إقتراح لتعديل مروري بإشارة روكسي بشارع جسر السويس لزيادة السيولة المرورية

هذه بعض المقترحات لحل بعض نقط الإختناق بطرق القاهرة
وسأبدأ بإشارة روكسي بشارع جسر السويس:

1 - المتوجه في جسر السويس بإتجاه العباسية سيدخل يميناُ إجبارياً ويقوم بالدوران من الميدان المواجه لقصر الطاهرة ويعود ليتجه يميناً من إشارة روكسي
2 - القادم من العباسية بإتجاه التجنيد له حرية الإتجاه يميناً إلى ميدان روكسي أو للأمام بإتجاه التجنيد
3 - القادم من ميدان روكسي في إتجاه سراي القبه عليه الدوران يميناً بشارع جسر السويس ثم العودة من أو فتحة إستدارة للخلف للتوجه لسراي القبه
4 - مرفق صورة بها توضيح للمسار الجديد المقترح
وهذا رابط للصورة:
وأرحب بالإقتراحات
http://www4.0zz0.com/2008/03/16/17/305715212.jpg

موضوع جميل.. جزاك الله خيرا عليه :)

يا ريت الموضوع ده يتوسع و يشمل كل طرق القاهرة.. يعني اللي يعرف طرق بديلة لطرق تانية معروفة يقول للآخرين عليها عشان تعم الإفادة.

ميدان الرماية:

إنشاء نفق بتفريعتين للقادم من أكتوبر وطريق الفيوم ومتجه إلى شارعي فيصل والهرم. والعكس بالعكش

وبالتالي يخف أكثر من ستين بالمائة من التكدس بميدان الرماية.. ويتبقى الاتجاه الأرضي للطريق الصحراوي من وإلى شارعي فيصل والهرم

(لاحظوا إن المتحف الجديد اللي هايتفتح موجود على أول الطريق الصحراوي.. يعني اتوبيسات بالهبل وعربيات شرطة واوي واوي واي :) :) :)

اقتباس:

---

المشاركة الأصلية كتبت بواسطة Goodle

ميدان الرماية:

إنشاء نفق بتفريعتين للقادم من أكتوبر وطريق الفيوم ومتجه إلى شارعي فيصل والهرم. والعكس بالعكش

وبالتالي يخف أكثر من ستين بالمائة من التكدس بميدان الرماية.. ويتبقى الاتجاه الأرضي للطريق الصحراوي من وإلى شارعي فيصل والهرم

(لاحظوا إن المتحف الجديد اللي هايتفتح موجود على أول الطريق الصحراوي.. يعني اتوبيسات بالهبل وعربيات شرطة واوي واوي واي :) :) :)

---

بارك الله فيك ولكن هذا موضوع جديد يفتح به موضوع جديد

الموضوع هذا خاص بالمشكلة المطروحة فيه فقط

اقتباس:

---

المشاركة الأصلية كتبت بواسطة ahmed1981

بارك الله فيك ولكن هذا موضوع جديد يفتح به موضوع جديد

الموضوع هذا خاص بالمشكلة المطروحة فيه فقط

---

والله فكرة يا باشا

بانتظار رأيك في الموضوع الجديد بقى

http://www.nilemotors.net/Nile/showt...393#post194393

هو اقتراح كويس يا أستاذ أحمد لان المنطقة دى بتبقى زحمة جدا جدا وبالذات اللى جاى من العباسية الى التجنيد لان الشارع فيها ضيق شوية فـ أنا أؤيد الاقتراح ده
لكـن ( لا حياة لمن تنادى )
المرور بيعمل اللى على مزاجه

اقتباس:

---

المشاركة الأصلية كتبت بواسطة ahmed1981

هذه بعض المقترحات لحل بعض نقط الإختناق بطرق القاهرة
وسأبدأ بإشارة روكسي بشارع جسر السويس:


2 - القادم من العباسية بإتجاه التجنيد له حرية الإتجاه يميناً إلى ميدان روكسي أو للأمام بإتجاه التجنيد
3 - القادم من ميدان روكسي في إتجاه سراي القبه عليه الدوران يميناً بشارع جسر السويس ثم العودة من أو فتحة إستدارة للخلف للتوجه لسراي القبه

---

في حاجات حاسس انها مش منطقية شوية ،،

يا باشمهندس أحمد ،،

اعتقد كفاية ان الشارع اللي جاي من ميدان روكسي لقصر الطاهرة ،، يبقي شارع طوالي ،،

و جسر السويس اللي جاي من العباسية يخش يمين بس و يلف يو تيرن من قدام ،، و يرجع

و اللي جاي من التجنيد يلف يمين برده و يلف يو تيرن و يرجع عند قصر الطاهرة

لأن بناء علي اقتراحاك هيفضل برده فيه تقاطع و اشارة ،،

ما بين القادم من اتجاه قصر الطاهرة و العمودي عليه القادم من اتجاه العباسية

اقتباس:

---

المشاركة الأصلية كتبت بواسطة sherif_84

لكـن ( لا حياة لمن تنادى )

---

لا تيأس
وتأكد أن هناك حياة لبعض من تنادي
وهذا عن تجارب خاصة
لذلك فلا تمل من الأمل

اقتباس:

---

المشاركة الأصلية كتبت بواسطة Ahmed Anwer

لأن بناء علي اقتراحاك هيفضل برده فيه تقاطع و اشارة ،،
ما بين القادم من اتجاه قصر الطاهرة و العمودي عليه القادم من اتجاه العباسية

