عرض للطباعة
السلام عليكم ورحمه الله
واحد صديقي ملتزم عايز يشتري عربية بدون ما يدخل في حوار حرمانية مع البنك
وعايز يشتري عربية من معرض يكون بيبعها بالتقسيط حتى ولو اغلى شوية
او بنك يكون بيشتري العربية باسمه وهو اللي بيبعها للشخص
عشان يخلص من شبه الربا والحرمانية
يا ريت حد يقدر يفيدني ويفيده
وهل بنك عوده وبنك فيصل بيعملو كدة فعلا
كريم منير
عوده ..لأ..لأن عقده عباره عن عقد قرض
فيصل ..ايوه
كونتاكت .. ايوه
مع الاخذ في الاعتبار موضوع التأمين
فيصل و كونتاكت ..اخرهم 60 شهر .. و لكن العائد عند فيصل اقل من كونتاكت .. و بيقل كمان لو الشاري عنده وديعة في البنك توازي المبلغ المقسط
* بنك ناصر العقد بتاعه برضه عقد شراء سياره و لكنه يشترط تامين علي الحياة للشاري .. و يتفوق في العائد ( حوالي 6.4 بالمصاريف الاخري .. و المعلن 6% ) و فترة التقسيط ( 84 شهر)
الموضوع ده كامل و شامل ووافي حول شراء سيارة بطريقة اسلامية
http://www.nilemotors.net/Nile/showthread.php?t=5618
فى معرض فى السويس مشهووووووووور جدا أسمة أبراهيم رجب وبيقسط تقسيط مباشر بس لو حسبت الفايدة هتلقيها كبيرة قوى بتوصل ل15%
ممكن تشوف كمان بنك التمويل السعودى
كلامك مظبوط يا هندسة .. المعارض الخاصة كلها بترفع الفايدة جدا في التقسيط المباشر . و كمان مدة التقسيط بتكون اقل ..يعني اخرهم 3 سنوات تقريبا علشان يجمع فلوسه في وقت قليل ..اقتباس:
المشاركة الأصلية كتبت بواسطة eng_mkhalaf
علي فكرة .
و كيل دايهاتسو برضه بيقسط تقسيط مباشر لعربياته و العربيات الاخري بس العائد لعربياته بيكون اقل من الماركات التانية و اعتقد المدة 4 سنوات .. و حتلاقي تفاصيله في اللينك باعلي .
Contact بيشتروا السيارة باسمهم و بعدين بتتباعلك انت تاني بالسعر الجديد ( بعد التقسيط ) .اقتباس:
المشاركة الأصلية كتبت بواسطة karim_monir
عقد حلال ومعاملة محترفة و فائدة قليلة (بالنسبة للتقسيط المباشر) = كونتاكت كارز
جزاكم الله كل خير وجعلة في ميزان حسناتكم
يعني كونتاكت وفيصل
والافضلية لكونتاكت طبعا عشان الاحتراف
يا كريم قول لصاحبك مفيش الا من رحم ربي
اللي بيقسط بفلوسه بيبقى على سنه بس
اما بنك فيصل مبيشتريش العربيه بإسمه وانا رحت هناك وقالولي على الاجراءات
وانا لا اعرف ما يفعله كونتاكت ولكن لا أظن انه بيكتب العربيه بإسمه وبعدين يبعهالك
ولو بيعمل كده يبقى ماشي ولكن لازم يحدد السعر في العقد
اقولك احسن حاجه انه يأخذ العقد ويعطيه لشيخ ثقه يشوف بنوده
بس بنك فيصل مبيعملشي كده وانا رحت وشوفت وسألت بنفسي
انا مشيت فى السكة دى وشايف حلين
