إلى كل حاجزي الداستر...التسليم هيتأخر شهر

**live4love** · 19-09-2010 04:50 PM

أنا حاجز داستر في أول شهر سبعة و كان معاد التسليم في آخر شهر عشرة...لكن النهاردة إتصل عليا مندوب مبيعات من فرع العبور عشان يبلغني بأن التسليم هيتأخر لغاية آخر شهر حداشر و كمان اللون اللي أنا طالبه مش هاينزل في دفعتي فمضطرين يغيروه للون تاني...هل فيه حد تاني حصل معاه نفس الكلام? هل فيه حد حجز و استلم في معاده الداستر? هل التأخير ده عليا أنا لوحدي و الا على كل الحاجزين? و هل و هل و هل... برجاء حد يفيدنا.

**pointer** · 19-09-2010 05:49 PM

التسليم باذن الله تعالي بعد يناير و التخفيض بتاع السنه الجديده زي ما حسبنها في موضوع زياده السعر وانت حجزت امتي وبانهي سعر
ثانيا براحه كدا جبت للي حجزنها الكلام و بعكوكه والناس خبطت في رينو هو مقتنع بالمستعمل وانت بالجديد هو اقل حاجه عنده دودج وانت بتحب العمليه و كل واحد وليه نمط حياه والا الدنيا مش هتمشي و والله الكلمتين دول اخوه ومن عشمي
المهم فيه موضوع هناك فتحه علي الداستر وياريت حد يعبر التوبيك ده لما نشوف
و اخبرا مبروك مقدما و يعطيك خيرها و بحفظك من شر الطريق ان شاء الله

**live4love** · 19-09-2010 06:21 PM

و الله أنا مانا فاهم حاجة من اللي بتقوله...بعكوكة إيه و كلام إيه اللي أنا جبته? مش فاهم قصدك إيه? و بعدين مين قال إن أول ناس هتستلم في يناير? الكلام ده إنت جايبه من حد في رينو? إذا كانوا هما نفسهم قالولي إن فيه ناس إستلمت العربية فعلآ في دفعة شهر سبعة. ياريت حد من اللي استلم يشارك معانا.

**الصيداح** · 19-09-2010 07:30 PM

عم بوينتر صحصح الله يكرمك أنا قريت كلامك 10مرات مطلعتش بجملة مفيدة
روق كدة وفوق

**pointer** · 19-09-2010 07:50 PM

المشاركة الأصلية كتبت بواسطة live4love

و الله أنا مانا فاهم حاجة من اللي بتقوله...بعكوكة إيه و كلام إيه اللي أنا جبته? مش فاهم قصدك إيه? و بعدين مين قال إن أول ناس هتستلم في يناير? الكلام ده إنت جايبه من حد في رينو? إذا كانوا هما نفسهم قالولي إن فيه ناس إستلمت العربية فعلآ في دفعة شهر سبعة. ياريت حد من اللي استلم يشارك معانا.

انا رديت عليك في الخاص يا باشا
بالنسبه لموضوع الاستلام انا قريبي حجزها بعد المعرض علي طول و محدش استلم ولا حد كلمه من هناك ولا حاجه ولازم تعرف انها اساسا في رومنيا عليها حجز امم ومتاخره هناك كمان وحجزها عدي الاربع شهور وده من منتديات اجنبيه و السبب هتلاقيه في توبيك اسمه الي حاجزي رينو بالسعر القديم وده تقديري انا وربنا يخلف ظنوني ويسلموا قريبي بقي

المشاركة الأصلية كتبت بواسطة الصيداح

عم بوينتر صحصح الله يكرمك أنا قريت كلامك 10مرات مطلعتش بجملة مفيدة
روق كدة وفوق

لا ياسيدي متخفش علي انا صاحي اوي والكلام اللي انا قلته ده موضوع خاض صاحب النوبيك حاجه كدا بيني وبينه علي العموم بعت له علي الخاص وشرحت له اللي عاوز اقوله بس وبعدين قريبي يحجز الداستر و انا اعمل مواضيع وانتو تقروا وخلاص مفيش تشجيع ولاحتي ساندوتش

**pointer** · 19-09-2010 08:09 PM

فيه فعلا حجات بتتسلم دلوقتي وده اللي قالوا قريبي بس ما فهمتش منو انهي بالضبط
هو انت اساسا حاجز انهي فئه

**pointer** · 19-09-2010 10:03 PM

معلش انا اسف النقطه دي وقعت مني
بالنسبه لموضوع 2011 استنتجته واستنبطه من في المشاركه دي بسفيه كلام قبلها مهم
رابط المشاركة
الموضوع كله من الرابط ده
الي كل الحاجزين بالسعر القديم .... بعد زياده الاسعار هتعمل ايه .... ‏

**الصيداح** · 19-09-2010 10:14 PM

ساندويتش بس يا عم نعشيك عشوة محترمة دا أنت اللي عامل حس للداستر هنا

**pointer** · 19-09-2010 10:52 PM

المشاركة الأصلية كتبت بواسطة الصيداح

ساندويتش بس يا عم نعشيك عشوة محترمة دا أنت اللي عامل حس للداستر هنا

اذا كان كدا بقي يبقي غدا يا كبير ومشوويات

يا باشا لا حس ولا بتاع دا انا ادبست في الموضوع ده والراجل قريبي خلع من الموضوع وانا اللي عمال اجيب له في المعلومات وهو قاعد باشا و المشكله من كتر المذاكره فيها ابتدت تشعشع في دماغي اوي اوي ربنا يستر وما اتهورش

**الصيداح** · 19-09-2010 11:05 PM

أنا عايزك تتهور علشان أتهور أنا كمان أنا عايز حد يشجعني
كدة رجعت أنا للحيرة من تاني
وأقول أوكتافيا الفئة المانيوال ولا داستر أعلى فئة مانيوال؟؟؟؟؟
رسيني يا عم بوينتر

الموضوع: إلى كل حاجزي الداستر...التسليم هيتأخر شهر

LinkBack

أدوات الموضوع

عرض

-

-

-

-

-

المواضيع المتشابهه

الي حاجزي اسبورتاج

إستلام اللوجان هيتأخر

الى كل حاجزي الدااستر

مفاجأه لكل حاجزي السيراتو وموعد التسليم

استلام الكارينز الاوتوماتيك 2010 هيتأخر

الكلمات الدلالية لهذا الموضوع

المفضلات

المفضلات

ضوابط المشاركة