الله وبركاته
اخى الكريم انا كان عندى نفس المشكلة بل بالعكس اسوء ورحت طبعا لوورش وكانت النتيجة ان كل واحد افتكس شوية وفى الاخر المشكلة زى ما هى واتكلف ما يزيد عن 1500 جنية نتيجة طبعا انهم افتكسو وباظت الموبينة وكدة يعنى والحمد لله روحت التوكيل وكشف على العربية وغير لى المياة والغطاء وبقت والحمد لله تمام ةزى الفل روح التوكيل احسن ويتدفع مثلا 160 ومنهم تمن جركن المياة والغطاء احسن بدل ميحصلك اللى حصلى
العبد
0102761481
سيدى الفاضل الحل فى 5 دقايق
فك غطاء القربة هتلاقى جواه بلفين هتلاقى واحد فيهم السوسته بتاعته هربت و محتاجة تتعدل بس و ده عن طريق فك جوان رفيع حوالين الغطاء من الداخل و هتشيل بلسكه رقيقة كده هتشوف السوست بتاعه البلوف و تقدر تعدلها
الموضوع سهل جدا مياخدش خمس دقايق
و ابقى خد الهوا من دوره المياه على حدود معلوماتى انها ممكن تاخد هوا بس موضوع الغطاء ده مش بفتى فيه ده بجد و حصل معايا و عملتها زى ما بقولك بالظبط
شكرا يا شباب. انا ركبت الغطا القديم ورجعت من الشغل و مفيش مياه سربت و الحمد لله. بكره ان شاء الله هروح للميكانيكى علشان اشوف موضوع الهوا و هتابع معاكم
شكرا للردود
السلام عليكم. انا حبيت احكى التطورات اللى حصلت علشان الفائده تعم. تانى يوم بعد ما غيرت الغطا كشفت على المياه الصبح و زودتها لحد max و بعد كده رحت الشغل فى ساعه و بصيت تحت العربيه و مفيش نقطه واحده نزلت. مشوار و التانى و اخيرا و انا مروح و لاول مره مؤشر الحراره ارتفع و تقريبا لمس شرطه النص (اول مره يحصل كده) رحت لمحل الردياتير و قال مفيش حاجه بتنقط بس القربه كانت فاضيه تماما . على طول اشتريت جوان جديد و رحت للميكانيكى بتاعى. حل كل حاجه علشان يغير الجوان و الحمد لله لقى الجوان الموجود لسه شغال بس لقى كوعه المياه اللى داخله على الموتور مخرومه و عامله بارومه حولين الخرم. و كمان لقى خرطوم تانى مخروم.
انا غيرت جوان (قبل ميعاده) 20 جم
غيرت كوعه 25 جم
غيرت خرطوم 15 جم
غيرت زيت و فلتر
لسه اول يوم سواقه النهارده و دعواتكم معانا و ربنا يستر لأن مشاكل المياه و السخونيه ده حاجه صعبه
شكرااااا