ايه الحيرة ديه.......ادينا عقلك

يا جماعة انا بقيت فى حيرة كبيرة اوى وخصوصا مع اختلاف الاراء ما بين مؤيد ومعارض لكل عربية
وكل ما استقر على عريبة اقرأ شوية من اراء الناس فى المنتدى فاصرف نظر عنها
والان حان وقت الحسم

فى الموضوع ده سوف نعمل مقارنات بين مجموعة موديلات ويا ريت اللى يرد ويقول رايه فى عريبة ويكون من ماليكها مش سمع من وعن او ركب مع واحد او جاره قاله
يكون من ماليكيها او على الاقل ساقها اكتر من مرة
ومش هطول عليكم
1-هيونداى اكسنت (مانوال/اوتوماتيك)
2-نيسان صنى (مانوال /اوتوماتيك)
3-هيوانداى ماتريكس(مانوال/اوتوماتيك)
4-هيونداى النترا (مانوال)
5- هيونداى i30 (مانوال)
6-شيفوليه اوبترا (مانوال /اوتوماتيك)
7-كيا سيراتو (مانوال)
8- شيفوليه افيو (مانوال /اوتوماتيك)

ملحوظة : ما لم يتم وضع منه غير مانوال لان تمنه اوتوماتيك يرتفع عن التمن المحدد ولكن يمكن لاصحابه اوتوماتيك ابداء رايهم فيه عااااادى
انا عارف ان العربيات ديه فئات مختلفة ولكن هى فى النهاية عربيات بتمشى فى الشارع وبيدفع فيها فلوس زى بعض وهتستعمل فى نفس الحاجات هتروح بيها الشغل وتسافر مرتين تلاتة فى السنة وهيتباعوا بعد كده عند نفس السمسار فانا عايز العربية الخلاصة اللى امكانياتها حلوة وصيانتها كويسة وتمن بيعها مستعمله معقول وصاجها يستحمل
شكرا مقدما وفى انتظار الاراء المسئوله

وليا طلب حد يعرف يجيبلى صورة نيسان صنى 2011 هتبقى شكلها ايه وهل نزلت ولا لسة لان الدول العربية عندهم شكل 2010 غير اللى عندنا فانا عايز اعرف 2011 ايه نظامه تطوير ال2010 ولا الشكل الجديد
:ma(36)::ma(36)::ma(36):

ممنوع استخدام اللون الاحمر في المداخلات او التوقيع حيث إنه مخصص فقط للمداخلات الادارية من قبل الاشراف والإدارة
تم تغيير اللون ويرجى مراجعة قوانين المنتدى
مشرف 12 ب

نيسان صني نفس الشكل وفي اعضاء هنا معاهم العربية
الشكل الجديد موجود هنا في مصر خليجي وموجود تبع رينو اسمه رينو سكالا
والاختيارات ال انت عاملها مش فئة واحدة وفي حاجات متناقضة
يعني طالما في اوبترا يبقى الاكسنت والافيو برة المقارنة لان الاوبترا اعلى من الاتنين
انت حاطت عربيات هاتش باك وسيدانا
شوف انت احتياجاتك ايه وعايز العربية عاملة ازاي
بس من وجهة نظري الافضل في المقارنة الالنترا والسيراتو ويعبهم قلة الكماليات والاوبترا تتميز عنهم في الموضوع دا

شكرا aly_hosny على ردك ما انا كاتب انهم من فئات مختلفة وبررت الموضوع بان كلهم عربيات فمثلا فى بعض الاقاويل بتقول ان االاكسنت موتورها احسن من الاوبترا وان الاوبترا صاجها ضعيف وحاجات كده
وشكرا على ردك فى انتظار بقية الاراء

نصيحة شوف الاول انت امكانياتك ايه ومحتاج ايه من العربية وبعدين شوف اراء الناس وخليها استرشادية لان لو تساوت الاذواق لبارت السلع ومش هتلاقى حاجة فى الدنيا الناس كلها تجتمع عليها ولا تنسى الاستخارة وربنا يوفقك لما فيه الخير

ايه فرق الاسعار المهول ده... وبعدين في حاجات تلغي حاجات.. يعني ال i30 تلغي الإلانترا والماتريكس - والاوبترا تلغي الافيو

انت معاك كام... وعايز ايه من العربية اللي تشتريها؟ لأن انا ف رأيي الاوتو يلغي المانوال

