عايزة اتجوز---------------------------------(2)

**azmeralda** · 20-09-2010 12:41 AM

وصلنا فى الخناقة اللى فاتت احم قصدى فى الحلقة اللى فاتت ان اللى هيستخدم لقب يجرح انسان ربنا هيعاقبه وان الرجل ايضا يعنس

طب امال نسميهم ايه؟

فى كلمة تانية فى اللغة العربية لطيفة جدا ومش هتضايق حد وهتشمل العزباء والمطلقة والأرملة وتشمل الرجال

الأيم من النساء التى لا زوج لها بكرا كانت او ثيبا و من الرجال الذى لا امرأة له

والجمع الأيامى

متحسبوش يا بنات ان الجواز راحة ومتزعلوش يا بنات ا ن قلنا بصراحة ان الجواز عمره عمره ما كان راحة
قولو لنا يا نصاح مين فى الحياة مرتاح حتى الحمام اللى طاير عنده تعب فى الجناح

حلم السعادة الجميل من منبعه السلسبيل ميهمهوش لو يسيل على صخر او تفاح ومهما نتعب نقول تعب الحبيب راحة
مهما تقولوا لنا عليه رجلينا رايحة اليه واللى يحب الحلاوة لابد يرجع اليه
لابد من بعض نار ونص درهم مرار ولما يجو الصغار القلب ترقص عينيه
ومهما نتعب نقول تعب الحبيب راحة

متحسبوش يا بنات ان الجواز راحة وما تزعلوش يا بنات ان قلنا بصراحة ان الجواز عمره عمره ما كان راحة
عارفين

اغنية مشهورة بتحذر البنات

من اللى هيجرى لهم زى مانتو بتحذروا الشباب هنا كده بس الزواج يا جماعة من سنن المرسلين

والله امر الأولياء وهو امر للمجتمع بتزويج الأيامى وهم من لا ازواج لهم من الرجال والنساء

بالنسبة للمسلسل هو عامل زى كتاب خارجى 220 صفحة ركزت فيه مستفدتش غير ب 10 صفح

يعنى اللى قدرت اوصل انه عايز يقول(1) هو الكلمتين اللى قالتهم بعد الأنهيار العصبى

وانها بتوصلنا ان كل اللى عملته ده كان بسبب الضغط من الناس ومن مامتها بالذات

يعنى لو اقرب الناس للبنت ميحسش بيها ويفضل يعذبها نطلب من الآخرين يحافظوا على شعورها ازاى

الأم هنا دى مصطلحاتها:
يا صدمتى العصبية
يا همى التقيل
هتفضلى زى الحيل فى قفايا
يا آخرة صبرى
يا كسرة عينى
خلاص مش طايقاكى فى البيت ده

يا ربنا يقصر ايامك هنا يا يقصر ايامى فى الدنيا

البنت احيانا بتصحى مشرقة ومقبلة على الحياة وفعلا بتنسى الموضوع خالص مفيش حد فى الدنيا عنده مشكلة بيفضل ينكد على نفسه بيها ليل ونهار اما هيتجنن او يموت

محدش بقى سامح لها تنسى او تتناسى

والخوف ان البنت تدور على الحنان فى علاقة غير شرعية ولا تنهار زى علا
مع ان علا هنا بتبذل كل الوسائل ومش ساكتة ومعندهاش ذرة كرامة وبتجرى جرى الوحوش مع ان غير رزقها لن تحوش

**A7MED_PHARMA** · 20-09-2010 12:47 AM

إيه حكايتكم مع الجواز بقا

على فكرة ..أنا دخلت على مركز الإحصاء المصري
لقيت فعلا عدد الذكور مقارب جدا لعدد الإناث
لدرجة إني بجد مش عارف إيه سبب المشكلة..بخلاف تعنت الأهل طبعا

**A7MED_PHARMA** · 20-09-2010 12:56 AM

المشاركة الأصلية كتبت بواسطة momo_sunny

يادكتور للاسف
الناس بقت مستسهلة الحرام
ومستصعبة الحلال

ودي نقظة مهمة

من كام سنة ..لو واحدة ساكنة في المنطقة بتاعتك سمعتها مش كويسة
كانت بتبقا بنت واحدة ..او بنتين بالكتير أوي في المنطقة كلها

إنما دلوقتي
أقول إيه بس؟؟؟

أنا بيدخل عليا الصيدلية يوميا مالايقل عن 10 بنات غير محترمات
بيكونوا ظاهرين جدا من شكلهم ..وطريقة كلامهم..وطريقة لبسهم..ومياعتهم في الكلام
ده طبعا غير قصص الخيانة ..إلي بقينا بنشوفها يوميا حوالينا
مرات فلان ..ماشية مع علان
علان ..ماشي مع بنت عم علان

وسمعنا عن بنات متجوزة عرفي كتيرررررررر
وسمعنا عن المنتجات الصيني إلي ماخلتش البنت تخاف(......)

