الموضوع: انا زعلان .... البرسونا اتخبطت

الحمد لله على مايصيبنا

ولو اطلعتم على الغيب لاخترتم الواقع

صدق رسول الله الكريم صلى الله عليه وسلم

الحمد لله أن جت على قد كده .... قل اللهم أجرنى فى مصيبتى أخلفنى خيرا منها .... بالنسبه للكبوت وخبرتى فى الموضوع ده أنه صعب شويه ان يدارى الخبطه نتيجه الدعامات اللى موجوده تحته والا هيحط معجون كتير عاشان يظبط شكله .... وطبعا ده معتمد على شكل الخبطه وبرضه شطاره السمكرى .... بالنسبه للأكصدام أى حاجه باذن الله تحصل فيه واحد بتاع فيبر كويس يظبطه كويس أوى .... وأكتر حاجه تخلى بالك منها هو بتاع الدوكو لازم يكون حد مجربه ٌبل كده علشان موضوع اللون .... لأن مش مجرد أنه يعمل اللون بالكود الموجود بس لأ ... ده بيبقى ليه نظره يمكن يكون اللون مختلف أختلاف طفيف عن لون العربيه نتيجه الشمس أو ما شابه ... وكمان نوع البويه وده ماليش خبره فيه أوى ... وكمان باذن الله متكونش الخبطه وصلت للصدر ... ياريت تتأكد من الموضوع ده ..... انا أسف لو كنت عقدتك بس والله أنا بحاول أساعد وبأذن الله تطلع أقل من كل ده .... وربنا يسترها معانا ومع حضرتك

ربنا يعوضك خير ويخلفك خير منها إن شاء الله تتعافى منها سريعاً وترجع أحسن من الأول.

بس يا ريت تقلنا الحادثة حصلت فى شارع إيه وكنت ماشى على سرعة كام وأخبار الفرامل إيه، وأخيراً لو فيها رزالة تقلنا كمان على التلفيات اللى حصلت فى المازدا عشان فيه بعض الأعضاء بيشككوا فى صلابة صاج البروتون.

المشاركة الأصلية كتبت بواسطة jisso82

لا حول و لا قوة إلا بالله واضح إنها ماشية على البرسونا اليومين دول بس زى ما قالولك باقى الأعضاء شغل السمكرة مش ضمان إنما أنا أمنت عشان لو لا قدر الله حصل حاجة أكبر لقطعة غيار داخلة فى الضمان زى الباركينج سينسورز مثلا فى الإكصدام الخلفى أو حاجة فى قطع الغيار الأمامية زى الرداتير أو السربنتينة أو أى قطعة ممكن تتلط فى خبطة من الأمام ده غير إن تسليم العربية عشان حادثة مش محتاج حجز بس أكيد أغلى من بره و أطول كوقت و كمان للأسف مش كل الشغل بيطلع مظبوط أوى عشان تحس إنك يعنى عملتها فى التوكيل فرجعت زى الأول. فلو كل الشغل اللى عندك سمكرة اعملها بره و اخلص هتوفر وقت و تكلفة و يمكن كمان تاخد نتيجة أفضل.

شكرا لحضرتك ... وان شاء الله ربنا يستر ويكون الشغل فى الصاج بس .. وانا هعملها برة -ان شاء الله - تحياتى

أنت مش مأمن عليها؟!