انا معايا افيو 2008 مانيوال
ما انصحش حد انه يشتريها
لكثرة عيوبها و لسوء توكيلها
و دول لينكين لأستطلاعين راي كنت عاملهم و بيأدوا كلامي
http://www.nilemotors.net/Nile/176139-a.html
http://www.nilemotors.net/Nile/154755-a.html

اقتباس:

---

المشاركة الأصلية كتبت بواسطة kamalsalem

ايه فرق الاسعار المهول ده... وبعدين في حاجات تلغي حاجات.. يعني ال i30 تلغي الإلانترا والماتريكس - والاوبترا تلغي الافيو

انت معاك كام... وعايز ايه من العربية اللي تشتريها؟ لأن انا ف رأيي الاوتو يلغي المانوال

---

بص حضرتك الميزانية تحت ال100 علشان كده فى عربيات مش هينفع اجيب منها الاوتو انا الحمد لله بسوق مانوال واوتو ماتيك
انا عايز العربية اللى اشتريها تكون مش محتاجة صيانة كتير ويكون صاجها محترم كده مش كل ما حد يسند عليها الاقى الصاج اطبق
ويكون الموتور كويس ومشاكلها قليلة علشان تعمر معايا انا عايز عربية تعيش

ما تحيرش نفسك
معاك فلوس هات سيراتو
معاك قليل هات اوبترا
معاك اقل هات افيو

اقتباس:

---

المشاركة الأصلية كتبت بواسطة maxpayne2010

بص حضرتك الميزانية تحت ال100 علشان كده فى عربيات مش هينفع اجيب منها الاوتو انا الحمد لله بسوق مانوال واوتو ماتيك
انا عايز العربية اللى اشتريها تكون مش محتاجة صيانة كتير ويكون صاجها محترم كده مش كل ما حد يسند عليها الاقى الصاج اطبق
ويكون الموتور كويس ومشاكلها قليلة علشان تعمر معايا انا عايز عربية تعيش

---

بصراحة اللي انت بتقوله ده يخليني ارشحلك عربيتين عشان يعيشوا معاك عمر من غير ما تفكر تغيرهم... ماتريكس - اكسنت - صني... بنفس الترتيب

شكرا على الترشيحات
كده سيراتو وماتريكس كل واحدة منهم ليها صوت
فى انتظار باقى الاراء ويا ريت ما ليكى السيارات يقولوا رايهم وتجربتهم للسيارات
اهتم بالعيوب اكتر من المميزات

ماتريكس بس فى ماتريكس جديدة لسه هاتنزل

اقتباس:

---

المشاركة الأصلية كتبت بواسطة engaass

ماتريكس بس فى ماتريكس جديدة لسه هاتنزل

---

هتبقى موديل 2011 شكل جديد ولا حضرتك بتتكلم عن 2012

اقتباس:

---

المشاركة الأصلية كتبت بواسطة maxpayne2010

امكانياتها حلوة وصيانتها كويسة وتمن بيعها مستعمله معقول وصاجها يستحمل

---

نيسان صني

اقتباس:

---

المشاركة الأصلية كتبت بواسطة maxpayne2010

هتبقى موديل 2011 شكل جديد ولا حضرتك بتتكلم عن 2012

---

الحقيقة مش عارف بس انا سمعت ان فى ماتريكس جديدة نازلة عشان تنافس الكارينز وملاحظ ان مفيش ماتريكس الشكل الجديد فى المعارض

اقتباس:

---

المشاركة الأصلية كتبت بواسطة engaass

الحقيقة مش عارف بس انا سمعت ان فى ماتريكس جديدة نازلة عشان تنافس الكارينز وملاحظ ان مفيش ماتريكس الشكل الجديد فى المعارض

---

شكرا على ردك وعلى موقع هيونداى العالمى مفيش شكل جديد ولا للماتريكس ولا لالنترا

يا جماعة ايه رايكم انهى افضل ماتريكس ولا النترا

الالنترا افضل السيارات التي ذكرتها في اختياراتك بس ممكن تفكر كمان في اللينيا

اقتباس:

