الموضوع: فرش الساجا

المشاركة الأصلية كتبت بواسطة spiderloking

تسلم ربنا يخليك
بص يا سيدي المالتي فانكشن ده بيجي مع الام بي 3 اللش اشتريتوا هوه نوعوا انفينيتي ده لما تكون موصل فلاش ميموري او ميموري كارد في الام بي 3 تقدر تتحكم منوا علي طول تنقل الاغاني او تعلي و توطي الصوت يعني تحكم كامل في الاغاني تجري و ترجع توطي و تعلي تغير الاغنيه من غير الريموت بتاع الام بي 3 و كمان مش هيشغلك و انت سايق لأن ايدك هتبقي جمبوا علي طول و انت سايق العربيه و علي العموم انا ضفتك عندي علي الميل

جاراك هيبدأ يقرفك جبتو بكام و منين ال FM Transmitter ؟ شغال حلو ولا تعبان؟ عيوبه ايه؟
انا عايز افرش الأرضية و الشنطة, عملت الشنطة بكام؟ لو شايفها حلوة نروح سوا انت تكمل الأرضية و انا اعمل كلو.
عايز اعمل الدركسيون و الفتيس جلد زي بتاع جينز كار بس يبقى ارخص, تعرف فين؟!

المشاركة الأصلية كتبت بواسطة dr.islam

جاراك هيبدأ يقرفك :c_laugh[1]: جبتو بكام و منين ال fm transmitter ؟ شغال حلو ولا تعبان؟ عيوبه ايه؟
انا عايز افرش الأرضية و الشنطة, عملت الشنطة بكام؟ لو شايفها حلوة نروح سوا انت تكمل الأرضية و انا اعمل كلو.
عايز اعمل الدركسيون و الفتيس جلد زي بتاع جينز كار بس يبقى ارخص, تعرف فين؟!

الام بي 3 ده جبتوا من واحد هنا في المنتدي اسموا امير كان عرضوا للبيع و اخدتوا منه الام بي 3 شغال تمام و زي الفل و تقريبا ملوش عيوب غير انوا المدي بتاع المالتي صغير شويه بس

المشاركة الأصلية كتبت بواسطة mahmoud18

سبيدر باشا

انا بردو جارك فى الهرم بس فى الاخر عند ابوالهول
انا بردو معايا ساجا اوتو بس فضى و نفسى افرشها علشان خايف على الفرش اوى
و عايز اظبتها كده دواسه و غطاء علشان التراب و الطينه
ممكن تقولى فرشت فين؟

انا عملت الكسوه ديه في التوفيقيه عند واحد جوه كان وداني ليه ابن عمتي و هوه يعرفوا و كدا عندوا صنايعي شغلوا زي الفل بصراحه ايدو تتلف في حرير و سريع كمان العربيه كلها اخدت حوالي نص ساعه يدوبك شربت الشاي لقيت العربيه خلصت و بالنسبه للدواسات احسن حاجه دواسات الحوض ديه كويسه جدا و بتحميك من التراب و الطين و الغطاء بتاع العربيه هتجيب غطاء بردوا من هناك في انواع كتيره اوي بتدأ معاك من 40 جنيه مثلا لحد 150 حسب الخامه و النوع و لو احتاجت اي حاجه انا في الخدمه و يا رب تكون معرفه خير و نستفيد من بعض كلنا يا رب

المشاركة الأصلية كتبت بواسطة dr.islam

جاراك هيبدأ يقرفك :c_laugh[1]: جبتو بكام و منين ال fm transmitter ؟ شغال حلو ولا تعبان؟ عيوبه ايه؟
انا عايز افرش الأرضية و الشنطة, عملت الشنطة بكام؟ لو شايفها حلوة نروح سوا انت تكمل الأرضية و انا اعمل كلو.
عايز اعمل الدركسيون و الفتيس جلد زي بتاع جينز كار بس يبقى ارخص, تعرف فين؟!

بص يا سيدي الام بي 3 ده انا اشتريتوا من هنا من المنتدي هوه مستعمل بس نضيف جدا و تقريبا شبه جديد كنت واخده من عضو هنا اسموا امير هوه حلو جدا جبتوا منوا ب 50 جنيه و شغال معايا زي الفل ملوش عيوب تقريبا غير انو المدي بتاع المالتي صغير شويه و خاماته يعني تقدر تقول متوسطه بس كدا
اما بالنسبه للشنطه كنت جايب المتر تقريبا عامل 25 جنيه الشنطه اخدت متر تقريبا و فاض منوا كمان زيادات
هوه بصراحه الجلد خامتوا حلوه جدا و كمان بيحمي الشنطه اوي لو انت حاطت اي حاجه سوائل في الشنطه تحميلك الشنطه لو وقع السائل عليها و كمان تقدر تطلعها و انت في البنزينه الراجل ينضفهالك بالميه عادي جدا و تركبها تاني اما بالنسبه للأرضيه قول هتاخد حوالي مترين و نص او 3 متر بالكتير اوي و هيبقي كويس جدا و ممكن يتنضف بردوا سهل اوي و يحمي الفرش الصوف اللي في الارضيه من التراب و الميه لو وقعت عليها
و بالنسبه للدركسيون و الفتيس ممكن اي واحد سروجي كويس يعملهولك جلد انت تجبلو الجلد من بره و هوه يشتغلهولك و اكيد هيكون ارخص بكتير .
ان شاء الله انا علي اول الشهر كدا ممكن انزل اعمل الارضيه جلد و اشتري شوية حاجات كدا من التوفيقه لو عاوز تشرفني و تنزل معايا مفيش اي مانع

ربنا يباركلكو فى عربياتكو كلكو يااااارب