انا اسف ياجماعه بس انا لسه مشتري لانوس 2000 اس جديد
هل ممكن احطلها بنزين 80 ولا لا؟
والعربيه بتفول علي كام لتر؟ يعني الشرطه الواحده فيها كام لتر؟
ومعدل استهلاك البنزين في الكيلو متر الواحد قد ايه؟
وشكرا جزيلا مقدما
عرض للطباعة
انا اسف ياجماعه بس انا لسه مشتري لانوس 2000 اس جديد
هل ممكن احطلها بنزين 80 ولا لا؟
والعربيه بتفول علي كام لتر؟ يعني الشرطه الواحده فيها كام لتر؟
ومعدل استهلاك البنزين في الكيلو متر الواحد قد ايه؟
وشكرا جزيلا مقدما
تقدر تحطلها بنزين 80 عادي بس اظبط جمبر الاوكتان الاول
التانك حوالي 60 لتر
بس ماتعتمدش على المؤشر لانه سعات بيهيس
لمبة البنزين بتنور على 7 لتر فاضليين في التانك
نصيحة بلاش تحط 80 لان الاضرار بعد كدة هتكون بالمياااااااااااااات الجنيهات
الف شكر ياجماعه انا بفكر فعلا دلوقتي في الخلط دا
ولو لقيت بدفع برده كتير هحط 80 بقي وربنا يستر
العربيه لسه زي الزيرو عاوز افرح بيها شويه
انا اصلا جيبتها علشان سمعت انها بتاخد 80 وان قطع غيارها رخيصه اوي
بجد الف شكر علي ردودكم
مع السلامه
د.مصطفي
انا بحط 92 و لو ملقتش بحط 90 . الفرق فى اداء العربيه بين 92 و 90 كبيير جدا . تخيل بقى الفرق لما تحط 80. انت كده هتخلى التسارع بتاعها و لا 128
اوافقك الرأى الاداء رائع على ال92 وفاشل جدا على ال 80 انا بتعامل مع عربيتى بالبنزين ال92 كأنها اتوماتيك على اى سرعة مافيش اهتزاز ولا رعشه ولا تصقيف والتسارع طبيعى على كل الغيارات يعنى ممكن اكون ماشى بسرعة 50كم على الخامس واسحب بيها كأنى على الثالث بدون رجه او رعشه فى المكنه بالاضافه الى نظافة الزيت مش بيسود بسرعه زى البنزين ال80 الفرق فى الفلوس مش شويه فأكد الفرق فى الاداء برضه مش شويه
الموضوع كدة فى ايد صاحب المشاركة و على رأى المثل اللى بيشيل اربة مخرومة ...............
اذا كان غاوى يغير مواتير و كلام مندا براحتة . يا جدعان العربية بيقول زى الزيرو حرام يحط 80
كذا ميكانيكى قالى ان ال 80 بيبوظ الكاربيراتير العادى ما بالك فى الانجكشن و الرشاشات ؟؟؟؟؟؟؟؟
انا قلت راى و اللى قال حط 80 خد عنوانة و تليفونة عشان لوباظت العربية تروح تاخد منة فلوس للتصليح :ma:
اللهم مبلغت اللهم فشهد
انا دايما بحط 92 وشايل فيشو الأوكتين وعايز اظبطها علي 95
النهارده بالصدفه لقيت نفسي واخد مطب علي التالت والعربيه ماشيه عادي لحد ماببص علي الفتيس لقيتها علي التالت قلتلها كملي بقي
الأستهلاك دلوقتي من 12 الي 13 في الطوالي ومن 8 الي 11 داخل المدينه بس هي كده بتاكل بنزين قوي يعني المفروض عربيتك تبقي احسن من كده بكتيير عشان انا عربيتي 99 وعدت ال 200 الف من زمان
اللي هتوفره لما تمون بنزين 80 هتصرفه فورا علي منظومه الوقود(رداخ البنزين والفلتر والرشاشات ) وده لاحتواء ال80 علي شوائب كتيره ,والدي راكب هيونداي اكسيل وبيمون 80 ,شهريا انزل من الفلتر بتاعها (بن) بدون مبالغه ده غير تنظيف بيكات الكربراتير..
اشتري راحتك ووقتك وفلوسك كمان .
الكلام ده مش مظبوط
امال انا لما بمون سعات بيوصل ل 55 لتر ازاي
التانك في الدايو 62 لتر و ده كلام الكتالوج
http://img27.imageshack.us/img27/5208/fuelu.jpg
بنزين 80 تاثيره على منظومة الوقود زيه زي اي بنزين تاني
بنزين 80 زيه زي 90 زي 92 زي 95 من ناحية الشوائب
الفرق بينهم بس في رقم الاوكتان
لكن الشوائب ماتفرقش كله بيعتمد على المكان اللى بتمون منه و نضافة الخزانات بتاعته
انا مؤيد لاستخدام بنزين 90 او92 علشان لو احترمت عربيتك هاتحترمك ومش هاتبهدلك وكمان علشان بنزين 90 ماشي مع نسبه انضغاط المحرك 9.5 تقريبا.
اللي عايز استفسر منكم عليه هو اني سمعت عن انه غلط لما تخلط بنزين 80 مع 92 بس عايز اعرف هو غلط ولا فشر وخلاص . وكمان عايز اعرف بعد اذن صاحب الموضوع ايه الضرر من تعدد انواع الزيت علي الموتور؟
لو الواحد محتاج يحط 80 يحطه مش مشكلة ... بس تراعي العربية انك تفولها لكل 4 او 5 تفويلات 80 تفويلة 92 مع الكشف على الفلاتر و البوجيهات
و بالنسبة لخلط البنزين ده مش مشكلة ..البنزين 80 معالج بالرصاص و 92 فيه اضافات غير الرصاص ... يعني كأنك حطيت 80 ممتاز او 92 على قده حسب كمية اي بنزين الاكثر:verygood:...
و بعدين تعدد انواع الزيوت ده مش مشكلة ... ده انت ممكن تزود على الزيت الموجود زيت من نوع تاني خالص ... بس المهم تغيير الزيت في وقته مع الفلتر