العربيه بتبطل وهيا ماشيه (جولف 2)

السلام عليكم ورحمة الله وبركاته /

انا عاجبنى الموقع ده اوى وبتسفيد منه كتير فى معرفة معلومات عامه عن اعطال السيارات لانى مستجد جدا فى موضوع العربيات واول ماجبت جبت جولف2 , موديل 1988 متعدله 1989 وعندى مشكله دلوقتى ان العربيه بتبطل وهيا ماشيه ولما بيحصل كده مش بتدور الا بصعوبه اوى يعنى المرش بيفضل يلف يلف يلف والموتور مش بيدور يا اما بيدور ويبطل على طول بعد ما الاوتوماتيك بتاع المرش يرجع تانى ( يعنى حوالى 5-10 ثوانى تقريبا)
للعلم هيا بتعمل كده وانا ماشى على سرعات (70 او 60 مثلا ) مش وانا بركن او بطلع يعنى اقصد مش عيب سواقه بس وبفضل ادوس على دواسة البنزين مش بيحصل حاجه
وبعدين سعات بفضل دايس على الدواسه يقوم الموتور شغال تانى

وللعلم انا مغير بوجيهات ومنضف كربراتير من حوالى شهرين واسبوع
ملحوظه اخيره : العربيه سعات وانا ماشى تفضل تشحط كده (تنتش يعنى) الموتور يبطل ويدور على طول)

انا شاكك انها طرمبة البنزين الى بتخليها تعمل كده بس انا سمعت ناس بتتكلم عن البوجيهات او سلك البوجيهات او الكربراتير او الموبينه

ياريت لو حد صادفته المشكله دى قبل كده او يعرف السبب يقولى
انا كده كده رايح للميكانيكى بتاعى فى الحرفيين بس عايز ابقى فاهم برضه الدنيا فيها ايه

بالمناسبه لو حد يعرف سعر طرمبة البنزين موتور 1600 كربراتير يقولى كام

وشكرا جزيلا ليكو
م / علاء فهمى

price for pump is 100 + or _ 20 it means

kind cost 120 and another one 80

اقتباس:

---

انا شاكك انها طرمبة البنزين الى بتخليها تعمل كده

---

شكك فى محله

شكرا ليكو كلكو

اقتباس:

---

المشاركة الأصلية كتبت بواسطة alaafahmy

السلام عليكم ورحمة الله وبركاته

---

وعليكم السلام و رحمه الله و بركاته

اقتباس:

---

المشاركة الأصلية كتبت بواسطة alaafahmy

مشكله دلوقتى ان العربيه بتبطل وهيا ماشيه ولما بيحصل كده مش بتدور الا بصعوبه اوى يعنى المرش بيفضل يلف يلف يلف والموتور مش بيدور يا اما بيدور ويبطل على طول بعد ما الاوتوماتيك بتاع المرش يرجع تانى ( يعنى حوالى 5-10 ثوانى تقريبا)
للعلم هيا بتعمل كده وانا ماشى على سرعات (70 او 60 مثلا ) مش وانا بركن او بطلع يعنى اقصد مش عيب سواقه بس وبفضل ادوس على دواسة البنزين مش بيحصل حاجه
وبعدين سعات بفضل دايس على الدواسه يقوم الموتور شغال تانى

وللعلم انا مغير بوجيهات ومنضف كربراتير من حوالى شهرين واسبوع
ملحوظه اخيره : العربيه سعات وانا ماشى تفضل تشحط كده (تنتش يعنى) الموتور يبطل ويدور على طول)

---

الاول انتا عندك طلمبة البنزين ميكانيكيه و لا كهرباء ؟؟؟
لأنك قولت انك كربراتير و انا اعرف معلومه غير اكيده ( ان كل العربيات الكربراتير بتبقى طلمبة البنزين بتاعتها ميكانيكيه بينما الانجكشن كهرباء ... اكرر معلومه غير اكيد و ياريت حد يأكدهالى )
فلو كانت كهرباء يبقى صحيح الاحتمال الاكبر منها ... اما لو كانت ميكانيكيه حتبقى صعبه شويه لأن الميكانيكيه معمره اكتر (عربيتي موديل 1978 و فيها الطلمبه الاصليه بتاعت الفابريكا و عمرى ماصلحتها و لا حتى فكتها ) وبتبقى اعطالها هايفه و بتتصلح بسهوله

بس بشكل عام قبل ماتفكر فى الاحتمال التقيل ده ... غير الكوندنسر و الابلاتين بالمره (مش حيكلفوك اكتر من 20 جنيه ) و شوف هل العيب ده لسه موجود و لا لاء
لأن قبل كده واجهتنى المشكله دى و غيرت الكوندسر بواحد قديم و الدنيا اشتغلت فل معايا بعد كده

شوف ياباشا عن تبقى عارف طلمة البنزين مش هتخلى العربية تبطل وتدور تانى لوحدها , الطلمبة لما بتقطع او بتعلق بتخلى العربية كان مافيش سحب خالص ومهما توس فى بنزين مابتجيبش

فانا انصحك اول حاجة اظبط كهرباء العربية الاول لان كدة عايزة تتظبط , وعلى شوية مسمار الهواء بتاع الكربرايتر وغير بيج البنزين

وبعد كدة بردة هتغير الطلمبة عشان لما بتدوس العريية سحبها بيموت بمعنى اصح

لو عندك فلتر بنزين راكب اتاكد انة مش مسدود . فكة و انفخ فية لو مسدود يبقى هوا اللى عاملك كل المشاكل دى .. عن تجربة