1/معرض محمود اوتو فى العباسية بيديك العربية بس لازم تدفع نص تمن العربية على الأقل والباقى على سنة او سنتين بالكتير بس طبعا ازيد من البنك فى الربحية على فكرة عنده لانسر ونيسان وممكن يجيبلك ماتريكس اوعربيات هيونداى عموما
2/ديهاتسو مصر الوكيل الوحيد فى مصر اللى بيقسط تقسيط اسلامى عن طريق الشركة العالمية للتجارة وهى شركة تابعة لعبد اللطيف جميل صاحب توكيل ديهاتسو وكمان عندهم التامين مش اجبارى وممكن يجيبو دايو او هيونداى .... انا حاجز عندهم عربية سيريون قسط
فعلا الشركة العالمية للتجارة (تابعة لعبد اللطيف جميل) بتقسط اسلامى, و العربية بتبقى ملكهم و مكتوب كده
و عليكم السلام و رحمة الله و بركاتهاقتباس:
المشاركة الأصلية كتبت بواسطة karim_monir
لو صاحبك له في الميجان يبقى ممكن يروح لشركة الطارق و يأخد مو 2006 و يدفع نصف المبلغ مقدم و يقسط الباقي على سنتين (24 شهر) بدون فوائد
انا لسه شارى عربيتى من كونتاكت
مش هتكلم كتير يا جماعة لانى بحثت فى الموضوع ده كتير والحمدلله ربنا يسرلى الحال مع كونتكت
المهم نظام كونتكت هما بيشتروا العربية من الوكيل او موزع يكون بيطلع فاتورة رسمية وبيطلعو شيك باسم الوكيل او الموزع وبعدين بيبيعوا ليك العربية بعقد بينهم وبينك ومكتوب على العقد من فوق
(عقد بيع سيارة بنظام التقسيط) يتم توضيح كل حاجه فيه بما فيها المبلغ المدفوع والمبلغ المتبقى بعد اضافة فائدة 8.6 % وكمان تقدر بعد القسط السادس تدفع باقى المبالغ او جزء منها بحد ادنى 3 شهور بعد تسوية فوائدها وضمن العقد جدول يفيد بذلك ومعندهمش حاجه اسمها غرامة سداد مبكر زى البنوك
و طريقة دفع الأقساط انك بتديهم شيكات بعدد الأقساط اللى عليك بالقيمة المحددة فى العقد وهما بيحصلوها بس هما بيتعاملوا مع البنك التجارى الدولى او hsbc وفى طريقة تانية انك تروح تدفع عندهم كل شهر ،
اتمنى انى اكون افدتكم
اقتباس:
المشاركة الأصلية كتبت بواسطة karim_monir
أحب أوضح حاجة فى موضوع التقسيط وهى دى اللى فعلياً توضح اوى ما بين الحلال والحرام اياً كان البنك او الشركة. السداد المبكر هو ما ينسف اى نظرية حول وجود حلال وحرام فى أى بنك أو شركة حتى ولو كانت كونتاكت بمعنا أنه لو افترضنا ان كونتاكت هى الشركة الوحيدة التى تكاد تكون حلال 100% طالما أنه الشركة والتعاقد به بند للسداد المبكر والفائدة الموجودة به وهى رقم بالتأكيد سيؤدى لقيمة إجمالية ستختلف عن القيمة الإجمالية التى كان سيتم سدادها فى الحالة الطبيعية اذا لن تجد أى بنك أو شركة يكون فيها الموضوع حلال واذا كان صديقك الملتزم يبحث عن بنك او شركة لا يوجد به شبهة الحرمانية او الربا فكل ما عليه هو الصبر حتى يكون المبلغ كاش.
