الموضوع: عايزة اتجوز---------------------------------(2)

ليه بتعتبر انهم وافقوا يتفرج على بضاعة

امال من و جهة نظرك اى بنت متدينة ومحترمة هتتجوز ازاى ان مكنش زواج صالونات ؟

وهى كونها وافقت على واحد مسافر دى غلطة؟ واحد واتقدم بظروف معينة ما هى هتسافر وتكافح معاه مش معنى انه بره ان خلاص الفلوس مغرقة الدنيا
ومجرد انها تستحمل تبعد عن عيلتها واصحابها وكل معارفها وتتحبس بين 4 حيطان وهو بيخرج من الصبح ميرجعش غير 1 بعد نص الليل تعبان ده فى حد ذاته تضحية ما هى معاه لما يكون نفسه او يقدر يعيشهم عيشة كريمة

يعنى كام حد هنا والده ووالدته كانوا مسافرين ومرجعوش مصر الا عشان هو داخل ثانوية عامة

مقريتش الموضوع بتاع كل الناس اللى عايزة تتنازل كمان عن جنسيتها وتسيب مصر !!

المسلسل كمان عايز يقول:

(2) مش زى مالناس فاكرة اى بنت فى اواخر العشرينات او فى التلاتينات تبقى مسئوليتها انها متجوزتش لأنها اكيد كانت بتغالى فى الطلبات


او اكيييييد مش معقول متقدملهاش واحد كويس تبقى هى اللى بتتبطر

فالمسلسل مركز ان علا ملهاش طلبات و العرسان اللى بيجولها كاراكتر و مينفعش مهما ضغطت على نفسها تربط عمرها كله بواحد فيهم

هتقولوا ده مبيحصلش فى الحقيقة
لأ بيحصل بس 99% البنت مبتصرحش حتى لصاحباتها ان العرسان اللى بيجولها وحشين بل فى بنات ممكن تفتخر على بعض واللى تقول ده انا كل يوم عريس داخل وعريس خارج وحاجات زى كده فى امخاخ كتير كده بتعتبر كون اللى بيجولها وحشين دى اهانة

فممكن جدا تكون بنت مقابلتش ولا واحد مناسب فى اللى جم بعيدا عن الماديات

انا مبغلطش فى الشباب برضه فى بنات وحشين عشان متفهمونيش غلط

احكى لكو كام عريس:(الشخصيات مبالغ فيها طبعا)

1= تويتى :
__________


ده واحد مالوش ملامح داس عليه القطر مرتين وهى قالت مش مشكلة الشكل

طلع ايه بقى ؟

بخيل
زعق لهم ان النجفة فيها 10 لمبات وانهم مقدمين له قطعتين جاتوه وده اسراف
ولما لقى معاها موبايل قال انا مصرفش عليها وعلى شايلاه
فمامتها بتقوله هى هتصرف عليه من مرتبها
قال لها ومين قال لك انى مش عايز مرتبها!
=================================
2=الزبال:
_________

قال لها ايه يعنى انا مسئول النظافة وانتى بشهادتك دى بتقبضى 500 ج فى الشهر وانا بيدخلى 15 الف شهريا
هى رفضت بشدة اهلها غصبوا عليها حاولت ومقدرتش
الباشمهندسة اللى ساكنة فوق وافقت عليه

المهنة فى حد ذاتها مش عيب بس التكافؤ الأجتماعى والفكرى اساسى
============================================
3=الوسيم:
____________
طلع بيمثل انه دكتور وهو ساقط ودى عيادة والده وبيأجر اصحابه يساعدوه فى التمثيلية


فى الواقع بتحصل فى فنى معمل بيكذب ويقول انه دكتور وامثلة تانية كتير
================================================== ==
4=المغرور
-_____________

كفاية اسم عيلتى وان نسلكو هيتحسن لما تناسبونا
================================
5=المتزوج 2:
______________

انا مبناقشش التعدد بس هى رافضة وده حقها وهو مقالش وواخد مراتاته الأتنين وهو رايح يتقدم
================================================== =========
6=اللى طالب المقطوعة من شجرة:
_______________________________

مشترط مفيش اهل ولا اصحاب ولا شغل ولا خروج

واللى شاف الحلقة هيعرف السبب(اصله مبيغسلش اسنانه مقدرش اقول طبعا )
============================
7=عماد الحلو:
______________
مخبى انه متجوز فى كندا وناس كتييييير بتعمل كده عشان تاخد الجنسية وبعدين تقول انا مقلتش لأن دى جوازة متتحسبش ومش هتفرق
مع ان هى من حقها تعرف وهو عارف ان ممكن ترفض
===================================
8=ادوارد:
_____________

مثال على ان اللى بيجيب عريس وهو ميعرفش عنه حاجة او يعرف بس يفرش البحر طحينة ده طويل وهو قزم ده هادى وهو فى منتهى العصبية

مع ان ربنا هيحاسبه على كده
وفى ناس لو سألتهم عن بنت مثلا او شاب وعرفوا ان موضوع جواز ميقولوش قال ايه منقطعش النصيب!!!!!!!!!!!

اذا كان الغيبة حلال فى الحالة دى بالقدر المناسب ولا يبقى كويس لما تخبى حاجة وتبقى السبب فى طلاقهم وحرمان اطفال ملهمش ذنب من ابويهم بعد انكشاف المستور


العريس اللى جابته قالت لهم انه بيشتغل فى الرياض و مهندس

طبعا طلعت الرياض دى بلد فى دمياط وهو خريج معهد

وبرضه بخيل جايب حتتين هريسة وحتة مشبك وصباعين جلاش


فى ناس بتستخسر اول مرة تدخل البيت تجيب حاجة يوفر تمن علبة الشكولاتة احسن يمكن الموضوع ميمشيش ولا العروسة متعجبوش
مع ان دى حاجة ذوقية

=============================
9=العصبى:
_______________
احمد السقا الضابط اللى لما فكر يوديها مكان رومانسى خدها الكمين ومتنرفز علطول

ولما حب يسأل عليها بعت مخبر من الآداب وده سوأ سمعتها فى الشغل
ودى بقى مش اوفر فى ضباط بيبعتوا المخبرين يسألوا فعلا سواء عالعريس او العكس
================================================== ====
10=الزملكاوى المتعصب:
________________________
كان مستعجل جدا عشان يلحق الماتش بص عليها بسرعة وقال ماشى مامتها قالت له مش تتكلم معاها عشان تشوفوا مخ بعض

قال اه مخ وكبده وشغل المسامط ده
ساب العروسة اللى اول مرة يشوفها وفتح التلفزيون يتفرج عالماتش ولما علقت عالزمالك قال لها انتى تغلطى فى او فى امى لكن الزمالك لأ انا لا يمكن اتجوز من البيت ده
==============================
11=نضال الشافعى:
____________________
كان بيشتغل فى كباريه بالليل عشان يكون نفسه
انا مفهمتش هم قاصدين يعترضوا على كده ولا بيشيروا للعريس اللى بيمثل لأنه ظهر لها فى الأول على انه حسين صدقى المؤدب النبيل
وفى الآخر لقته بوحة وصبح صبح يا عم الحاج
==================================
و كفاية عليكو كده النهاردة

المشاركة الأصلية كتبت بواسطة shiko85

محضرين 15 عروسه مثلا زى ما قلتى, و هو نازل يشفهم صح
ده تسميه ايه بقى ؟؟ غير محضرين بضاعه و الزبون نازل يعاين واللى تعجبه يشيل
البنت المتدينه المحترمه مش معناها انها منعزله عن العالم و قاعده فالبيت صح ولا انا غلطان ؟؟
يعنى فيه بنات متدينه ومحترمه فالجامعه فالشغل وهكذا, ايه اللى يمنع ان الواحد يعجب بالبنت و بتربيتها و بتدينها و يصارحها بكده و يسألها اذا كانت توافق بيه ولا لأ و لو وافقت يتقدملها, لكن زواج الصالونات انا من زمان مش مقتنع به و رافض فكره انى ممكن اتقدم لواحده ولا شفتها ولا شافتنى و لا كان بينى و بينها اى تعامل خالص, بس بصراحه فالوقت اللى احنا فيه دلوقتى ممكن اغير رأى تماما

باشا ازيك يا أستاذ هههههه بص جواز الصالونات دة زى البطيخة و ممكن كويس و ممكن لآ الافضل انك لازم تشوف الانسانة الى حا ترتبط بيها جواز صالونات يعنى حا تشوف الوش الى هية عاوزة تورية لك فقط انما لو شوفتها على طبيعتها دة أفضل و فية ناس متخيلة ان الانعزال دة حل و كدة تمام لآ دة غلط محدش قال تنزل فى الشارع و تشوف عريس بس القعدة فى البيت بتجيب أكتئاب و بجد ممكن تعمل كل الى انت عاوزة من غير ما تغلط و لما تشوف عروسة يا باشا على طبيعتها احسن مليون مرة و الله على الاقل تفهم طبيعة الى امامك ممكن ما تعجبكش و لا انت تعجبها لو فتحت الكلام دة معاك مش حا نخلص منتظر ردك

المشاركة الأصلية كتبت بواسطة shiko85

محضرين 15 عروسه مثلا زى ما قلتى, و هو نازل يشفهم صح
ده تسميه ايه بقى ؟؟ غير محضرين بضاعه و الزبون نازل يعاين واللى تعجبه يشيل
البنت المتدينه المحترمه مش معناها انها منعزله عن العالم و قاعده فالبيت صح ولا انا غلطان ؟؟
يعنى فيه بنات متدينه ومحترمه فالجامعه فالشغل وهكذا, ايه اللى يمنع ان الواحد يعجب بالبنت و بتربيتها و بتدينها و يصارحها بكده و يسألها اذا كانت توافق بيه ولا لأ و لو وافقت يتقدملها, لكن زواج الصالونات انا من زمان مش مقتنع به و رافض فكره انى ممكن اتقدم لواحده ولا شفتها ولا شافتنى و لا كان بينى و بينها اى تعامل خالص, بس بصراحه فالوقت اللى احنا فيه دلوقتى ممكن اغير رأى تماما
انا مقلتش انها غلطانه علشان وافقت على واحد مسافر بس مين قالك انها هتسافر معاه ؟؟
اللى بيحصل انه بيسبها و يسافر هو و تفضل قاعده مستنياه لما ينزل اجازه يبقى ايه لزمت الجواز اصلا ؟

