استفتاء في معدل استهلاك زيت الموتور

**amrmaismail** · 19-09-2010 01:58 PM

السلام عليكم شباب المنتدي المحترمين
انا عامل الموضوع ده لأني خلاص قربت اتجنن

هل فيه معدل ( طبيعي ) لنقص الزيت في الموتور ؟؟؟؟؟؟
لان العربيه بتاعتي كانت بتاكل زيت ( مش كتير ١/٢ لتر فالغيار ال٤٠٠٠ كم )
الموضوع ده كان مجنني والله ماكنتش بنام
المهم بعد الفحص واللف والتمحيص قالولي غير طقم الشنبر كله هيبقي تمام
فعلا غيرت طقم الشنبر
وكان التحسن الوحيد ان العربيه كانت بتجيب ١٦٠ كم
بقت بتجيب ١٩٠ كم
جمييييل وخير وبركه
بس الزيت برده بينقص

سألت طوب الارض وكشفت علي كل حاجه
وبقيت متزاول وبقيس الزيت كل شويه

كانت الردود ناس قالت ده طبيعي لو مش كتير
ناس قالت ان نقص الزيت ١ مم علي عصا القياس كل الف امر طبيعي جدا ومعروف
ناس تانيه قالت ان الزيوت في مصر وحشه جدا وده سبب النقص
وناس قالت لأ المفروض مايبقاش فيه نقص ولا مم واحد

معلش دوشتكم معايا

المهم انا عايز كل واحد يدخل لو مهتم بالموضوع ده يكتب
نوع عربيته وموديل كام وكام سي سي
ماشيه كام ألف
بتنقص زيت ولا لأ
لو بتنقص بتنقص اد ايه
رأيه موضوع النقص ده طبيعي ولا لأ

وانا هبدأ
ستروين اكسارا ٢٠٠١ ١٦٠٠ سي سي
ماشيه ٢٤٠ الف
الزيت بينقص
١/٢ لتر كل ٣-٤ الاف
رايي ان الموضوع ده مش طبيعي

في انتظار ردودكم يا شباب

**amrmaismail** · 19-09-2010 07:57 PM

فين الردود

**hema1975** · 19-09-2010 08:04 PM

هيونداى ماتريكس 2007 عامله 95,000 كم
1600cc
بغير زيت 10,000 كم

الزيت تقريبا مش بينقص او بالكتيير بينقص 2-3 مم مع كل تغيير زيت و مره الزيت عدى ال 15,000 كم و محصلش مشاكل

هيونداى i10 2009 عامله 19,500 كم
1100cc
زيت 10,000 كم

مش بينقص غير 1-2 مم فى التغيير على مدار 9 أو 10 شهور و 10,000 كم

الارقام دى بالتقريب رغم انى مش بلاحظ اى نقصان خالص

**hema1975** · 19-09-2010 08:07 PM

ممكن تفحص كارتيرة الزيت بس دا امر منطقى اكيد اللى كشفوا بصوا عليها الاول

هل فى تعريق زيت على المكنة عندك؟؟؟ ممكن يقول اويل سيل الكامه

**aymansaad** · 19-09-2010 08:07 PM

اكشف على جوان الكرتيرة تحت الموتور

**mr_sameh** · 19-09-2010 08:15 PM

في انواع من المواتير بينقص فيها الزيت زي موتور الكورولا 4a . 5a .7a وفي انواع تانيه مش بتنقص

**amrmaismail** · 20-09-2010 09:11 AM

المشاركة الأصلية كتبت بواسطة hema1975

ممكن تفحص كارتيرة الزيت بس دا امر منطقى اكيد اللى كشفوا بصوا عليها الاول

هل فى تعريق زيت على المكنة عندك؟؟؟ ممكن يقول اويل سيل الكامه

كل ده اتعمل يا شباب انا غيرت كل الاويل سيلات والجوانات وكاوتش الصبابات وكله كله حتي الشنابر