اقتباس:
المشاركة الأصلية كتبت بواسطة cpt_shawky
يا باشا كونتكت بيقى مكتوب فى العقد إنه لو سددت بدرى ما بيحسبش عليك فايدة بالعكس فى حالة السداد المبكر بتدفع مبلغ أقل فى حالة سداد ثمن السيارة بعد إنتهاء الأقساط كاملة
يعنى من الاخر كونتكت مش زى البنوك إللى بطالبك بفايدة زيادة فى حالة السداد المبكر
اقتباس:
المشاركة الأصلية كتبت بواسطة sharky
حتى حضرتك لو كانت الفائدة فى حالة السداد المبكر هى 0% فالموضوع اصبح مش حلال لأن القيمة الإجمالية بردو اتغيرت واذا فعلاً عاوز تخلى الموضوع حلال يبقا بند السداد المبكر لازم يقول نفس الفائدة اى انك سواء سددت مبكراً او لم تسدد ستدفع نفس القيمة الإجمالية بمعنى اخر الغاء بند السداد المبكر من العقد هو الفيصل فى الموضوع. شكراً
انا هاخلية يقرا كل ردودكم بنفسه ويختار
شكرا جزيلا للمتابعة
هو حضرتك بيكتب لك فى العقد فى حالة شراء السيارة على 60 شهر حتبقى بكذا و فى حالة السداد المبكر بيشيلك الفائدة بتاعة المدة المتبقية يعنى لو المدة المتبقية مثلا 3 سنوات و الفائدة فى السنة 7 % يعن حييشيل 7*3= 21% من المبلغ المتبقى
يعنى هتعتبر حضرتك بتدفع كاش الفترة المتبقية فحيحسب عليك فايدة عليها ليه ؟
اقتباس:
المشاركة الأصلية كتبت بواسطة sharky
هقلك بقا مفاجأة هتكتشف بيها الخدعة الكبرى
فــــــــــــــــــــــــ ـــــــــــــــــــــــــ ـــــــــــــــــــــــــ ـــائدة قيمـــة
فــــــــــــــــــــــــ ـــــــــــــــــــــــــ ـــــــــــــــــــائدة قيمــــــــــــة
فــــــــــــــــــــــــ ـــــــــــــــــــــــــ ــــــــــــائدة قيمـــــــــــــــــــة
فــــــــــــــــــــــــ ـــــــــــــــــــــــــ ــــــــــائدة قيمـــــــــــــــــــــة
فــــــــــــــــــــــــ ـــــــــــــــــــــــــ ـــــائدة قيمــــــــــــــــــــــ ــــة
يعنى ساعة السداد المبكر هتكتشف انهم كانو عاملين يشفطوا فالفايدة الأول ويقطعوا حتت صغيرة من القيمة المتبقية للسيارة وزى موضحتلك كونك قبلت ان السيارة لها سعرين مختلفين وده بسبب السداد المبكر يبقا الموضوع خرج من نطاق الحلال ولو قبلت انك تدفع القيمة الكاملة حتا لو تيسر الحال وسددتها مبكراً هنا يبقا مفيش مشكلة لانك اشتريت السيارة بكامل المبلغ المتفق عليه من البداية دون تغيير.
أولا حضرتك أنا مش فاهم ما هى الخدعة الكبرة فين ؟اقتباس:
المشاركة الأصلية كتبت بواسطة cpt_shawky
يا ريت توضح لى أكتر
ثايا ماهى الحرمانية فى حالة تحديد ثمن العربية لكل فترة و خصم الفائدة عن الفترة إللى دفعتها كاش ؟
فائدة كونتاكت ثابتة مش متناقصة زى البنوك
يعنى مثلا لو القسط 1000 جنيه
فى البنوك العادية ال 1000 جنيه بيبقى معظمها فوايد و بتعدى ال 50% و تفضل الفائدة تقل مع مرور الوقت و يحل محلها جزء من تمن السيارة
اما فى حالة كونتاكت الفائدة اللى بتدفع بتبقى ثابتة شهريا(على سبيل المثال بما انها فائدة حوالى 8% يبقى 80 جنييه كل شهر)
انا اشتريت من كونتاكت بضمان وديعة .
والنظام كلاتلي
استلمت عقد بيع توكيل السيارة لكونتاكت بتمنها الاصلي وكان ( 68 الف جنيه )
و بعدين استلمت عقد بيع من كونتاكت ليا بالتمن الجديد ( 88 الف جنيه )
و استملت ورقة تحدد القسط في كل شهر اد ايه لحد نهاية ال48 شهر ( فات منهم 24 الحمد الله ) .
و في كل شهر مكتوب جنبه المبلغ المطلوب في حالة الدفع كاش .
انا سألت في دار الافتاء المصري ( والدتي الي سألت الصراحة ) و قالولها ان ده حلال .
طالما خدت عقد بيع منهم بالتمن النهائي الي حدفعه . بمعنى كأني حشتري اغلي بدون فائدة . بس بتقسيط فقط .
حتقولي طب طلاما معايا وديعة بتمن السيارة - مدفعتش كاش ليه !
اقولك .. انا حطيت وديعة ب 50 الف .
و انا شاب لسة صعب احوش .. لو دفعت ال 50 مرة واحدة . عمري ماكنت حعرف اجمعهم تاني و انا من الناس الي مبتعرفش تحوش خالص .
