عايز معرض او بنك بيبيع عربية حلال

**Sharky** · 16-03-2008 09:59 PM

المشاركة الأصلية كتبت بواسطة cpt_shawky

هقلك بقا مفاجأة هتكتشف بيها الخدعة الكبرى

فــــــــــــــــــــــــ ـــــــــــــــــــــــــ ـــــــــــــــــــــــــ ـــائدة قيمـــة
فــــــــــــــــــــــــ ـــــــــــــــــــــــــ ـــــــــــــــــــائدة قيمــــــــــــة
فــــــــــــــــــــــــ ـــــــــــــــــــــــــ ــــــــــــائدة قيمـــــــــــــــــــة
فــــــــــــــــــــــــ ـــــــــــــــــــــــــ ــــــــــائدة قيمـــــــــــــــــــــة
فــــــــــــــــــــــــ ـــــــــــــــــــــــــ ـــــائدة قيمــــــــــــــــــــــ ــــة

يعنى ساعة السداد المبكر هتكتشف انهم كانو عاملين يشفطوا فالفايدة الأول ويقطعوا حتت صغيرة من القيمة المتبقية للسيارة وزى موضحتلك كونك قبلت ان السيارة لها سعرين مختلفين وده بسبب السداد المبكر يبقا الموضوع خرج من نطاق الحلال ولو قبلت انك تدفع القيمة الكاملة حتا لو تيسر الحال وسددتها مبكراً هنا يبقا مفيش مشكلة لانك اشتريت السيارة بكامل المبلغ المتفق عليه من البداية دون تغيير.

أولا حضرتك أنا مش فاهم ما هى الخدعة الكبرة فين ؟
يا ريت توضح لى أكتر

ثايا ماهى الحرمانية فى حالة تحديد ثمن العربية لكل فترة و خصم الفائدة عن الفترة إللى دفعتها كاش ؟

**معاذ الشرباصى** · 16-03-2008 10:43 PM

فائدة كونتاكت ثابتة مش متناقصة زى البنوك

يعنى مثلا لو القسط 1000 جنيه

فى البنوك العادية ال 1000 جنيه بيبقى معظمها فوايد و بتعدى ال 50% و تفضل الفائدة تقل مع مرور الوقت و يحل محلها جزء من تمن السيارة

اما فى حالة كونتاكت الفائدة اللى بتدفع بتبقى ثابتة شهريا(على سبيل المثال بما انها فائدة حوالى 8% يبقى 80 جنييه كل شهر)

**CryptonX** · 16-03-2008 11:14 PM

انا اشتريت من كونتاكت بضمان وديعة .

والنظام كلاتلي

استلمت عقد بيع توكيل السيارة لكونتاكت بتمنها الاصلي وكان ( 68 الف جنيه )
و بعدين استلمت عقد بيع من كونتاكت ليا بالتمن الجديد ( 88 الف جنيه )

و استملت ورقة تحدد القسط في كل شهر اد ايه لحد نهاية ال48 شهر ( فات منهم 24 الحمد الله ) .

و في كل شهر مكتوب جنبه المبلغ المطلوب في حالة الدفع كاش .

انا سألت في دار الافتاء المصري ( والدتي الي سألت الصراحة ) و قالولها ان ده حلال .
طالما خدت عقد بيع منهم بالتمن النهائي الي حدفعه . بمعنى كأني حشتري اغلي بدون فائدة . بس بتقسيط فقط .

حتقولي طب طلاما معايا وديعة بتمن السيارة - مدفعتش كاش ليه !
اقولك .. انا حطيت وديعة ب 50 الف .
و انا شاب لسة صعب احوش .. لو دفعت ال 50 مرة واحدة . عمري ماكنت حعرف اجمعهم تاني و انا من الناس الي مبتعرفش تحوش خالص .

بس كدة بعد مدة التقسيط يبقى كسيت سيارة خالصة . و 50 الف جنيه زي ماهما .

