انا من طنطا وعايز اروح دار المدفعية النهاردة

السلام عليكم

انا من طنطا ورايح النهاردة باذن الله فرح واحد صحبى فى دار المدفعية عقبال عندكو جميعا
كنت عايز اعرف افضل طريق اروح منو
وانا على فكرة عارف القاهرة كويس ومدينة نصر لانى بنزلها كتير جدا فعارف الطرق كويس مش هتعبكو معايا يعنى:w6266d
بس اول مرة اروح الدار ده فعايز اعرف مكانو واروحلو ازاى

وبعد اذنكو كنت عايز اعرف كمان لو حد عندو فكرة توكيل بغداد فين بالظبط فى عباس العقاد هوه مكتوب فى كتاب الضمان عندى 19 عباس العقاد..لان الساعة باظت وكنت عايز اوديها تتصلح بالمرة لانى فى الضمان ولو حد عندو فكرة الصيانة هناك بتبقى شغالة بالليل ولا لا؟؟
وشكرا جزيلا

و انت جاى تعال زراعى و اطلع الدائرى شمال (عدى من تحته و خد اول مطلع يلف بيك و كأنك رايح ناحية طريق الاسماعيليه)
هتمشى و تنزل نفق السلام من تحت الاسماعيليه الصحراوى و بعديه تاخد مخرج الماظه يمين (طريق السويس) هتطلع كوبرى 4.5 الجديد و تعدى من تحت كوبرى الاوتوستراد و لف اول يوترن هتلاقى حلوانى و كافيتريا دار المدفعيه (اسمها روكيت) فى وشك و انت على شريط المترو .. الباب بعدها ب 50 متر

بالنسبه لتوكيل بغداد هو على اليمين بعد ما تخش عباس العقاد من الاوتوستراد بعد حوالى 300-400 متر ... معرفش مواعيد الصيانه ايه

شكرا جزيلا لحضرتك