وسمعنا عن قلة الوعي الديني
وسمعنا عن مليون حاجة..ده طبعا
طبعا
بخلاف أهم أسباب العنوسة في مصر.......سوء الحالة الإقتصادية للناس والشباب..وإنعدام فرص العمل
والغلاء الفاحش

وحسبي الله ونعم الوكيل فيه.....إلي كان السبب في إلي إحنا فيه

**shiko85** · 20-09-2010 05:48 AM

المشاركة الأصلية كتبت بواسطة momo_sunny

يادكتور للاسف
الناس بقت مستسهلة الحرام
ومستصعبة الحلال

على طول الحرام سهل و الحلال صعب
الفرق ان دلوقتى الحرام سهل قوى قوى قوى و الحلال صعب جدا جدا جدا جدا

**shiko85** · 20-09-2010 06:17 AM

المشاركة الأصلية كتبت بواسطة azmeralda

متحسبوش يا بنات ان الجواز راحة ومتزعلوش يا بنات ا ن قلنا بصراحة ان الجواز عمره عمره ما كان راحة
اغنية مشهورة بتحذر البنات من اللى هيجرى لهم زى مانتو بتحذروا الشباب هنا كده بس الزواج يا جماعة من سنن المرسلين, والله امر الأولياء وهو امر للمجتمع بتزويج الأيامى وهم من لا ازواج لهم من الرجال والنساء

هو ايه اللى هيحصل لهم يعنى ؟؟
على العموم خلاص مبقاش فيه جواز يعنى خلاص مفيش خوف من اى حاجه هتحصلهم

ازاى حد يحذر حد من حاجه حلال ؟؟
كل واحد يقول اللى هو عايزه و العاقل هو اللى يستفاد بالمفيد فقط
بس يا ريت نفتكر ان المشكله فالمجتمع دلوقتى هى النهى عن المعروف و المفروض يكون النهى عن المنكر

المشاركة الأصلية كتبت بواسطة azmeralda

الأم هنا دى مصطلحاتها:
يا صدمتى العصبية
يا همى التقيل
هتفضلى زى الحيل فى قفايا
يا آخرة صبرى
يا كسرة عينى
خلاص مش طايقاكى فى البيت ده
يا ربنا يقصر ايامك هنا يا يقصر ايامى فى الدنيا
البنت احيانا بتصحى مشرقة ومقبلة على الحياة وفعلا بتنسى الموضوع خالص مفيش حد فى الدنيا عنده مشكلة بيفضل ينكد على نفسه بيها ليل ونهار اما هيتجنن او يموت
محدش بقى سامح لها تنسى او تتناسى

ده كلام محبط جدا جدا جدا
بس هو ده التسلسل الطبيعى لسلسله التدخلات فحياه الأبناء
سيبك من اللعب و قوم ذاكر
قوم امسك كتاب ينفعك
دورلك على شغل بدل ما انت قاعد على القهوه
و علشان المساوه و العدل,
مش معقول البنت ماتسمعش كلمتين لا ازاى فاتسمع كلام زى اللى انت قلتى عليه

المشاركة الأصلية كتبت بواسطة azmeralda

والخوف ان البنت تدور على الحنان فى علاقة غير شرعية ولا تنهار زى علا
مع ان علا هنا بتبذل كل الوسائل ومش ساكتة ومعندهاش ذرة كرامة وبتجرى جرى الوحوش مع ان غير رزقها لن تحوش

للأسف ده بيحصل كتير قوى, بس البنت مش بتسيب نفسها توصل لمرحله الأنهيار و تلجأ للأى نوع علاقه و خلاص و ممكن تقنع نفسها ان الجواز العرفى حلال (مش فيها كلمه جواز يبقى حلال) او اى حاجه تانيه
اللى ممكن تنهار فعلا هى البنت اللى متقدرش تعمل حاجه غلط

**shiko85** · 20-09-2010 06:27 AM

المشاركة الأصلية كتبت بواسطة azmeralda

الصوره دى بتعلمنا ايه ؟؟
لو واحد رجع بيته ولاقى المنظر ده المفروض يعمل ايه ؟؟
بتأكل الولد و تعمل التراب عليه ؟؟
و تنضف الصوره على الولد و الغسيل ؟؟
و الغسيل منشور فوق الأكل؟؟ طيب كده الغسيل بقى ريحته اكل.
و بتكوى الـ T-shirt على الأرض ؟؟
ايه الأستهتار ده ؟؟؟؟

**Abdo_Eldesokey** · 20-09-2010 06:34 AM

أنا شايف إن سبب المشكلة من عند البنت وأهل البنت

لأن 90 % من الشباب هيموتوا ويتجوزوا ومش عارفين وده لسببين :

