زجاج كهرباء

**zimooo** · 19-09-2010 12:59 PM

الأخوة الأفاضل / أعضاء ورواد المنتدى
تحية للجميع ... وبعد
عربيتى دايو لانوس 2007 تكييف وباور فقط وكنت عاوز أركب فيها زجاج كهرباء ووحدة رفع وسنتر وإنذار .. ورحت سألت عند محل فى شارع دمشق ( إسمه السجان ) فقالى إن هذا الموضوع يكلفك حوالى 1300 جنيه تقريباً وده علشان نركبلك الحاجة الأصليه بتاعة الشركة زى العربيه ما معموله فى شركتها وسألته هل ده لعدد 2 باب أم 4 باب فقالى إن الأصلى بتاعها 2 باب فقط ..
لم أقوم بالتركيب بعد .. كل سنه وأنتم طيبين لسه خارجين من مصاريف العيد والمدارس .. ولسه بجهز حالى وكنت عاوز رأيكم وأى معلومات قد تكون مفيدة فى مثل هذا الأمر زى أفضل مكان لتركيب مثل هذه الأمور أو فيه مكان محدد متخصص أو فى التوكيل ممكن أركبهم وألاسعار إيه وهل التكلفة كدة معقوله أم لا .. إلخ .. علماً بأن مكان شغلى فى مصر الجديدة وسكنى فى مدينة العبور
تحياتى للجميع

**charming** · 19-09-2010 01:08 PM

متابع______

**karimfahmy99** · 19-09-2010 03:57 PM

شوف روح التوفيقية فى شارع زكى عندك حسنى الحكيم وبعدية بمحلين هشام لهيطة . اسال برضة و استفسر عن الاسعار و الخامات . بس اعتقد هناك هيبقى ارخص و شاور نفسك

**AlGazar2** · 20-09-2010 12:36 AM

بص روح عند بتوع الاستيراد و هات منهم المكن للاربع بيبان الى بينزل فى العربية و هايفكهولك من باب قدامك و هات الفرش الكهربا بتاعهم بالزراير بدفيرة الباب الكلام ده كله ممكن يدخله فى 1000-1200 و انت و شطارتك فى الفصال و شوف كهربائى كويس يركبهملك