المشاركة الأصلية كتبت بواسطة michohat
الف مبروك وربنا يتمم بخير
البوتجاز فعلا اظن مفيش افضل من كريازي القديم ( مع انهم بطلوا ينتجوه الا انه لسه موجود مش عارف ازاي ) لانه فيه فرق فى خامه الصاج والجوده و كمان تقفيله جميل
انا برده دلوقتي بجهز لانى ان شاء الله داخل فى اكتوبر و لسه مش رسيت على البوتجاز ولكن اغلب الظن انه هيكون يونيفرسال (عاجب العروسة)
الثلاجه لو انت هتجيب 16 قدم التوشيبا ال 16 بتيبقى 3 درج و كتير من الناس بتعتبر الدرج الثالث عيب لانه مضيق مساحه الثلاجه وكمان مفيش حد كتير بيستخدمه فلو هتجيب مقاس 16 قدم خليك في وايت ويل ال 16 ثلاجه جميله وسعرها معقول انا جبت الثلاجه وايت ويل موديل 4070
الغساله كنت محتار بين ايديال ( زانوسي او العبد ) والوايت فاخترت الوايت ويل لان عرفت ان الموديل اللى اخترته كتير جابوه وشكروا فيه
ملحوظة : انا شغال فى وايت ويل بس احب اوضح بعض النقاط
ان منتجات وايت ويل فيها بعض من تصنيع الصين واحنا عارفين ان الصيني درجات والمصنع او المستورد هوا اللى بيحدد درجه جوده المكونات فمفيش توكيل او ماركه يقبل انه ينزل منتجات عليها ضمان و تحتمل وجود مشاكل بها
وكمان زيها زي اي ماركه ليها ضمان بيضمن حق المستهلك
ويمكن الاطمئنان من ذلك بسؤال جمعيه حمايه المستهلك او خدمه العملاء ( المتواجده مثلا فى كارفور او سبينس او ما شابهه لمعرفه هل يوجد شكاوي من المنتجات )