بعد صيانة الأربعين

**Walidghali** · 19-09-2010 03:59 PM

السلام عليكم
كل عام انتم بخير يا رجال
تجربة مريرة حصلت لي بعد صيانة 40.000 في مركز دايو بتاع القصر العيني (احترس منهم) أول أيام العيد العربية فضلت تقطع وترجرج وفين لما لقيت حد فاتح قالي عندك شمعة احتراق واقفة استنيت لأول يوم بعد العيد المركز بتاع القصر العيني فتح فيه ورحت لهم قالوا لي موبينة فيها فردة مش شغالة وفردة ضعيفة وبكدة يبقوا ضحكوا عليا مرتين
المرة الأولى ان الفهلوي اللي عمل لي الصيانة ركب لي سلكة بوجهات قديمة علشان كان عندي واحدة بتهرب وفي الكهربائي قبل ما اتحرك قلت له العربية مش مظبوطة وبترعش اقنعني ان دا بسبب التكييف وانا كلتها ومشيت
والمرة التانية اللي اتنصب عليا فيها لما رجعت لهم غيروا لي الموبينا والسلك ب 840 جنيه ... ودي تجربتي القاسية بعد صيانة 40.000 فكل واحد ياخد باله فين بيعمل الصيانة ويقف مصحصح للفهلوية وبتوع التلات ورقات
سلام

**M.Zaher** · 19-09-2010 09:31 PM

قدر الله و ماشاء فعل

بس يعني 840 جنيه في بوبينة و سلك كتير جدا جدا
مكنتش ترجعلهم اصلا

**احمد ابراهيم** · 19-09-2010 10:39 PM

هل معاك فاتورة يا باشا ؟؟؟

لو معاك يا ريت تعرف سعر الحاجات دى فى التوكيل كام ولو طلع ان السعر ده مش هو السعر الرسمى اللى المفروض يشتغلو بيه روح اشتكيهم و اعملهم محضر فى القسم

بس لو طلع ان هو ده السعر الرسمى و لقيت انك مش عارف تمسك عليهم حاجة يبقى ربنا يعوض عليك

**Walidghali** · 20-09-2010 01:21 PM

أنا شفت الاسعار في المنتدى هنا البوبينة 450 والسلك 50 يعني الاجمالي 500 جنيه مصري + 10% يعني 550 جنيه
فمش عارف اسأل فين تاني علشان اتأكد من الأسعار دي
وليد