استهلاك البنزين

**karimfahmy99** · 22-09-2010 04:08 AM

المشاركة الأصلية كتبت بواسطة karimfahmy99

نصيحة بلاش تحط 80 لان الاضرار بعد كدة هتكون بالمياااااااااااااات الجنيهات

المشاركة الأصلية كتبت بواسطة bondjames

لا لا كلام مش دقيق
أنا قعدت سنة كاملة بامون الجولييت يتاعتى بنزين 80 ولغاية ما بعتها ولا أى مشاكل - لكن لو عايز ماتحسش بأى حاجة خلط ال 80 مع 92 لو بنسبة 1:1 لن تشعر بأى فرق عن ال90

منتا عشان بعتها محستش بالاضرار لسة . هو معنى كدة ان الاضرار هتحصل فى 10000 كم و لا 20000 كم لا هتحصل بعد كدة . بدل الرشاشات ما تقعد معاك 150000 اة 200000 هتلاقى نفسك متدبس فيهم فى ال 60000 كم

**age** · 22-09-2010 08:33 AM

المشاركة الأصلية كتبت بواسطة m.zaher

تقدر تحطلها بنزين 80 عادي بس اظبط جمبر الاوكتان الاول
التانك حوالي 60 لتر
بس ماتعتمدش على المؤشر لانه سعات بيهيس
لمبة البنزين بتنور على 7 لتر فاضليين في التانك

الكلام ده مش مزبوط التانك حوالي 48 لتر ومتحاولش تعتمد على لمبه البنزين

**shaddadfalcon1** · 22-09-2010 09:57 AM

انا دايما بحط 92 وشايل فيشو الأوكتين وعايز اظبطها علي 95
النهارده بالصدفه لقيت نفسي واخد مطب علي التالت والعربيه ماشيه عادي لحد ماببص علي الفتيس لقيتها علي التالت قلتلها كملي بقي

الأستهلاك دلوقتي من 12 الي 13 في الطوالي ومن 8 الي 11 داخل المدينه بس هي كده بتاكل بنزين قوي يعني المفروض عربيتك تبقي احسن من كده بكتيير عشان انا عربيتي 99 وعدت ال 200 الف من زمان

**فادى محمد** · 22-09-2010 11:29 AM

اللي هتوفره لما تمون بنزين 80 هتصرفه فورا علي منظومه الوقود(رداخ البنزين والفلتر والرشاشات ) وده لاحتواء ال80 علي شوائب كتيره ,والدي راكب هيونداي اكسيل وبيمون 80 ,شهريا انزل من الفلتر بتاعها (بن) بدون مبالغه ده غير تنظيف بيكات الكربراتير..
اشتري راحتك ووقتك وفلوسك كمان .

**bakkarahmed** · 22-09-2010 01:02 PM

انا مؤيد لاستخدام بنزين 90 او92 علشان لو احترمت عربيتك هاتحترمك ومش هاتبهدلك وكمان علشان بنزين 90 ماشي مع نسبه انضغاط المحرك 9.5 تقريبا.
اللي عايز استفسر منكم عليه هو اني سمعت عن انه غلط لما تخلط بنزين 80 مع 92 بس عايز اعرف هو غلط ولا فشر وخلاص . وكمان عايز اعرف بعد اذن صاحب الموضوع ايه الضرر من تعدد انواع الزيت علي الموتور؟

**mdahab** · 25-09-2010 04:10 AM

المشاركة الأصلية كتبت بواسطة bakkarahmed

انا مؤيد لاستخدام بنزين 90 او92 علشان لو احترمت عربيتك هاتحترمك ومش هاتبهدلك وكمان علشان بنزين 90 ماشي مع نسبه انضغاط المحرك 9.5 تقريبا.
اللي عايز استفسر منكم عليه هو اني سمعت عن انه غلط لما تخلط بنزين 80 مع 92 بس عايز اعرف هو غلط ولا فشر وخلاص . وكمان عايز اعرف بعد اذن صاحب الموضوع ايه الضرر من تعدد انواع الزيت علي الموتور؟

لو الواحد محتاج يحط 80 يحطه مش مشكلة ... بس تراعي العربية انك تفولها لكل 4 او 5 تفويلات 80 تفويلة 92 مع الكشف على الفلاتر و البوجيهات
و بالنسبة لخلط البنزين ده مش مشكلة ..البنزين 80 معالج بالرصاص و 92 فيه اضافات غير الرصاص ... يعني كأنك حطيت 80 ممتاز او 92 على قده حسب كمية اي بنزين الاكثر...
و بعدين تعدد انواع الزيوت ده مش مشكلة ... ده انت ممكن تزود على الزيت الموجود زيت من نوع تاني خالص ... بس المهم تغيير الزيت في وقته مع الفلتر

**Mr_7edo** · 25-09-2010 11:56 AM

المشاركة الأصلية كتبت بواسطة m.zaher

تقدر تحطلها بنزين 80 عادي بس اظبط جمبر الاوكتان الاول
التانك حوالي 60 لتر
بس ماتعتمدش على المؤشر لانه سعات بيهيس
لمبة البنزين بتنور على 7 لتر فاضليين في التانك

تعديل بسيط
تانك اللانوس تقريبا 45 لتر مش 60
لان تنك النوبيرا هو الي 60 لتر

تحياتي

**bakkarahmed** · 25-09-2010 03:30 PM

المشاركة الأصلية كتبت بواسطة mdahab

لو الواحد محتاج يحط 80 يحطه مش مشكلة ... بس تراعي العربية انك تفولها لكل 4 او 5 تفويلات 80 تفويلة 92 مع الكشف على الفلاتر و البوجيهات
و بالنسبة لخلط البنزين ده مش مشكلة ..البنزين 80 معالج بالرصاص و 92 فيه اضافات غير الرصاص ... يعني كأنك حطيت 80 ممتاز او 92 على قده حسب كمية اي بنزين الاكثر...
و بعدين تعدد انواع الزيوت ده مش مشكلة ... ده انت ممكن تزود على الزيت الموجود زيت من نوع تاني خالص ... بس المهم تغيير الزيت في وقته مع الفلتر

الف شكر علي الرد بس انا حابب اقول لحضرتك ان البنزين في مصر حتي بنزين 80 خالي تماما من الرصاص لانه لو فيه رصاص كل العربيات اللي فيها علبه بيئه وحساس شكمان مش هاتكمل تفويلتين ولمبه check هاتنور