الموضوع: 516 بعد تجربة سنوات بكل حيادية وشوية اعجاب

[QUOTE=ansa3a;3873052561]

اولا ايها الأخوه الكرام انا اوائل ملاك الأسبرانزا 516 سنة 2006 وركبت عربيات كتير قبلها واشتريت وبعت انواع كتير قبلها

وكان قرارى بشراها كان قرار جرئ جدا وقتها لأنها لم تكن معروفة خالص

ولكنى بنظرة على حد خبرتنى ظنتها تكون كويسة بالنسبة لسعرها

وعملت بيها 85000 كيلو حتى 2008 لظروف سفرى الكتير وشغلى وعشت معاها كل الظروف

وغيرتها وجبت تانى 2008 ولسه بايعها من ايام وعملت بيها 90 الف كيلو ايضا

وانا بغير مش لعيب فى العربية ولكن بحب اركب زيرو دائما

وان شاء الله يومين وهجيب 2011 بس انا عاوز لون نبيتى ومش موجود فى المصنع دلوقتى ومستنية حسب وعدهم لى

المهم تقييمى للأسبرانزا 516 من واقع خبرتى وعشرتى معاها

المحرك

متوسط الأداء فى التجميع

جيد فى سرعات 90 كيلو

رائع جدا بعد 110 كيلو

وكنت بمشى بيها حتى 190 كيلو على الساحل الشمالى ولفترات طويلة

متفق معاك تمام ان جبت بيها 180 بس مش لفترات طويله عشان العربية كانت بتعوم بعد كده و على فكرة ده مش احساسى لوحدى ده احساس كام واحد وصل للسرعة ده -- وفى ناس جابت ال 200 اعرفهم بس برده مش لفتره طويله عشان العربية بقت بتتطوح منهم

العفشة

نشفة شوية بالنسبة للنسر والتيوتا والهيوندايات بشكل عام والدايو

العفشة ليست ناشفة بل بترزع جامد جدا شوية بل جدا لعيب فى مساعدين السيارة

اما مقارنة بالادا والشاهين لا احسن كتير

و قوة تحملها ممتازة حتى انى مغيرتش فيها حاجة اكثر من التربيط كل فترة فى السيارتان السابقتين وكنت بشيل فى الشنطة احمال ثقيلة وبمشى بسرعات عالية كما سبق

بالعكس معظم قطع غيارها غير معمرة ويتم تغير حجات كتيرة

ولى قريب غيرها بعفشة اللنسر وبقت تحفة بس انا مغيرتش حاجة الا احد المسامير فى الجزء الخلفى حلق من كتر التربيط وغيرتة فى التوكيل بآخر لنسر

معقول توكيل اسبرانزا بيغير عنده مسعدين اللنسر -- ده تقدم ملحوظ

الجنوط

قوة تملها جيدة جدا

اتكسر منى اكثر من جنط بس بسبب المطبات الحادة والكبيرة فى الطرق وعلى سرعات عالية بس محصلش مشاكل اكتر من انى غيرت الأستبن وكملت سفرى بأمان

فى واحد قابلته فى حمايه المستهلك معاه تيجو -- الجنط وهو ماشر لوحده على سرعة 120 اتقطم وطار من مكانه و العربية قلبت و فيه ناس مات و الموضوع كان فى النيابة و كانت منتدبه لجنة من هيئة حماية المستهلك للكشف على الجنط بالكامل لمعرفة هل هو عيب صناعة ان استعمال

الصالون

واسع بالنسبة للدايو والشاهين والهيوندايات عموما ومشابه لسعة اللنسر والتويوتا تقريبا

بالعكس اوسع من اللنسر و التيوتا

والجلوس فى الأمام رائع واسع اما الكنبة الخلفية غير مريحة والجالس فى الخلف يشعر بدوار مع السرعات العالية