1- عدم قدرة الشاب على تجهيز شقة ، وطبعاً تعنت بعض الأهالي والمغالاة في المهور والعفش

2- مفيش بنت مناسبة للشاب ، وأنا واحد من الناس لغاية دلوقتي مقابلتش واحدة شايف إنها تصلح تكون زوجة ، معظم البنات دلوقتي تفكيرهم سطحي وتافه - إلا من رحم ربي - وبالتالي الواحد صعب إنه يعتمد عليها

فيه جزئية تانية إن معظم الشباب عايز البنت تكون متدينة ومحترمة ، وللأسف الشديد معظم البنات دلوقتي بقى لبسهم لا يسر عدو ولا حبيب ، وللأسف هما فاهمين إنهم كده بيلفتوا النظر ، لكن ميعرفوش إنهم كده بيضروا نفسهم ، لأن الشاب الصالح لما هيجي يتجوز هيدور على البنت المحتشمة الملتزمة

والي ربنا بيكرمها من البنات الي لبسها مش تمام وتتجوز ، بتكون جوزاة أي كلام وبتظهر مشاكل بعد كده ، لأن الشاب الي اختارها ، اختارها عشان خصائص مادية من جمال أو جسد ، وكلها شوية ويزهق منها وتبتدي المشاكل

أنا كل الي بطلبه إن البنات يرأفوا بينا شوية ، لبس البنات بقى صعب جداً اليومين دول ، والشباب تعبان

أنا بقيت أكره الجامعة بسبب المناظر الي فيها دي

يعني الواحد عشان ينزل ياخد محاضرتين .. يرجع شايل جبل سيئات

والجواز في الأول والآخر بإيد المولى -عز وجل- وكل شيء مكتوب

**aly_hosny** · 20-09-2010 06:51 AM

المشاركة الأصلية كتبت بواسطة Abdo_Eldesokey

أنا شايف إن سبب المشكلة من عند البنت وأهل البنت

لأن 90 % من الشباب هيموتوا ويتجوزوا ومش عارفين وده لسببين :

1- عدم قدرة الشاب على تجهيز شقة ، وطبعاً تعنت بعض الأهالي والمغالاة في المهور والعفش

2- مفيش بنت مناسبة للشاب ، وأنا واحد من الناس لغاية دلوقتي مقابلتش واحدة شايف إنها تصلح تكون زوجة ، معظم البنات دلوقتي تفكيرهم سطحي وتافه - إلا من رحم ربي - وبالتالي الواحد صعب إنه يعتمد عليها

فيه جزئية تانية إن معظم الشباب عايز البنت تكون متدينة ومحترمة ، وللأسف الشديد معظم البنات دلوقتي بقى لبسهم لا يسر عدو ولا حبيب ، وللأسف هما فاهمين إنهم كده بيلفتوا النظر ، لكن ميعرفوش إنهم كده بيضروا نفسهم ، لأن الشاب الصالح لما هيجي يتجوز هيدور على البنت المحتشمة الملتزمة

والي ربنا بيكرمها من البنات الي لبسها مش تمام وتتجوز ، بتكون جوزاة أي كلام وبتظهر مشاكل بعد كده ، لأن الشاب الي اختارها ، اختارها عشان خصائص مادية من جمال أو جسد ، وكلها شوية ويزهق منها وتبتدي المشاكل

أنا كل الي بطلبه إن البنات يرأفوا بينا شوية ، لبس البنات بقى صعب جداً اليومين دول ، والشباب تعبان

أنا بقيت أكره الجامعة بسبب المناظر الي فيها دي

يعني الواحد عشان ينزل ياخد محاضرتين .. يرجع شايل جبل سيئات

والجواز في الأول والآخر بإيد المولى -عز وجل- وكل شيء مكتوب

انا بايدك في موضوع البنت دا
بس المشكلة من الناحيتين
يعني برضو مينفعش اهل البنت يقبلو يجوزوها لوحد مش هيقدر يصرف عليها
وطبعا مش هيقدر يصرف عشان مفيش شغل عدل الا نادرا
هنلف وندور ويبقى السبب في الاخر التوقيع بتاعك

-

-

الموضوع: عايزة اتجوز---------------------------------(2)

LinkBack

أدوات الموضوع

عرض

-

-

-

-

-

-

المواضيع المتشابهه

انا ايه خلانى اتجوز ..... !!!؟؟؟

عايزة اتجوز---------------------(3)--------النقد

عايزة اتجوز-------------------------(1)

انا عايزة اتجوز واجيب بيبى واطلق!!!!!!!!!!!!!

عاوز اتجوز.............. اة عاوز اتجوز فيها حاجة ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة