الداستر جت و الوكيل مالهوش كلمه ولا التزام

**pointer** · 19-09-2010 08:28 PM

انا اسف والله التوكيل بيسلم الداستر دلوقتي بالسعر الجديد واللي حاجز بالقديم يطق دماغه في اتخن حيط
هو ده الالتزام هو ده الوكيل المحترم اللي الناس بتقول عليه ازاي اثق فيه بعد كدا واحجز عنده تاني وهو مالوش كلمه وبيبيع العميل برخيص
يعني هما عام داستر اللي اتحجزوا اساسا علي شان هيكسبوا منهم ويضيعوا اسم التوكيل وثقه المستهلك ده غير ان كل واحد حاجز بورق غير التاني والي بيدل اساسا علي سوء نيه او علي الاقل عدم النظام الو المساواه بين العملاء
لو حد استلم يقول ويقول استلم بكام علي شان اتخاز الطرق القانونيه حيال الاستخفاف بالعملاء ده

**الصيداح** · 19-09-2010 11:06 PM

بركاتك يا داستر
ايه الأخبار دي
الله المستعان على أحوالنا في مصر

**Dr.Islam** · 20-09-2010 09:02 PM

التوكيل عمل كده بجد؟!

**pointer** · 20-09-2010 09:17 PM

المشاركة الأصلية كتبت بواسطة dr.islam

التوكيل عمل كده بجد؟!

يا باشا يعني هاكون بهزر الموضوع ده له بتاع خمس مواضيع في المنتدي ده غير ان فيه ناس حجزت بالايضال بس وناس بالايصال و البريشيز اوردر والايصال وناس مكتوب لها ميعاد الاستلام وناس لا وناس مكتوب لها الثمن الاجمالي وناس لا وناس مكتوب لها ان التمن عند الاستلام ده اسمه ايه ده علي الاقل و باسلوب مهذب ده اسمه سوء نيه التوكيل و التوكيل اتصل بيه وقاله انت هتدفع ال 134 وانه ما عندوش حل للموضوع ده و بصراحه الراجل قرف وناوي ياخد اجراءات قانونيه ضد التوكيل ده بصراحه استخفاف بالعملا و ناس تنيه يقع علي سيارتها شجره في نادي الجزيره يدوا له واحده تانيه

**Yarisawy** · 21-09-2010 03:02 PM

مين اللى وقع على عربيته شجره ؟؟؟ التوكيل اللى عوضه ولا شركه التأمين ؟؟؟

**DOCTORBADRAN** · 21-09-2010 03:57 PM

المشاركة الأصلية كتبت بواسطة Yarisawy

مين اللى وقع على عربيته شجره ؟؟؟ التوكيل اللى عوضه ولا شركه التأمين ؟؟؟

مش فاهم حاجة؟ يعنى اية التوكيل يعوض واحد وقعت على عربيتة شجرة؟؟؟؟؟

**pointer** · 21-09-2010 06:37 PM

المشاركة الأصلية كتبت بواسطة Yarisawy

مين اللى وقع على عربيته شجره ؟؟؟ التوكيل اللى عوضه ولا شركه التأمين ؟؟؟

المشاركة الأصلية كتبت بواسطة DOCTORBADRAN

مش فاهم حاجة؟ يعنى اية التوكيل يعوض واحد وقعت على عربيتة شجرة؟؟؟؟؟

تصدقوا وتامنوا بالله انا اساسا مش فاهم حاجه
مين اللي جاب التوكيل في النص
طب لو كان النادي الاهلي كانو هيدوا له بي ام ولا ايه
ولا لازم مثلا شجره ولو عامود ملوش حاجه عندهم ويكلم فيراري مثلا لانها تخصص العواميد
بجد حاجه تفرس
علي العموم الخبر منقول و الرابط اهو
رينــو "داستــر" تعــويــض عــن رينــو "ميجــان" محطمــه
انا خلاص قررت هي ب 130 لاما هارفع دعوي باسم قريبي علي رينو علي شان الكلام ده ودعوي اخري هاطالبهم بمليون جنيه علي شان العربيه اللي جنبي ضربت كلاكس وعجبي

**Ahmed Selim** · 21-09-2010 06:58 PM

الصورة دى صورة عرض سعر لفورك لفت ( رافعة شوكية أو كلارك ) مبعوتلى بالغلط على الأيميل

هتلاقوا شرط تحت أن السعر السائد وقت التسليم هو اللى هيدفع بمعنى أنهم عارضين سعر 108 ألف للفورك لفت و ساعة التسليم لو كان الثمن 120 يبقى هو ده اللى هيتدفع

لو التوكيل كاتب الشرط ده يبقى هو فى السليم

لو مش كاتبه أعتقد حقكم ترفعوا عليه قضية ( مجرد أعتقاد و الله أعلم )