بس كدة بعد مدة التقسيط يبقى كسيت سيارة خالصة . و 50 الف جنيه زي ماهما .
يا أخواني الموضوع له شقين
شق بع ما لا تملك
وده ان الشركه اللي بتتعاقد معاها لازم تبقى العربيه بإسمها غير كده يدخل في الحرمانيه بدون كلام كتير ونقاشات لأن الموضوع ده محسوم شرعيا
الشق الثاني هو ان من شروط صحة العقد شرعيا انه لازم يتحدد فيه سعر البيع النهائي ويكون معلوم علم نهائي وغير قابل للتغيير
وهذا لا يتم في الواقع لأنه بيقولك بفائدة كذا
والفائدة دي بتخلي السعر متغيير كما وضحتو انتم من قبل
يعني في النهاية انت بيبقى شروط عقدك فاسد لأن السعر غير معلوم للطرفين
طيب سؤال
هو لازم لو هقسط مع كونتاكت اءمن معاهم ؟؟ ولا ممكن مأمنش على العربية؟؟
You Must:D:D:D:Dاقتباس:
المشاركة الأصلية كتبت بواسطة onna
الحل الوحيد ان حضرتك تعملى زى cryptonxاقتباس:
المشاركة الأصلية كتبت بواسطة onna
تحطى باقى مبلغ العربية وديعة, ساعتها فقط ممكن متأمنيش على العربية خالص
اقتباس:
المشاركة الأصلية كتبت بواسطة cpt_shawky
في وشي كدة؟؟؟:D:D:D
بجد مش شايفاله لازمة موضوع التأمين معاهم
حد ليه رأى اة تجربة كويسة ؟؟
اصل في حد كان عامل موضوع انه بعد ما اتخبطط عربيته و كدة مرضوش يكملو التأمين و كدة على اساسا انهم وسيط و مش شركة تأمين ..طب لازمتها ايه بأة !!
انا مش فاهمة اوى الموضوع دة اعمل ايه بظبط ؟؟؟اقتباس:
المشاركة الأصلية كتبت بواسطة معاذ الشرباصى
بعدين
هل الوديعة دى لازم متقلش مثلا عن رفم معين؟؟
او ليها علاقة بتمن العربية ولا اى وديعة و خلاص؟؟
والله يا أخ كريم انا لي رأي في الموضوع ممكن صاحبك يقسط مستعمل على قد الفلوس اللي معاه و بعد كده يغير . يعني لو صاحبك معاه 25 الف ممكن يقسط من عند المهندس اللي اعلانه بيبقى فالاهرام . انا معايا رقمه لو انت عايزه . ده بيقسط مباشر بس بياخد النص يعني صاحبك ممكن يجيب لانوس او لانسر 99 ولما يخلصها يبقى يغير . وطبعا ياخد معاه حد يبص على العربية و تأكد ان ربنا هيسره الحال طالما عاوز الحلال
طيب ماهو انا جاوبت علي شقين حضرتك !اقتباس:
المشاركة الأصلية كتبت بواسطة أبو عبدالله
اولا الشق الاول :
العربية باسم كونتاكت فعلا ! ده حتى كتاب الضمن بيعملي مشكلة كل مرة اروح التوكيل علشان مكتوب اسم مالك السيارة : كونتاكت !
الشق الثاني : السعر النهائي مكتوب فيه - عقد بيع سيارة كذا بملغ كذا ( المبلغ النهائي ) الي الطرف كذا .
يعني كونتاكت مستوفية الشقين !
بالنسبة للتأمين
التأمين اجباري في حالة ضمان المرتب
لكن ذا ما معاذ قال بالظبط - اختياري في حالة ضمان الوديعة و هو ده الي انا عامله .
بصي يا ستي .اقتباس:
المشاركة الأصلية كتبت بواسطة onna
نفرض ان السيارة ثتمنها 100 الف جنيه
انتي عايزة تدفعي كام مقدم ؟
مثلا 25% يعني 25 الف جنيه
يبقى باقي كام ؟
75 الف جنيه - دول يتحطوا وديعة في البنك .