---

بالفعل سيظل هناك نقطة تقاطع
وكان من الممكن أن أقوم بعمل التقاطع الحر الذي وضحته حضرتك
ولكن الذي منعني من ذلك أن لا يتم ترحيل الزحام إلى الشارع المتوجه لميدان روكسي ويعيبه أنه شارع قصير وضيق نوعاً ما

ياجماعه الاشاره دى غبيه جدا وبتقف كتير اوى والميكروباصات بيزودا البله طين ويقعدوا يخشوا من الشوارع الجانبيه ويعملوا زحمه فى الاخر والحل كوبرى يوصل جسر السويس ببعضه

وتقريبا الحل ده مينفعش علشان الشارع اللى بيودى لاشاره روكسى ده صغير الناس اللى هتلف هتقفل الشارع التانى اللى جى من روكسى علشان فى اتوبيسات كبيره وميكروباصات هو ينفع الاقتراح ده بس لازم على الاقل كوبرى معاه لكن من غير كوبرى اعتقد ان هو هيعمل زحمه اكتر ما هيحل المشكله

اقتباس:

---

المشاركة الأصلية كتبت بواسطة mahamedaraby

والحل كوبرى يوصل جسر السويس ببعضه
......
......
لازم على الاقل كوبرى معاه لكن من غير كوبرى اعتقد ان هو هيعمل زحمه اكتر ما هيحل المشكله

---

هو طبعاً مسألة الكباري والأنفاق ممكن تحل المشكلة أكثر

لكن الهدف هو الوصول إلى أفضل الحلول بأقل التكاليف الممكنة (هذا ملخص الفكر الهندسي)
فمهما كانت تكلفة التعديلات السطحية تعتبر لا شيء بالنسبة لبناء كوبري أو حفر نفق
مع العلم أنك تعرض تلك الحلول على المسؤلين في ظل عجز في الميزانيات المخصصة لتطوير الطرق عموماً
والهدف أن لا نجعل من ذلك العجز نهاية للتفكير في حلول أخرى

وأتذكر هنا أحد مشاريع قسم العمارة بهندسة عين شمس لتطوير شارع هارون بمصر الجديدة
وكانت تعليمات الدكاتره لا تضع في مشروعك أنفاق أو كباري

بس يا باشمهندس أحمد الميدان اللى عند قصر الطاهرة بيكون دائما مزدحم بسسب السيارات القادمة من فوق كوبرى المترو وتدخل فى شارع طومان باى

وبالتالى فالقادم من جسر السويس وهيدخل يمين على قصر الطاهرة عشان يلف من الميدان ويرجع هيتداخل مع الناس اللى جاية من كوبرى المترو وبتلف من قصر الطاهرة عشان تدخل شمال فى طومان باى

اقتباس:

---

المشاركة الأصلية كتبت بواسطة عزيز محمد

بس يا باشمهندس أحمد الميدان اللى عند قصر الطاهرة بيكون دائما مزدحم بسسب السيارات القادمة من فوق كوبرى المترو وتدخل فى شارع طومان باى

وبالتالى فالقادم من جسر السويس وهيدخل يمين على قصر الطاهرة عشان يلف من الميدان ويرجع هيتداخل مع الناس اللى جاية من كوبرى المترو وبتلف من قصر الطاهرة عشان تدخل شمال فى طومان باى

---

سبب إزدحام الميدان أمام قصر الطاهرة هو توقف إشارة روكسي بجسر السويس
وبالتالي السيولة القادمة من عند سنترال القبة تتراكم بعد الميدان الذي أمام قصر الطاهرة
لذلك فإن حل إزدحام الشارع الواصل بين الميدان أمام قصر الطاهرة إلى إشارة روكسي هو حل مشكلة إشارة روكسي
وحدوث إزدحام قليل في الحركة أفضل من التوقف نهائياً
والله أعلم

بالنسبه لفيصل رصف الشوارع الموازيه لفيصل مثل الثلاثيني وكفر طهرمس لتشجيع قائدي السيارات على أستخدامها .
غلق مدخل الهرم من أول شارع فيصل بعد النفق وفتحه عند الطالبيه لعدم تشجيه المتجهين لشارع الهرم من أستخدم أول شارع فيصل فيخف الاختناق المروي في أول فيصل
محاوله الغاء الجنينه وسط شارع فيصل والاكتفاء برصيف ليس عريضا
منع الركن نهائيا في هذا الشارع الضيق
التشديد على سائقي الميكروباصات خصوصا أن بعضهم لا يعرف السواقه أصلاً
هذا بالنسبه الي الداخل فيصل أما الخارج منه فميحاولش (دخول الحمام مش زي خروجه)
وألاقتراح الاخير إلغاء شارع فيصل تمهيدا لإلغاء محافظه الجيزة لانهم خانقيني أويييييي

اقتباس:

---

المشاركة الأصلية كتبت بواسطة aid904

بالنسبه لفيصل

---

أستاذ عيد الموضوع عن مشكلة معينة
وحضرتك تقدر تفتح موضوع جديد بمقترحاتك وحبذا لو أرفقت به بعض الصور التوضيحية

وعيزنا بقى نبقى فى مواجهة مع الميكروباصات الطيفة الى جاية من المطرية
ارحمنا يا رب من الشعب ده

اهم حاجة
تحيا مصر واحنا مش مهم

اقتباس:

---

المشاركة الأصلية كتبت بواسطة abzoabzo

ارحمنا يا رب من الشعب ده

---

قبل أن أرد عليك
لابد أن توضح قصدك من الجملة السابقة