أرجو الإفادة

**ahmed_2007** · 19-09-2010 09:13 PM

السلام عليكم و رحمة الله و بركاته

عندى إستفسار ( ممكن كتير من الأعضاء يعتبروه سؤال غير مهم ) بس فعلا انا ملقتش حد يفيدنى افاده مقنعة :

عاوز ازود ردياتير كيا سيراتو بس معرفش ازود المياه من غطاء ردياتير الحديد اللى على يمين المكنة وانت واقف امام الكابود و لا من الاربه البلاستيك اللى فيها علامات منسوب ميه الردياتير f l اللى على شمال المكنة و انت واقف امام الكابود .

وسبب حيرتى ان فى ناس قالتلى زود المياه من غطاء الردياتير الحديد ، و فى ناس تانية قالولى زود المياه من الاربة البلاستيك و مفتحش غطاء الردياتير خالص .

وحاجة تانية انا الحمد لله لسه مستلم العربية امبارح و منسوب المياه فى الاربه بين f , l بمعنى ان حد المياه مهواش لحد علامة f ولكنه اقل ، فهل فى هذه الحالة يلزم انى ازود الميه .

ارجو المساعدة و لكم جزيل الشكر .

**morasystem** · 19-09-2010 10:32 PM

لأ حضرتك المفروض كل اسبوعين تبص على مية الراديتير إنما مش كل يوم يعنى زى العربيات القديمة (ده مكتوب فى الكتالوج)

لو هتزودها مية ... يبقى من الغطاء المعدنى اللى على اليمين "الأصفر">>> ممنوع فتحه و هو سخن

لو هتزودها مية خضراء يبقى من الغطاء اللى على الشمال "مكتوب عليه Coolant" >>> ممنوع فتحه بتاتا إلا لو هتزود مية خضراء أو هتغير مية راديتير بس

**lolly136** · 19-09-2010 10:33 PM

بص منسوب المياه كده كويس جيدا
كمان لما تزود زود من القربة البلاستيك
تالت حاجة لو إنت بتعمل الصيانة في التوكيل مش حتتحتاج الحكية دي عشان هم بيرجعوا عليها وبيزودها لو هي محتاجة يعني يدوبك بس اطمن عليها مش أكتر

**ahmed_2007** · 20-09-2010 03:51 AM

المشاركة الأصلية كتبت بواسطة morasystem

لأ حضرتك المفروض كل اسبوعين تبص على مية الراديتير إنما مش كل يوم يعنى زى العربيات القديمة (ده مكتوب فى الكتالوج)

لو هتزودها مية ... يبقى من الغطاء المعدنى اللى على اليمين "الأصفر">>> ممنوع فتحه و هو سخن

لو هتزودها مية خضراء يبقى من الغطاء اللى على الشمال "مكتوب عليه coolant" >>> ممنوع فتحه بتاتا إلا لو هتزود مية خضراء أو هتغير مية راديتير بس

شكرا على ردك الوافى بس ليا استفسار ايه الفرق بين تزويد المياه من الغطاء المعدنى وتزويد المياه الخضراء فى الاربة البلاستيك وهل يلزم ان ازود المياه و الموتور داير

المشاركة الأصلية كتبت بواسطة lolly136

بص منسوب المياه كده كويس جيدا
كمان لما تزود زود من القربة البلاستيك
تالت حاجة لو إنت بتعمل الصيانة في التوكيل مش حتتحتاج الحكية دي عشان هم بيرجعوا عليها وبيزودها لو هي محتاجة يعني يدوبك بس اطمن عليها مش أكتر

شكرا على ردك وهل يلزم ان ازود المياه و الموتور داير

**lolly136** · 20-09-2010 06:50 AM

المشاركة الأصلية كتبت بواسطة ahmed_2007

شكرا على ردك الوافى بس ليا استفسار ايه الفرق بين تزويد المياه من الغطاء المعدنى وتزويد المياه الخضراء فى الاربة البلاستيك وهل يلزم ان ازود المياه و الموتور داير

شكرا على ردك وهل يلزم ان ازود المياه و الموتور داير

لو العربية سخنة لازم تدور الموتور
وعموما الافضل التزويد وهي دايرة
وافضل لو حضرتك مش متخصص قوي
سيبها للتوكيل