**Noha.M** · 17-03-2008 01:03 AM

طيب سؤال

هو لازم لو هقسط مع كونتاكت اءمن معاهم ؟؟ ولا ممكن مأمنش على العربية؟؟

**cpt_shawky** · 17-03-2008 03:25 AM

المشاركة الأصلية كتبت بواسطة onna

طيب سؤال

هو لازم لو هقسط مع كونتاكت اءمن معاهم ؟؟ ولا ممكن مأمنش على العربية؟؟

You Must:D:D:D:D

**معاذ الشرباصى** · 17-03-2008 03:35 AM

المشاركة الأصلية كتبت بواسطة onna

طيب سؤال

هو لازم لو هقسط مع كونتاكت اءمن معاهم ؟؟ ولا ممكن مأمنش على العربية؟؟

الحل الوحيد ان حضرتك تعملى زى cryptonx

تحطى باقى مبلغ العربية وديعة, ساعتها فقط ممكن متأمنيش على العربية خالص

**Noha.M** · 17-03-2008 04:53 AM

المشاركة الأصلية كتبت بواسطة cpt_shawky

You Must:D:D:D:D

في وشي كدة؟؟؟:D:D:D

بجد مش شايفاله لازمة موضوع التأمين معاهم

حد ليه رأى اة تجربة كويسة ؟؟

اصل في حد كان عامل موضوع انه بعد ما اتخبطط عربيته و كدة مرضوش يكملو التأمين و كدة على اساسا انهم وسيط و مش شركة تأمين ..طب لازمتها ايه بأة !!

المشاركة الأصلية كتبت بواسطة معاذ الشرباصى

الحل الوحيد ان حضرتك تعملى زى cryptonx

تحطى باقى مبلغ العربية وديعة, ساعتها فقط ممكن متأمنيش على العربية خالص

انا مش فاهمة اوى الموضوع دة اعمل ايه بظبط ؟؟؟

بعدين
هل الوديعة دى لازم متقلش مثلا عن رفم معين؟؟

او ليها علاقة بتمن العربية ولا اى وديعة و خلاص؟؟

**ehabradwan** · 17-03-2008 10:08 AM

والله يا أخ كريم انا لي رأي في الموضوع ممكن صاحبك يقسط مستعمل على قد الفلوس اللي معاه و بعد كده يغير . يعني لو صاحبك معاه 25 الف ممكن يقسط من عند المهندس اللي اعلانه بيبقى فالاهرام . انا معايا رقمه لو انت عايزه . ده بيقسط مباشر بس بياخد النص يعني صاحبك ممكن يجيب لانوس او لانسر 99 ولما يخلصها يبقى يغير . وطبعا ياخد معاه حد يبص على العربية و تأكد ان ربنا هيسره الحال طالما عاوز الحلال

**CryptonX** · 17-03-2008 10:49 AM

المشاركة الأصلية كتبت بواسطة أبو عبدالله

يا أخواني الموضوع له شقين
شق بع ما لا تملك
وده ان الشركه اللي بتتعاقد معاها لازم تبقى العربيه بإسمها غير كده يدخل في الحرمانيه بدون كلام كتير ونقاشات لأن الموضوع ده محسوم شرعيا

الشق الثاني هو ان من شروط صحة العقد شرعيا انه لازم يتحدد فيه سعر البيع النهائي ويكون معلوم علم نهائي وغير قابل للتغيير
وهذا لا يتم في الواقع لأنه بيقولك بفائدة كذا

والفائدة دي بتخلي السعر متغيير كما وضحتو انتم من قبل
يعني في النهاية انت بيبقى شروط عقدك فاسد لأن السعر غير معلوم للطرفين

طيب ماهو انا جاوبت علي شقين حضرتك !

اولا الشق الاول :
العربية باسم كونتاكت فعلا ! ده حتى كتاب الضمن بيعملي مشكلة كل مرة اروح التوكيل علشان مكتوب اسم مالك السيارة : كونتاكت !

الشق الثاني : السعر النهائي مكتوب فيه - عقد بيع سيارة كذا بملغ كذا ( المبلغ النهائي ) الي الطرف كذا .

يعني كونتاكت مستوفية الشقين !

بالنسبة للتأمين
التأمين اجباري في حالة ضمان المرتب
لكن ذا ما معاذ قال بالظبط - اختياري في حالة ضمان الوديعة و هو ده الي انا عامله .