من الدوحه - الحمد لله استلمت السيراتو (هاي لاين)
السلام عليكم ورحمة الله وبركاته
الحمد لله استلمت الفورتي امبارح وبسم الله ما شاء الله فعلا وعن تجربه سيارة جميلة بالنسبة لفئتها وبالنسبة طبعا لسعرها
انا مش هجامل العربية عشان اصبحت من ملاكها خصوصا انا انا معايا شيفروليه لومينا (6سلندر 3800 سي سي)
مش هتكلك عن الشكل لانه ما شاء الله مش محتاج كلام
السحب معقول بالنسبة بالنسبة لل 1600 سي سي وبتديك السرعه اللي انت عاوزها في حدود فئة العربية بس الطلعه الاولي مش قد كده
الاوبشن مش موجود في سيارات كتير من الفئات الاعلي ويخليك فخور انك راكب السيارة ده وده اهم ما يميز السياره من وجهة نظري
والسقف البانوراما تحفههههههههههههههههههه
التكييف ممتاز وانا لما اقول ممتاز وانا في قطر والحرارة في الخارج 46 درجة ده غير الرطوبة وده في الايام العادية زي دوقتي طبعا في الصيف بتوصل 55 يبقي في اجواء مصر تكييف يعني المروحه علي 3 او 4 ضبطت المؤشر علي 22 وما شاء الله بجد تكييف عالي قوي قوي
نيجي بقي لاهم نقطة واللي محستهاش غير لما ركبتها وهي الجنوط ال 17 فعلا تحس باقل هبده او نقره وانت ماشي والله يكون في عون اللي قاعد وره يعني قرات كلام كتير في المنتدي عن الموضوع ده لكن الكلام والسمع غير التجربة الفعليه
يعني هنا الشوارع نضيفة غالبا ومع ذلك اي مطب صغير تشعر به وانت سايق يبقي الله يكون في عون اللي بيمشي في شوارعنا الجميلة في مصر
بس ثبات السيارة علي الطريق كويس خصوصا ان السرعات علي الطرق عاليه يعني انا مشيت امبارح لغاية 150 تقريبا وكانت كويسة (طبعا مش لومينا) لكن بالنسبة للحجم والفئة والسعر كويسة جدا جدا
وان شاء الله بعد التليين هقولكم بتجيب لحد كام في السرعه بالضبط لان الشوارع هنا تساعد علي الجري
الفرامل ما شاء الله بتلاقيها في الوقت المناسب واكثر من ممتازة
الرؤية من داخل السيارة من قد كده يمكن عشان لسه ماخدتش عليها مش عارف بس تحس انك مش شايف كويس + مراية الصالون صغيرة جدا بس اكيد بالتعود هتيجيييييييييييييي
الضمان فوجئت امبارح انه 5 سنوات (مش 3 سنوات ) + 100.000 كم وان الصيانة ال 1000 و ال 7500 كم مجانا
وكان نازل معاها شنطة اسعافات + مثلث عاكس + استبن نفس المقاس + عده + مقياس للهواء