انا اللي عايز اعرفه فيه معدل( طبيعي ) للنقص ولا لأ ؟؟

**AbdallahRaafat** · 20-09-2010 09:25 AM

متابع بهتمام

**mahmoud5777** · 21-09-2010 09:27 AM

المفترض انو الزيت مينقصش خالص لو بينقص يبقى اويل سيل او جوان من الجوانات بيسرب وممكن يسرب من عند المقاس لو الاسباب دى موش موجودة وقف العربية على مكان مستوى وهى باردة تماما وبعدين دور لمدة 5 دقائق وبعدين بطل واسحب المقاس وامسحه بفوطة نظيفة من غير وبرة وبعدين تحط المقياس تانى وتسحبو وتخليه افقى وتبص على العلامة دى اصح طريقة لقياس الزيت تعملها اول متغير وتعملها كل ماتحب تتطمن بتكرار نفس الظرواف لان ميل العربية هايدى قراءة خاطئة على التدريج ولاحظ انو لو قست الزيت بدرى الصبح قبل ماتدور هتلاقيه ناقص شويه عن لو قسته والعربية سخنة لانو بيتمدد بالحرارة وبتبربر بالبرورة
ان شاء الله اكون افدتك وانشاء الله مايكونش فى نقص بس سبت كل العوامل اللى بتأثر على القياس زى ما قلنا

**amrmaismail** · 21-09-2010 02:52 PM

المشاركة الأصلية كتبت بواسطة mahmoud5777

المفترض انو الزيت مينقصش خالص لو بينقص يبقى اويل سيل او جوان من الجوانات بيسرب وممكن يسرب من عند المقاس لو الاسباب دى موش موجودة وقف العربية على مكان مستوى وهى باردة تماما وبعدين دور لمدة 5 دقائق وبعدين بطل واسحب المقاس وامسحه بفوطة نظيفة من غير وبرة وبعدين تحط المقياس تانى وتسحبو وتخليه افقى وتبص على العلامة دى اصح طريقة لقياس الزيت تعملها اول متغير وتعملها كل ماتحب تتطمن بتكرار نفس الظرواف لان ميل العربية هايدى قراءة خاطئة على التدريج ولاحظ انو لو قست الزيت بدرى الصبح قبل ماتدور هتلاقيه ناقص شويه عن لو قسته والعربية سخنة لانو بيتمدد بالحرارة وبتبربر بالبرورة
ان شاء الله اكون افدتك وان شاء الله مايكونش فى نقص بس سبت كل العوامل اللى بتأثر على القياس زى ما قلنا

معلش فيه حاجه وقعت مني

المفروض ادور العربيه ٥ دقايق قبل القياس
وبعدين اقيسها بعد ما ابطل ب ١٠ دقايق مثلا ؟؟؟
اصلي بصراحه لاحظت حاجه فعلا
اني لو جاي من مشوار وبعدين بطلت العربيه ١٠ دقايق مثلا وقستها بلاقي المقاس اعلي من لما بقيسها الصبح بدري ؟؟؟
طاب هوا مش الفروض لو قست كده المقاس يكون اقل من الصبح باعتبار ان فيه زيت في اجزاء الموتور لسه مانزلش في الكارتير ؟؟
بس في الآخر انا لما لاحظت ان الزيت بينقص كنت دايما بقيس الصبح قبل ما العربيه تمشي يعني الظروف واحده
لغاية دلوقتي ماشي ٢٠٠٠ كم و نقصت ٤ مم يعني ٢ مم لكل الف

انا عارف ان ده ممكن ناس كتير تقول وايه يعني

بس انا مش قادر اسكت غير لما اعرف بينقص ليه ( انا بصراحه مش مخليها عايزه حاجه يعني اكل وشرب ولبس واللذي منه ... بس مش عارف بتعمل معايا كده ليه

)

ومتابع معاكم يا شباب