الموضوع: سؤال عن e46

المشاركة الأصلية كتبت بواسطة medo20000

ياشباب
سؤال بسيط ... هل كل اللى e46 موديلات من 1999 إلى 2001 1800 cc ؟؟

لانى أنا كل لما أشوف إعلان صاحب العربية بيبقى كاتب 1899 cc وده معناة ان العربية 1900 cc مش 1800؟؟

سؤال كمان هل مبلغ 95000 جنيه يجيبوا e46 موديل 2000 او 2001 الفتيس الجديد بحالة كويسة ..؟؟ وايه هى طريقة الكشف عليها وفين غير التوكيل طبعاً؟؟ وايه هى اهم الحاجات اللى ضرورى يتكشف عليها كويس جداً ؟؟
اسف طولت عليكم ......

ُe46 1999 - 2001 المحرك معروف بالكود m44b19 بيكون 1895 سى سى و قدره حصانيه 138 حصان

e46 2002 - 2006 المحرك المعروف بالكود n42b20 بيكون 1995 سى سى و قدره حصانيه 143 حصان

بى إم دبليو و بصفه عامه كل المحركات مش بتكون بأرقام صحيحه تماما, ال 1600 بيكون 1596 سى سى, 1800 بيكون 1796 سى سى إلخ... و مش شرط إنها 318 أو 316 يكون المحرك الموجود بها أقل من 1596 سى سى على سبيل المثال ال e46 316 2002 فيما فوق بيكون بها المحرك n42b18 بيكون 1795 سى سى فمش شرط!

بالنسبة للمبلغ أولا هى مسألة توفيق من الله غن تجد ما تريد لكن كسعر سوق امامك إما 1999 او 2000, وممكن تجد ان صاحب السياره معدل الفتيس إلى الفتيس الأستيبترونيك! يعنى تجد e46 1999 استيبترونيك أو e46 2000 استيبترونيك أصلى و هذا بتكون سياره من أواخر 2000 أو تكون معدله للفتيس الجديد!

الكشف بالطبع حوض المحرك, حوض الشنطه, القوايم, ثم حالة الصالون (نظيف, متوسط, إلخ...), حالة المحرك (80% كبي فيما فوق محرك ممتاز), حالة العفشه (تحتاج تغييرات إلخ...), حاله الفتيس, من أهم العيوب هى شروخ البطاحات الأماميه (التى تمسك بالمساعد بثلاث مسامير من الأمام) انا لا احبذ شراء سياره بها شروخ بطاحات على العلم إنها ليست بعيب فى هذا الموديل لأن 90% من السيارات من هذا الموديل بها هذه الشروخ.

الكشف خارج التوكيل فى الحرفيين و فيه عدة ورش فى الخارج لكن انا ليس لى علم بأماكنها بالضبط لكن أنا لى معرفه بميكانيكى ما شاء الله ممتاز فى الحرفيين إذا كان لديك نيه فى الكشف هناك و إذا رغبت بذلك!