-
مطلوب instructors
انا فكرت في مشروع جديد وهو مركز لتعليم لغات البرمجة المختلفة لطلبة المدارس الثانوي وممكن الاعدادي
المكان موجود ومجهز بالنت وشبكة نت وورك عبارة عن مكتب مساحته كبيرة في الهرم ومتشطب كويس
في بعض اجهزة الكمبيوتر وممكن اكمل باجهزة تاني وهعمل الدعايا بتوزيع اعلانات امام المدارس
ياريت لو في افكار تانية تشاركوني
دلوقت انا محتاجة instructors لو حد من اعضاء منتدى نايل موتورز اخد كورسات في لغات معينة وشايف انه يقدر يقوم بشرحها ويقدم افكار جديدة ممكن يشاركني بالمجهود بمقابل نصف الارباح
وطبعا هيكون في انترفيو مع مبرمجين لتحديد امكانيات instructors المتقدمين
مستنية افكار بناءة ونصائحكم وخبراتكم
-
ربنا يوفقك لما فية الصالح بس معلش عاوز أقولك حاجة تنيهات فقط مش للأحباط و الله و لكن حرص شوية خلى بالك ان الاوراق لازم تكون قانونية لفتح مكان و ترخيص بكدة و بعدين حا تفتحى سجل تجارى و تبلغى الضرائب و دة الى مش دايما بيكون التعامل فية يسلاسة لانك ممكن تشتغلى قليل فى الاول و لو طب حد من الضرائب ممكن يقدر جزافى انت حا تقدمى زى أقرار كدة مكتوب فية اسماء المدرسين دول و بيدو كام محاضرة و بكام انتى ممكن تسكتى الاول شوية بس لو حد طب مش حسيقى فى اللذيذ خالص انا و الله بنصحك مش بنزل معنوياتك مجرد تنبيهات ممكن تكونى عارفاها و ممكن سقطت منك سهوا فقط
-
شكرا لك
المكان له سجل تجاري وضريبي ورخصة بصيانة وتعليم الكمبيوتر بدون تحديد تعلم ايه بالظبط
-
ربنا يوفقك و على بركة الله
-
شكرا لك
مفيش اي اراء ولا اي مشاركات يا جماعة
على فكرة اختي شغالة في نيو هيروزون ولسه متكلمتش معاها في الفكرة دي
كنت معتقدة اني هالاقي نصائح هنا اكتر ومشاركات اكتر
-
و الله لو اقولك التجربة لتاس أعرفهم مش حلوة بس يا رب تتوفقى و لازم تفتحى المسائل شوية زمان كا الدروس الخصوصية دولقتى السنتر هو البديل بس نصيحتى ما تكلفيش حاجة كتير حتى تجسى نبض السوق دة مشروع تجارى بالرغم من انة مشروع تعليمى بس الغرض منة الربح فخلى بالك و لو حا تعملى ملازم جيبى الورق الى مش بينفع يتصور و خليكى حريصة و الله الموفق
-
بتهيالي لغات برمجة كبيرة شوية على طلبة اعدادي وثانوي
يعني طلبة الهندسة والحاسبات هما ال بيحتاجوها انما واحنا في ثانوي كان اخرنا نعمل اله حاسبة على ال visual basic ونبقى كدا عباقرة
انما هندسة بقى الواحد لازم يبقى عارف الc و الmicro c على الاقل وبالذات ال micro c لان معظم شغل الكهربا دلوقتي مايكرو كونترولر وبيحتاجوه جدا
-
الموضوع لو مقتصر علي المناهج بتاع الكمبيوتر اظن هيبقي بسيط ومش هتحتاجي محاضرين مستواهم عالي
أكبر مشكله في موضوع الكورسات هي التزام المحاضرين نفسهم لأنهم بيبقو أساس الموضوع كله و الغاء محاضره بسبب تغيب محاضر دي أسوأ حاجه ممكن تحصل ولو اتكررت بتطفش الناس
بقدر الإمكان بلاش محاضر يدخل علي مجموعه محاضر تاني لأن بيحصل مقارنه من الطلبه هتسبب مشاكل
بالإضافه لوجود أجهزه معقوله في الاب علشان الناس تعرف تطبق كويس وطبعا الويندوز بتاعها هيتعك من لعب الناس فا ممكن يتعملها ديب فريز مثلا لبارتشن السي علشان تريحي دماغك من الصيانه ، لو في قلق من المصنفات ممكن تشتري نسخ ويندوز xp رخيصه ومينزلش عليها غير البرامج الأساسيه للكورسات وممكن تتفقي مع شركه صيانه يظبطو الأجهزه في الأول وحد منهم يجيلك لو في أي اعطال
ومع دعايه كويسه والتزام والاهتمام بالطلبه الموضوع هيمشي كويس ان شاء الله ، وممكن يبقي في كورسات اضافيه غير بتاع المناهج وهيبقي سهل انضمام الناس ليها
بالنسبه لفكره ان حد يدخل شراكه أكيد يكون افضل لو انتي اللي متواجده باستمرار ومسكتي الإداره مع سكرتيره (للحجز والجداول والاستعلامات) و اتنين محاضرين مثلا ، إلا لو ظروفك مش هتسمح يبقي شوفي حد يمسك الإداره عموما ويشيل محاضرات لو انستركتور وده أفضل ، مقابل نسبه من الإيراد بس برضو لازم تتابعي
مش علي بالي حاجه تانيه دلوقتي بس عموما بقالي 11 سنه في مجال كورسات البرمجه جايبه من أوله لأخره ومع الوقت وكتر الفروع ومشاكل المحاضرين قلبنا السيستم كله remote study من كذا سنه ومن حوالي سنتين عملنا كورسات للمناهج التعليميه كل المواد برضو ريموت .. يعني لو عندك أي استفسار قولي طبعا ولو عايزه محاضرين ممكن اشوفلك معارف من مناطق قريبه بس للأسف مش هقدر اضمنلك حد
ربنا يوفقك
-
أنا صفر في المعلومات دي
أنا يدوبك بلعب على الفوتوشوب...وبلعب سبايدر...وبلعب chicken invadres
أنفع أجي أشتغل؟؟؟؟
-
الف مبروك يا نور
كان حلمي تنفيذ المشروع ده من سنه بظبط
ووقفت علي التراخيص :(
وقرفت ومكملتش المشروع
كان في بالي انه يكون اديكويشن سنتر كامل
للجامعه ولثانوي وبعض الدورات البسيطه زي الـ icdl
ثانوي كان هيبقي دروس خصوصيه وكده
جامعه كان في معيدين وناس بره محتاسيين في مكان ولما قلتلهم الفكره رحبوا جدا جدا
في الصيف كان هيشتغل دورات زي الـ icdl وبدايات ويندوز و اوفيس وبدايات انجليش
دلوقت انا عايز اعرف منك المكان مساحته قد ايه ومتقسم ازاي
علشان اقولك ايه الي ممكن يتعمل فيه
A.Yakout
Content Relevant URLs by
vBSEO 3.6.0 PL2