وتقريبا بسبب ارتفاع السيارة عن الأرض

بالعكس الجلوس ممتع جدا و مريحة سواء بالكنبة او الكراسى الامامية

ويعيب الكنبة الخلفية ارتفاع اطراب الكبة مما يتعب الجالس فى اطراف الكنبة اذا جلس فيها ثلاثة اجسام متوسطة
لمدة طويلة

بالعكس الجلوس مريحة بالكنبة

الفرش الداخلى فى الصالون رائع ومكونات الصالون محترمة من ناحية الخامات

اتفق معاك فى خامه الفرش ولكم مكونات الصالون فقيره جدا يكفى ان عصايه الفتيس بيقشر وجلد يد الفرامل بيطلع

والتابلوه جيد جدا ولكن العدادات تستخدم اللون الأحمر والآزرق مع الأبيض وان بعتبرهم الوان ليست متجانسة وليست ذات قيمة وكأنها لعبة اطفال

والتحكم فى مستوى ضوء التالبون من الداخل جميل جدا وكذالك التحكم فى الفوانيس الأمامية من الداخل رائع وعملى جدا للسفر ليلا ومفيد جدا

بشكل عام الصالون يعد محترم برغم السلبيات البسيطة والتى لاتخلو سيارة من بعض السلبيات طبعا

مكونات الصالون و الطابلوه و فرش الارضية و كوتشات الصالون فقيره جدا وخامتها سيئة

التكييف

التكييف فى موديل 2006 كان به بعض العيوب وتم تعديلها فى 2008 ولكن مازال التكييف متوسط الأداء وخصوصا فى الأجواء شديدة الحرارة يكون ادائة ضعيف جدا

اما فى الأجواء متوسطة الحرارة يكون رائع ولا يقل كثيرا عن تكييف اللنسر والهيوندايات والدايو ولكنه اقل من التويوتا طبعا

متفق معاك

الصاج الخارجى للسيارة

من خلال تجربتى تلك الفترة وسفرى الكتير طبعا حدثت لى بعض الحوادث والحمد لله بسيطة بسبب السرعات العالية ولكن كان واضح جدا متانة الصاج فهو افضل بكثير من الدايو والشاهين والهيونايات واللنسر والتيوتا ايضا

ورديت الرفارف الأمامية على البارد اكثر من مره وفكيت الالرفارف الأمامية وفعلا مستوى الصاج رائع

متفق معاك

الشكل الخارجى

من الأمام جميل ولكن من الخلف اقل من المتوسط حسب زوقى كنت اتمنى ان يتم تعديل شكلها خصوصا من الخلف

متفق معاك

الثبات على الطريق

الثبات على الطريق ممتاز جدا حتى على السرعات العالية لما تكون السيارة اركبها وحدى امشى حتى 120 بسبات جميل جدا وعندما اكون راكب بها 5 ركاب والشنطة ممتلئة اصل الى سرعة 160 بثبات عالى جدا

متفق معاك

الفرامل

الفرامل تعد رائعة حتى سرعات 90 كيلو ومتوسطة حتى 120 كيلو وطبعا ضعيفة بعد ذلك والسبب راجع للسرعة العالية

وال abs جميل جدا وفعلا كان سبب فى تفادى كثير من الحوادث كنت قد اقع فيها لولا وجوده ولكن طبعا كلما ازاددت السرعة كلما ضعفت الفرامل مهما كان

فرامل ال ABS اللى موجوده فى العربية سيئة جدا لانى جربت نفس النظام فى عربيات تانية ملقتش ماساة زحف العربية لمسافة طويله لحد ام تقف زى ال 516

مكونات السيارة

المكونات من محرك وعفشة وصاج وكماليات وما الى ذلك لا تقل جوده عن التيوتا ولا اللنسر من ناحية الخامات بل ممكن تكون افضل فى بعض الأشياء مثل التابلوة مثلا من ناحية الخامة اما التصميم فغير منايب من رأى شخصيا

ده واسعة جدا جدا وارجوا من حضرتك تراجع نفسك تانى لان استحاله حتقارن جوده و خامات ال 516 ب اللنسر و التيوتا