---

المشاركة الأصلية كتبت بواسطة maxpayne2010

يا جماعة ايه رايكم انهى افضل ماتريكس ولا النترا

---

الانترا

بص ياعم انا هقولك من الاخر
انا معايا اوبترا 2007 والعربيه ممتازه والحمد لله وهى اوسع عربيه فى اللى انت كاتبهم (i30 مركبتهاش عشان اعرف واسعه ولا لا) ومحركها كويس جدا الحمد لله هى مانويل وبتشد وبتسحب حلو الحمد لله وثابته على الطريق وانا جبت 160 بيها والحمد لله كانت ثابته مع العلم ان العربيه كانت محمله دى مميزاتها......
عيوبها بقا عشان اكون صريح معاك...
استهلاك البنزين عالى جدا و ده طبعا عيب فى العربيه
الصاج نوعا ما غير صلب ولا يتمتع بالقوه الكافيه
العربيه ناشفه على المطبات وبتحس بهبده لما تاخد مطب جامد
غير كده العربيه الحمد لله كويسه..
وعلى فكره انا بفكر ابيعها وعايز اجيب كيا كارينز جديده والسبب الرئيسى اللى هيخلينى ابعها استهلاك البنزين العالى والتوكيل السئ جدا لشفورليه مع انى مبرحش التوكيل اصلا ومرحتش الا مره واحده بس فى صيانه ال1000 وكانت المعامله زى الزفت وقلت مش رايح التوكيل تانى....
شوف بقا انتا ايه كلامك فى العربيه ورايك ايه....
وفى عربيه رائعه انتا مقولتهاش مع انها عربيه محترمه واثبتت كفائتها وهى...

بروتون بيرسونا..... فكر فيها بعنايه

اقتباس:

---

المشاركة الأصلية كتبت بواسطة aly_hosny

بس من وجهة نظري الافضل في المقارنة الالنترا والسيراتو ويعبهم قلة الكماليات والاوبترا تتميز عنهم في الموضوع دا

---

ممكن تفهمنى أزاى الأوبترا كمالياتها أحسن من السيراتو و الأانترا ؟

عاسز عربية محترمة

خليك فرقم 2 او 6

اولا يا ريت تخليك فى الاتوماتيك خصوصا لو انت من سكان القاهرة او الاسكندرية عشان هتندم بعدين انك جبت مانيوال

كل العربيات اللى انت ذكرتها عربيات محترمة باستثناء الافيو و عشان تختار صح حط فى كفة مميزات و عيوب كل عربية و فى الكفة التانية متطلباتك و احتياجاتك من العربية و هى على الترتيب اللى حضرتك قلتة كالاتى :

اولا : الاكسنت :

اعتمادية : 9 / 10
ثبات : 7.5 / 10
استهلاك بنزين : 9 /10
كماليات : 8 /10
تسارع : 9 / 10
توافر قطع الغيار و مراكز الصيانة : 8 / 10
التوكيل :7 / 10
جودة تقفيل : 9.5 / 10
الفرامل و نظام التعليق (العفشة) : 8.5 / 10
الاتساع الداخلى : 7.5 / 10

ثانيا: الالنترا:

اعتمادية : 9 / 10
ثبات : 8.5/ 10
استهلاك بنزين : 8.5 /10
كماليات : 8.5 /10
تسارع : 9 / 10
توافر قطع الغيار و مراكز الصيانة : 8 / 10
التوكيل :7 / 10
جودة تقفيل : 9.5 / 10
الفرامل و نظام التعليق (العفشة) : 9 / 10
الاتساع الداخلى : 9 / 10
ثالثا: الاوبترا :

اعتمادية : 8 / 10
ثبات : 8 / 10
استهلاك بنزين : 7 /10
كماليات : 7.5 /10
تسارع : 8 / 10
توافر قطع الغيار و مراكز الصيانة : 8.5 / 10
التوكيل : 6.5 / 10
جودة تقفيل : 9 / 10
الفرامل و نظام التعليق (العفشة) : 7.5 / 10
الاتساع الداخلى : 9 / 10

رابعا: الصنى :


اعتمادية : 9 / 10
ثبات : 8.5 / 10
استهلاك بنزين : 7 /10
كماليات : 8 /10
تسارع : 8 / 10
توافر قطع الغيار و مراكز الصيانة : 8 / 10
التوكيل :7.5 / 10
جودة تقفيل : 7.5 / 10
الفرامل و نظام التعليق (العفشة) : 8 / 10
الاتساع الداخلى : 8.5 / 10


رابعا: الافيو :

اعتمادية : 6 / 10
ثبات : 6.5 / 10
استهلاك بنزين : 7 /10
كماليات : 8 /10
تسارع : 6.5 / 10
توافر قطع الغيار و مراكز الصيانة : 8 / 10
التوكيل : 6.5 / 10
جودة تقفيل : 7.5 / 10
الفرامل و نظام التعليق (العفشة) : 6.5 / 10
الاتساع الداخلى : 7.5 / 10

