ارجو المساعده انا بدور على عربيه للشراء ة شفت النهارده صنى سوبر صالون 2009 الشكل الجديد و حاسس بصوت زى صوت نحره(حديد بيحك فى بعضه) من النص و ممكن من الناحيه الشمال واحد من الجراج قاللى ان العربيه كانت واخده خبطه بسيطه بسبب خبطه موتوسيكل فى الرفرف الشمال مع ان العربيه دهانها كله زى بعضه لكن البياع لم يذكر اى شىء عن ذلك وارد موظف الجراج اختلط غليه الأمر وهل الجير الأتوماتيك ليه اى دخل؟؟؟؟!!!!
ارجو الرد العاجل حيث اني رايح بكره التوكيل للفحص و كتابه تقرير عن حاله السياره
ممكن صوت تيل الفرامل
انت موضحتش حاجه عن الصوت بيطلع ازاي
انت كده كده لازم تروح التوكيل و تكشف و متسمعش غير كلام التوكيل و ممكن قبل التوكيل تروح بنزينه كمان علشان تبقي في بطنك بطيخه صيفي
لكن اوعي ترمي ودنك لاي طرف من ناحيه اصحاب العربيه هتسمع كلام معسول
و معلش يعني تدفع ميه ولا متين احسن ما تشرب مقلب ب الوف الجنيهات
اولا لك جزيل الشكر على الرد السريع حيث ان منتظر رد بفارغ الصبر
الصوت بيظهر مع حركه العربيه و بيقل مع زياده السرعه و الأكثر من الناحيه الشمال
العربية عاملة كام الف كيلو
والصوت بيظهر ازاى وضح اكثر تفصيلا
وبيظهر وهى واقفة ولالا
وانت بتلف الدريكسيون , ولا وانت بتمشى ولما بتمشى على طول
وهل مع المطبات
مركزتش مع تيل الفرامل طيب
ياريت تساعدنا وتشرح اكتر
ممكن كاوتش العربيه محتاج يتغير و متستغربش كان الوضع عندي كده و صوت زي ما يكون حديد بيحك و تقيل كده بس انا كان عندي بلي العجل محتاج يتغير كماناقتباس:
المشاركة الأصلية كتبت بواسطة eeee123
يا ابو حميداقتباس:
المشاركة الأصلية كتبت بواسطة ahmed.tv
مالك و مال الصني بس
بلاش فتاوي التيدا دي هنا :shine[1]:
انا قلت اسلم عليك مادام مش بتسلم عليا و انا عارف اني قصرت بس غصب عني
دكتور امير
اخبارك
ان شاء الله تكون بخير
وبعدين متقولش كدا العفو كلنا اخوة مع بعض مفيش تقصير ولا حاجة
وسعداء بوجودك معانا فى القسم مرة تانية
انا بس بحب كل الاعضاء انت عارف من زمان وكل رجالة الصنى معزتهم كبيرة عندى
وبدين للقسم وللمنتدى بفضل كبير انه عرفنى بشخصيات واصدقاء معزتهم كبيرة عندى جدا ومحترمين زيكم
وبعدين التيدا احسن حاجة محدش بيسمعلها حس هههههههههههههه
منورنا فى اسرة نيسان يادوك
وحالينا نسمع صوتك قريب
وتقبل تحياتى
اخوك احمد مصطفى
الصوت مالوش علاقه بالدركسيون فقط مع الحركه و بيقل مع السرعه السياره عامله 33 الف كيلو
يبقا زى ما قالك دكتور امير بردوا
لازم تروح التوكيل تكشف افضل عليها
واغرم 100 او 200 احسن بدل ما تتدبس فى العربية كلها وتكون دفعت مبلغ كبير