ولكن هناك صعوبة بعض الشئ فى التعامل مع ازرار النور بسبب ثقلها فهى تحتاج لضغط قوى مقارنة بالتويوتا واللنسر فهى ناعمة جدا ولكنها جيدة ولم يتعضل بها مفتاح ابدا

طارة الدريكسيون

سيئة جدا وضغطة الكلكس بها سيئة جدا

وناوى عندما استلم 2011 هغير التارة فورا بأى تارة تانية

متفق معاك

اما الباور فهو رائع ومش ثقيل ولا خفيف اوى حتى يصل الى عمل مشكلات مع السرعات العالية مثل الشيفرولية

القيادة الشبابية

لا تصلح للقيادة الشبابية وشغل الحفلات وغيرة لأن تجميع السرعة فيها بطئ

ولكن للقيادة العائلية تحفة

اتمنى ان اكون نقلت لكم الصورة بوضوح

وارجوا ان من جربها يتحدث عنها اما من لم يجربها يجربها اولا ولا يتناقل الأخبار عنها لمجرد انها صينى

فالصين اثبتت لنا انها بها صناعات تجاوزت الأوربية والأمريكية فى الجودة بس المسألة مسألة مستورين

واظن ان حسام ابو الفتوح يحترم لأختيارة الأسبرانزا

غير متفق معاك تمام لان ابو الفتوح هو اللى بوظ العربية بخاماته السيئة اللى فى العربية

ارجوا ان اى حد يروح لجهاز حماية المستهلك فى شارع احمد عرابى يوم الخميس و الاتنين و يشوف ماساة الناس هناك مش واحد ولا اتنين دول بين كل ماركة والتانية 20 عربية اسبرانزا بمختلف الموديلات وكوكتيل عيوب قطع غيار

واتمنى ان يعالجو بعض العيوب والتى اراها بسيطة فى الأيام القادمة

اتمنى انه يحترم نفسه و يحترم الناس اللى وثقت فيه

واخيرا مشكور على نقلك الشيق للتجربة

موضوع هايل و انا بصراح من ملاكه و بصراحه عربيه محترمه جدا جدا جدا انا غيرت مساعدين و مقصات بس مش عشان بايظين عشان عايز اغيرهم ب لانسر هتكون افضل و ضبعا حسيت افرق و العربيه انا خالي جاب بيه 190 و مشي عليه يجي 8 دقايق و كانت وزنه لان كان راكب فيه وراء حمل تقيل جدا و قدام و الشنطه مليانه شنط كنت مسافر التجميع فعلا سيء و ده بسبب ان دواسه البنزين حساس و في النهايه انا بحترمه جدا و يوم ما اغير مش هجيب غير تيجو او 620

يا افرام باشا انت لسة مصر على انها ممتازة بالرغم من انك صرفت عليها اد تمنها ودة انا بقصد منة حاجة بس عاوزك تفكر تانى بتمعن ةولو انتى عجبالك اوى كدة اشترى عربيتى وارحمنى من الصينى ههههه

انا المفروض هنزل السوق يوم الجمعه اجيبها و متردد شويه حد ينصحني يا جماعه

واللة توكل على اللة هية معقولة واحسن من عربيات كتيرة فى السوق بنفس سعرها انا جبتها من سنتين بس انا عاوز اركب ال m11وعشان كدة هبيع ال a516

عربيه كويسه انا غيرت عشان مش الحاجه بايظه لا عشان ضعيفه مش اكتر

المشاركة الأصلية كتبت بواسطة lord_of_sound

انا المفروض هنزل السوق يوم الجمعه اجيبها و متردد شويه حد ينصحني يا جماعه

لو حتجبها مستعمله توكل على الله عشان حرام والف حرام تجبها زيرو وتقعد تفك فيها حجات و تصلح فى الزيرو

لانى اعتقد ان احسن حاجة بسعر ال 50000 الى 45000 اللنوس ثم ال 516 :b4_388: