الموضوع: مشاكل طلمبات البنزين

المشاركة الأصلية كتبت بواسطة amr_shaaban

انا بقا محتار جدا من طلمبات البنزين دي

انا عربيتي نوبيرا كوري ... اول ماجبتها كان فيها الطلمبة بتاعتها من برة......المهم كام شهر كده و لقيت فيوزها طار ... رحت جايب [gdwl]واحدة جديدة[/gdwl] علبتها gm بس الطلمبة نفسها مش مكتوب عليها اي حاجة شكلها [gdwl]مضروبة[/gdwl] كانت ب 280 من سنة و نص كده ... المهم 6 شهور و طارت بردة
قلت خليك في[gdwl] الشونة[/gdwl] جبت واحدة شونة ب 180 ... كام شهر و طارت
واحده تاني شونة بس كانت مش اوي يعني ب 100 و طارت في مدة اقل بس دي ما اتحرقتش باه .. دي ضعفت و خنقت العربية .
كل ده يا جماعة في اقل من سنتين !!!

انا من كتر فكي للطامبة بقيت خبرة بفكها في ثواني !!

جربت اجيب موتور شونة يكون ياباني مثلا و فعلا جبت واحد متسوبيشي و غيرتة اشتغل بس خانق العربية شكل الضغط بتاعة اقل من الضغط المطلوب

[gdwl]رحت جايب طلمبة كاملة شونة ظبطت العربية!![/gdwl]


هل ده طبيعي يا جدعان!!! الميكانيكي بقولة انا خايف يكون عندي حاجة غلط يقولي لا عادي النوبيرا كلها كده!!!

مع العلم اني بحط بنزين 80 و ماحدش يقول هوا السبب لان كثافتة و رواسبة زي ال92 فرق اوكتان فقط !!


[gdwl]ياريت اهل الخبرة يقولوا معدل تغيير فلتر البنزين الاصلي مع البنزين الهم بتاعنا ده كل كام
[/gdwl]
[gdwl]و اي اجراءات للمحافظه عليها[/gdwl] ........ [gdwl]و هل الزجاجة اللي بتنضف الانجكشن بتقصر عمر الطلمبة؟؟
[/gdwl]
[gdwl]والضغط داخل تانك البنزين المفروض يكون هوا الضغط الجوي ولا ضغط سالب؟[/gdwl]!!

الطرمبة الجديدة كانت مضروبة
طرمبة الشونة ( الاستيراد ) بختك يا ابو بخيت
فلتر البنزين بغيره مع فلتر الزيت كل 10000 كم معرفش الاخوة بيغيروه كل اد ايه
اجراءات المحافظة علي الطرمبة عدم ترك تنك البنزين فارغ لفترة وعدم تجاوز مؤشر البنزين للنصف
الضغط داخل التنك المفروض انه يعادل الضغط الجوي