اقتباس:

---

المشاركة الأصلية كتبت بواسطة khaled_sabry

[/size][/font]

وعليكم السلام و رحمه الله و بركاته


الاول انتا عندك طلمبة البنزين ميكانيكيه و لا كهرباء ؟؟؟
لأنك قولت انك كربراتير و انا اعرف معلومه غير اكيده ( ان كل العربيات الكربراتير بتبقى طلمبة البنزين بتاعتها ميكانيكيه بينما الانجكشن كهرباء ... اكرر معلومه غير اكيد و ياريت حد يأكدهالى )
فلو كانت كهرباء يبقى صحيح الاحتمال الاكبر منها ... اما لو كانت ميكانيكيه حتبقى صعبه شويه لأن الميكانيكيه معمره اكتر (عربيتي موديل 1978 و فيها الطلمبه الاصليه بتاعت الفابريكا و عمرى ماصلحتها و لا حتى فكتها ) وبتبقى اعطالها هايفه و بتتصلح بسهوله

بس بشكل عام قبل ماتفكر فى الاحتمال التقيل ده ... غير الكوندنسر و الابلاتين بالمره (مش حيكلفوك اكتر من 20 جنيه ) و شوف هل العيب ده لسه موجود و لا لاء
لأن قبل كده واجهتنى المشكله دى و غيرت الكوندسر بواحد قديم و الدنيا اشتغلت فل معايا بعد كده

---

اشكرك لمرورك ياباشا
طلمبة البنزين عندى ميكانيكيه .. انا عموما هوديها للميكانيكى ومتهيألى هو هيعرف العيب من الطلبمة ولا من ايه وبالمره هخليه يكشف على دورة البنزين كلها (طلمبة-خراطيم-مواسير-رشاشات-كربراتير) ولما يخلص هعدى على الكهربائى اخليه يبصلى عليها برضه
اشكرك على النصيحه

اقتباس:

---

المشاركة الأصلية كتبت بواسطة semsem kane

شوف ياباشا عن تبقى عارف طلمة البنزين مش هتخلى العربية تبطل وتدور تانى لوحدها , الطلمبة لما بتقطع او بتعلق بتخلى العربية كان مافيش سحب خالص ومهما توس فى بنزين مابتجيبش

فانا انصحك اول حاجة اظبط كهرباء العربية الاول لان كدة عايزة تتظبط , وعلى شوية مسمار الهواء بتاع الكربرايتر وغير بيج البنزين

وبعد كدة بردة هتغير الطلمبة عشان لما بتدوس العريية سحبها بيموت بمعنى اصح

---

شكرا لنصيحتك
المشكله ان سحب العربيه ضايع لانها تقريبا جايبه ديسك دبرياج هههههههههههه ودى المشكله الى انا رايح عشانها ولما يخلصها الميكانيكى هخليه يشوفلى موضوع التبطيل ده
عموما هيا الحلوه كده تبقى فتحت بوقها وربك يسترها

اقتباس:

---

المشاركة الأصلية كتبت بواسطة karimfahmy99

لو عندك فلتر بنزين راكب اتاكد انة مش مسدود . فكة و انفخ فية لو مسدود يبقى هوا اللى عاملك كل المشاكل دى .. عن تجربة

---

ان شاء الله هخلى الميكانيكى يبص عليه وهو بيكشف على دورة البنزين
اشكرك للنصيحه

يا ريت تقولنا عملت ايه بقى

ياجماعه انا روحت للميكانيكى امبارح قضيت عنده اليوم كله عشان موضوع التبطيل ده وكان فى شغل فى العفشه وطقم الدبرياج
هو خلانى اجيب سبراى كربراتير وغيرت بوجيهات بالمره
الكربراتير كان مليان بلاوى ودخان اسود طلع من الشكمان كله وبعدين هو كان مقتنع ان السبب فى موضوع التبطيل ده هو الكربراتير بس انا شكيت لان حصلت معايا نفس المشكله من شهرين وروحت نضفته بس حصلت تانى عشان كده قولت اغير طلمبة البنزين بالمره وفعلا غيرتها
العربيه جربتها فى الطريق كانت كويسه الحمد لله بس محتاج امشى بيها اكتر عشان اشوفها هتبطل تانى ولا لا
عموما انا اخر الشهر هروح برضه اعمل ضفيرة كهربا لان كهربة العربيه ضايعه وهخلى الكهربائى يبصلى على كهربة الموتور ( الابلاتين-الكوندنسر-الموبينه) وساعتها هبقى مطمن وانا ماشى بيها

فى معلومه مهمه قالى عليها الميكانيكى وانا حابب اوضحها للى ميعرفهاش

هو قالى ان سبب ان الكربراتير يتوسخ بالشكل ده حاجه من اتنين
الاول : انك تكون بتحطلها بنزين 80 (وانا مش بعمل كده)
التانى : انك ممكن تكون بتمشى بسرعه قليله على غيار فتيس عالى بمعنى انا التالت عندى بيجيب لحد 80 بس سعات لما بهدى بكسل انزل للتانى او الاولانى وبعدين لما الطريق بيمشى بفضل ازود بنزين وانا على السرعه القليله والغيار التالت
بمعنى تانى : لو انتا بتزود السرعه لازم تجيب اخر الغيار الى انت ماشى عليه قبل ماتنقل للى بعديه ولو هديت لازم تجيب غيار الفتيس المناسب للسرعه الى انت ماشى عليها

اتمنى انى اكون افدت حد بالمعلومات الى قولتها