التوحيد و النور فرع الميرغني و اسلوبهم المبتذل
الموضوع و ما فيه اني اشتريت بويلر كهربا (سخان شاي) من عندهم يوم 13\9 اللي فات
و البويلر كام يوم و لاحظنا انه ساعات مش بيفصل و بيفضل يغلي الميه دون انقطاع
المهم قلنا انزل انا و الحاجه نغيره النهارده منهم
قالولي اطلع فوق قسم الاجهزه طلعت
واحد اسمه مصطفي قال طيب نجربه
جربه سخن و فصل
قالي ماهو سليم
قلتله ما انا بشتكي اني معلق و ساعات مش بيفصل
قالي طيب نرجعه و يبقي في خصم
قلتله ليه قاللي مانت استخدمته (خدو بالكم 6 ايام)
المهم قالي طيب انزل لمدير الفرع الاستاذ وليد
نزلت ادور عليه و لقيته
بحكيله قالي سيبه نوديه المصنع و 5 ايام و تبقي تعالي خده
قلتله ليه ماهو سياسه الاستبدال 14 يوم مدام معاه حاجته و علبته و فاتورته
قالي لأ ما انت استخدمته
قلتله نعم
انت اللي بتقول ده
قالي هو ده اللي عندي
قلتله انا هشتكيك في القسم و حمايه المستهلك
و هو ولا هنا
و فعلا طلعت عملت محضر
و قالولي اروح 99 ش القصر العيني جهاز حمايه المستهلك
هو فعلا ده عنوانه و مفيش حاجه في مدينه نصر؟
و هو انا غلطان في حاجه