و كل العربيات دى سعر اعادة البيع فيها جيد جدا بس الافيو تقل عنهم شوية ، و ربنا يوفقك للاختيار الصح انشاء الله

اقتباس:

---

هيونداى اكسنت (مانوال/اوتوماتيك)

---

عفشتها ناعمه من ورا و توكيلها سيئ

اقتباس:

---

-نيسان صنى (مانوال /اوتوماتيك)

---

تقفيلها مش قد كده

اقتباس:

---

-هيوانداى ماتريكس(مانوال/اوتوماتيك)

---

توكيلها سيئ و قيادتها ممتعه

اقتباس:

---

-هيونداى النترا (مانوال)

---

نفس الكلام علي الاكسنت

اقتباس:

---

- هيونداى i30 (مانوال)

---

مستقهاش قبل كده فمعرفش عن ادائها حاجه بس هي الهاتش باك بتاعت الالنترا

اقتباس:

---

-شيفوليه اوبترا (مانوال /اوتوماتيك)

---

توكيل سيئ للغايه

اقتباس:

---

-كيا سيراتو (مانوال)

---

عفشه ناشفه و انتشار مبالغ فيه و التوكيل ممتاز

اقتباس:

---

- شيفوليه افيو (مانوال /اوتوماتيك)

---

عيوبها كتير و توكيلها سيئ جدا

كلامي مبني علي تجارب شخصيه لقياده السيارات السابقه و ايضا تجارب شخصيه مع التوكيلات

اقتباس:

---

هيونداى اكسنت (مانوال/اوتوماتيك)




عفشتها ناعمه من ورا و توكيلها سيئ اقتباس




-نيسان صنى (مانوال /اوتوماتيك)




تقفيلها مش قد كده اقتباس




-هيوانداى ماتريكس(مانوال/اوتوماتيك)




توكيلها سيئ و قيادتها ممتعه اقتباس




-هيونداى النترا (مانوال)




نفس الكلام علي الاكسنت اقتباس




- هيونداى i30 (مانوال)




مستقهاش قبل كده فمعرفش عن ادائها حاجه بس هي الهاتش باك بتاعت الالنترا اقتباس




-شيفوليه اوبترا (مانوال /اوتوماتيك)




توكيل سيئ للغايه اقتباس




-كيا سيراتو (مانوال)




عفشه ناشفه و انتشار مبالغ فيه و التوكيل ممتاز اقتباس




- شيفوليه افيو (مانوال /اوتوماتيك)




عيوبها كتير و توكيلها سيئ جدا

كلامي مبني علي تجارب شخصيه لقياده السيارات السابقه و ايضا تجارب شخصيه مع التوكيلات

---

الراجل ده جابلك من الاخر و احنا معانا سيراتو انا و اخويا بس فئه عاليه شويه مش مانوال بس و الله ممتازه جدا و ثباتها جيد جدا مش حنديله ممتاز و فعلا عفشتها ناشفه شويه بس الكلام ده فى الجنط ال17 انما حضرتك حتجيب جنط عادى بطاسه 15 علشان مانوال فمش حتكون ناشفه اوى

وجربت الصنى كتير جدا علشان صاحبى معاه واحده و برضه ممتازه جدا جدا جدا ماتور و عفشه و ثبات و استهلاك بنزين انما يعبها الشكل علشان قديم شويه و ده ازواق برضه و تقفيلها مش جامد يعنى نقول متوسط

وطبعا جربت سواقه كل الانواع اللى انت حاططها ماعدا الاى 30 علشان معرفش حد عنده العربيه ده

بس كل للى اقدر اقولهولك ابعد الافيو و النيو اكسنت عن اختياراتك مش علشان هما وحشين علشان فى فالمقارنه حاجات احسن منهم بكتيرزى السيراتو و الصنى و الاوبترا و الالنترا انا راى ان ال4 دول محترمين جدا و كلهم كويسين جدا بس الالنترا خفيفه على السرعات يعنى كنت بجيب بيها 130 و اخاف ازود عن كده علشان كنت بحس ان التحكم فى العربيه معدوم انما السيراتو تحس الاحساس ده عند 170 وبرضه الصنى و الاوبترا ممتازين على الطريق على سرعات عاليه انا راى فكر كويس و اللى ترتحلها من ال4 دول هاتها و ربنا يوفقك للاختيار الصح

اتمنى مكونش طولت عليك