بسم الله الرحمن الرحيم
كل اعضاء العصابة الكرام الحمد لله ربنا اكرمني واشتريت عربية اوبل فيكترا 99 اخر b1 والحمد لله بعد مارفعتها واطمنت عليها لقيتها الحمد لله فابريكه دواخل كلها ورشه بره نضافه ماعدا حته صغيرة اوي من الشنب ودي كانت ترييحعه على حد كلام صاحبها لاني خدتها بيتي والحمد لله وهو عموما مارشهاش ولا حاجه كل اللي عمله انه ردها على البارد والحمد لله اطمنت اكتر لما وديتها لواحد بيشتغل في اوبل وكان شغال قبل كده في التوكيل وسالته عليها والحمد لله اطمنت اكتر وخاصة ان صاحبها غير لها موتور echotec الجديد بفتيسه وهي كانت الاول 1600 وقلبها 2000 المهم دلوقتي انا عايز اكمن من حضراتكم هل اللي يقلب من 1600 ل 2000 فيها مشكله ولا لا
رغم الميكانيكي اللي شغال في الاوبل ده قاللي مافيهاش مشكله بس انا شايف انها عايزة يتغيرلها سوست (ياي) ال 2000 لانها واطية شوية وكمان الطنابير الخلفية لازم اعتقد انها تكون سكاكين مش كده اتمنى انكم تصححوني في غلطي. الحمد لله انا صليت صلاة استخارة والحمد لله انا مطمإن وكمان صوتها ماشاء الله هادي والحمد لله تكييفها شغال بس اعتقد انها عايزة يتغير لها فريون لانه بيسقع بس مش اوي وعايز يكزن مثال زي ماشاء الله عربية طناني باشا واتمنى انها تكون عربية جميله زي عربيات حضراتكم لخبرتكم الافضل مني
وسعرها الحمد لله قدرت اني انزل سعرها ل 48000 وكان طالب مبلغ 50000 وده بسبب الترييحه اللي في الشنب
اتمنى اني اكون فعلا وفقت فيها وما يكونشي اندحك عليا في السعر.
باشكركم على قرايتكم للموضوع واهتمامكم بيه وانا سعيد جدا بيكم اخوة ليا واتمنى لكم التوفيق دايم.