اسميه وجهة نظر ام شايفة ابنها نازل اجازة ومش لاحق بس انا معترضة ان لو عجبته بنت واقتنع بيها خلاص بيكمل اللفة ليه

لكن البنت نفسها مبتبقاش عارفة الوضع ده هى هتشم على ضهر ايدها


وحكاية انها بتقعد هنا وهو بيسافر دى بعض حالات واحدة اعرفها وافقت على كده بس ده كان شرطه هو لأن مرتبه هناك ميكفيش ياخد شقة مستقلة عن اصحابه وهى وافقت لأن لها بنت خالتها عدت التلاتين وهى خافت تبقى زيها وهو فعلا كان متدين وكويس
لكن الطبيعى انها تسافر معاه وفى الدين اصلا مش صح انهم يبعدوا عن بعض بالسنة والهبل ده ده جواز مع ايقاف التنفيذ

لكن اسمح لى حكاية البنت المتدينة اللى بتقول عليها دى لأنى اعرف ناس كتير جدا فبقولك ان احتمالات ان واحد يعجب بيها من الجامعة او الشغل دى كام فى المية لو الناس اعتمدت عليها المشكلة هتزيد اكتر من كده بمراحل

ثم مش عمالين تقولوا الشباب ومشاكله الأقتصادية ايه فايدة انه يعجب بيها فى الجامعة مش هيقدر يوفر ابسط عيشة بعد التخرج علطول الا لو عيلته اللى غنية وعملت له كل حاجة

و جواز الصالونات هو انك بتشوف واحدة ولك الحرية الكاملة تتكلم معاها زى مانت عايز لغاية متقتنعوا ببعض وممكن تقروا الفاتحة فى السر ومفيش اعلان ولا حاجة و صدقنى البنات دلوقتى هى اللى بتخاف تخش فى خطوبة فاشلة وتتحسب عليها عالفاضى خصوصا فى وسط بعض الأمخاخ اللى بتشك فى اللى كانت مخطوبة فى النور وبتعمل اللى الشرع قال عليه فى حين واحدة تانية ممكن تكون عملت اللى هى عايزاه فى الظلام

وبعدين مالخطوبة برضه اتعملت عشان نشوف الجواز هينفع ولا لأ
مش ده ديننا
افرض كنت ايام ما البنات مبتشتغلش ولا بنت كويسة جدا ومبتشتغلش ؟ لما تخرج فى الشارع واحد هيعجب بيها ويتقدم؟ طبعا فرصها محصورة فى اللى معارفها هيجيبوه

المشاركة الأصلية كتبت بواسطة shiko85

انا تمام الحمد لله, انت اخبارك ايه ؟؟
انا معال فكل اللى بتقوله, بس لو ده احد الطرق اللى ممكن تلاقى بيها حد كويس ايه المانع (فظل اللى احنا فيه) و تبقى عملت اللى عليك كله و التمست كل السبل الممكنه. و مش هقول الباقى على الله لان دى مقوله خاطئه كل شئ على الله
هى الميزه الوحيده فجواز الصالونات انك تاخد مستوى اجتماعى و مادى مقارب ليك

يا باشا و الله جواز الصالونات دة زى ما بقولك انا مش بقول انة لا يصلح تماما بس الافضل انك تشوف الى عقلك و قلبك يختارها يعنى حا اقولك التسلسل المنطقى لجواز الصالونات حا تشوفو بعض فى مكان محايد مش البيت عندهم لآ دة فى مكان اخرعلشان لو ما حصلش نصيب ما يحدش يعرف و لا ياخد بالة من العريس الى جاى و لا يعرف حاجة و لما تشوفو بعض لو فية وفاق حا تبتدو تتكلمو طب قولى انت حا تعرف اية ممكن تكون انسانة ممتازة اخلاقيا بس روحها مش خفيفة و مش حا تعرف عيوب الى ادامك الا بالمعاشرة طب المرحلة الثانية اوكية فية وفاق حا تعمل خطوبة و لا قراءة فاتحة و طبعا قراءة فاتحة مش حا تطلع و تدخل و تنزل مينفعش مش حا يوافقو ف تعمل خطوبة و الخطوبة ب دبلتين ما تنفعش لازم شبكة ههههههههههههههههههههه اية رايك اكمل و لا كفاية صدقنى الافضل تشوف عروستك المستقبلية و هى على طبيعتها مش ممكن تكون مش حا تتوافق مع طباعك و بعدين لما شاب زى الفل كدة و فاهم الدنيا اخلى حد يجيبلى عروسة لية اجيب انا لنفسى الى اتجوزها ههههههههههههههههههههههههه ههههههه و اختار فى صمت و اتوكل على الله و نكتب الكتاب و نعل الجواب و تعزمنى اوعى تكون نسيت هههههههههههههههه