بس و تختاري بقى علي كام شهر ( 6 - 12 - 24 - 36 - 48 - 60 )
و بيديك عقدين - عقد بيع مثلا توكيل هوندا للشكرة و ده معناه ان كونتاكت اشتروا السيارة منهم بتمن كذا
و بعدين عقد بيع تاني من كونتاكت لييكي بالتمن الجديد .
و بيسألك لو تحبي تأمني او لأ .
مفيش حظر بيع - و لا نسخة مفتاح - و لا اي حاجة طبعا علشان انتي ساسيبة 75 الف جنيه تحت رحمتهم .
فولسك لا تلمس طالما بتدفعي .. لو اتاخرتي في الدفع بيسحب القسط الي انت مدفعتيهوش من الوديعة و بيتصلو قبلها بأسبوع و بيديكي اسبوع كمان زيادة - انا الحمد الله بقالي سنتين عمري ماتعثرت .
الميزة دلوقتي عن زمان - انهم كانوا تبع بنك CIB فكان لازم تحطي فلوسك في الCIB كوديعة . و ده عملي صداع كبير اوي علشان انقل من بنك الزفت الاهلي ده .
انما دلوقتي اعتقد انه بقى عادي مع كل البنوك .
ارجو اني اكون افدتك .
بس انا لما سألتهم قالوا غير كدهاقتباس:
المشاركة الأصلية كتبت بواسطة CryptonX
قالولي بنعمل حجز بيع بس على العربيه وبتبقى بإسمك
طيب ممكن تبعت صورة من العقد بتاعهم علشان اسال فيه احد المشايخ ونشوف
وربنا ييسر علشان ممكن يكون فيه حاجه احنا معندناش علم بها
مش عارق يااستاذ ابو عبد الله انا بحكيلك علي حصل معايااقتباس:
المشاركة الأصلية كتبت بواسطة أبو عبدالله
علي العموم اول ماروح ( علشان انا في الشغل حاليا ) حصور العقود .
بس ممكن يكون موضوع العقد ده للودائع ؟ و الحجز للمرتبات ؟
الله اعلم .
أية يا أبو عبدالله أنت ناوى تغير ولا إية :Dاقتباس:
المشاركة الأصلية كتبت بواسطة أبو عبدالله
اغير ليه يا بشمهندس لأ خالصاقتباس:
المشاركة الأصلية كتبت بواسطة eng_mkhalaf
انا لما اشتريت اصلا عربيتي كان معايا بزياده كتير ولكن انا اخترت عربتي بدون ضغوط ماليه يعني
والنصيب طبعا بتوفيق من عند الله
بس انا بشوف علشان الافادة لأن انا اعرف ناس كتير واقفين بسبب موضوع الحرمانية
فالواحد والله نفسه يلاقي حد يتعامل معاه بحلال وعلشان الناس تستفاد
المشكلة ان الحلال اسهل وانجح واربح من الحرام وكلن نعمل ايه في حكومتنا الرشيده
وربنا ييسر
هما بيعملوا حظر بيع على العربية لما بيتبقى بضمان مرتبك مش بضمان وديعةاقتباس:
المشاركة الأصلية كتبت بواسطة أبو عبدالله
علشان كده كريم ماتعملوش حظر بيع
اقتباس:
المشاركة الأصلية كتبت بواسطة CryptonX
تماااااااااااااااااااااام كدة :)
الف الف شكر بجد:o
معارض المسعود
التقسيط مباشر منك لهم بدون اى تدخل للبنك
والعربية بتكون ملكهم والرخصة باسمهم ممكن دي بالتفاهم معاهم
بس احلى حاجة ان التقسيط معاهم مباشرة
احنا جايبين من عندهم عربيتين
وموضوع التامين ده على كيفك
استاذ هيما يا ريت معلومات اكتر عشان الناس تستفيد فعلا
زي مثلا فين المعرض دة و هل هوا ثقه و لا لأ لأن موضوع ان العربه تفضل بأسم المعرض دة شيء مقلق
و الحاجة الاهم هي نسبة الزيادة السنويه على المبلغ بيكون في حدود كام لأن فعلا في معارض بتقسط مباشر لكن نسبه الزيادة قد تصل الى 20% و عدد سنين قليل
فياريت تحكيلنا تجربتك معاهم