الموضوع: الف مبروك للدراويش

يا نهار ابيض يعني انت سايبين

مانشستر يونايتد 2:3 ليفربول

تشيلسي 0:4 بلاكبول

اتلتيكو مدريد و برشلونه

و قاعدين بتتفرجوا على الاهلي يا جماعه احنا بيضحك علينا و بيفهمونا ان اللى بيعملوه ده كوره
عايز تشوف الكوره اتفرج على تشيلسي و هو بيجيب 4 اهداف في الشوط الاول فقط
واتفرج على ليفربول و هو بيجيب هدفين من ضربات ثابته واتفرج على مانشستر لما لاعب واحد يجيب 3 اهداف

هي دي الكوره بجد سرعه و مهاره و اخراج ممتاز و هجمات و مرتدات و شغل على اعلي مستوي مش تقولي شوقي و الاسماعيلي

على فكره انا اهلاوي بس عندي احباط رهيب من البدري عشان كده اتجهت للدوريات التانيه و بتابع معاهم كويس

حد شاف المحمدي في ماتش ارسنال عمل ايه .. الواد ده لو استمر على كده هيعدي

المشاركة الأصلية كتبت بواسطة bmya

اه شوفته وهو بيجيب ضربه جزاء للارسنال ههههههههههههههههه
لا لا انا بهزر المحمدي ده اصلا من احسن العيبه في مصر من ايام امم افريقيا الاخيره وهو كان متألق خصوصا في ماتش الجزائر الشقيق علم على اللعيبه كتيير اوي لحد ما الواد ابو راس مزحلقه ده راح داخل فيه عشان يكسرو واتطرد يا قلب امه هههههههههههه
بس يارب يفضل كده وما يعملش زي عمرو زقي وميتوو

ههههههههههه هو جاب ضربة جزاء ليهم اه بس الحمد لله طلعت بره

بس شارك في الهدف يعني الراجل عامل شارع في اليمين طول الماتش و شارك في الهدف كمان
نستخسر فيه بقي ضربه جزاء

انا شايف ان النتيجه مفيهاش اي فضيحه و لا حاجة لان اساسا كلمه فضيحه ملهاش مجال في الرياضه يعني حتي هزيمه الزمالك من الاهلي 6-1 اسمها فضيحه

الفضيحه هي ان الاهلي كان رايح المباراه و مدربه معندوش اي ترتيب للمباراه دي و لا خطة و لا جمله جديدة و لا اي شيء رايح المباراه زية زينا علشان يتفرج معنها مباراه مع فرقة قويه و اجواء مشابهه لمباراه الترجي كان ممكن يجرب فيها كتير و يتغلب مش مشكله لكن يتغلب و ميستفادشي حاجة هي دي اللي تبقي الفضيحه

بس المباراه كانت كالعادة السنه دي بين فريق مهلهل من غير مدرب و فريق كل طموحه و حياته و هدف لعبه للكورة انه يكسب الاهلي

يعني الاسماعيلي خلاص حقق الهدف اللي هو عاوزة السنه دي و حقق البطوله اللي علشانها في نشاط كرة قدم في الاسماعيليه انه يكسب الاهلي معن الفريق دة بالمستوي دة لو لعب ب 10% منه كان اكتسح الشبيبه رايح جاي و كان هو و الاهلي زمانهم في المربع الذهبي

اتمني الاسماعيلي يفضل علي كدة لان بالمستوي دة بطوله الدوري هتبقي قريبه قوي من الاسماعيلي لو لعب كل مبارياته زي ما بيلعب مع الاهلي

بدرى من اللى مش مظلوم

واحد مش فارق معاه المكسب و عارف ان الإسماعيلى حيموت و يكسب الاهلى يقوم يلعب بإتنين مهاجمين ليه !!

دا احنا حنموت و يلعب بإتنين مهاجمين فى الماتشات اللى عايزين نكسبها و هو لا الهوا !

ثم كان المفروض فى ماتش زى دا يلعب بـ 3 فى نص الملعب علشان يقفل الماتش مش يسيبه مفتوح على البحرى كده

و كمان جاى فى اخر الماتش ينزل محمد سمير !!!
دا مدرب عايز الحرق