سنسار = سمسار
عرض للطباعة
سنسار = سمسار
الكلمات ذات الأصل الأجنبي منقدرش نحكم عليها يا جماعة أنها غلط و لا صح خصوصا إذا لم يتم تنقيحها ووضعها في المعجم العربي .
زي كلمة بوجيهات ..... هي كلمة أجنبية الأصل و تعني مولد الشرارة ..... و بالتالي في مصر بنقول عليها بوجيه و الجمع بوجيهات
في الشام بيقولوا عليها بوجيه و الجمع بواجي .... ( الأثنين يُعتبروا صُحاح أو صحيحين طالما أن الكلمة ليس لها معيار مُحدد )
أما بقى الكلمات العربية الأصل اللي بيتم تحريفها ( دي اللي مُصيبه و خصوصا لما تطلع من واحد مُتعلم )
بالنسبة لكلمة
أمبارح ............ الصحيح البارحة و الأصح .......... أمس ........ و التحريف أمبارح
علاء طبعا ......... بيتم تحريفها إلى عيلاء بواسطة غير المتعلمين .
جونينة يعني حديقة
فيه كلمات تانية أحنا أصلا بنقولها غلط
زي فرامل .......................... و الأصل و الصحيح مكابح .
ده غير الكلمات اللي فيها حرف الثاء .......... بيتم تحريفها لحرف التاء
زي يبعت و الأصل يبعث أو يُرسل .
ثابت .......... و تحريفها ............ سابت !!
ثبات ........... و تحريفها سبات مع أن الكلمة التانية لها معنى أخر و هو البيات الشتوي لدى بعض الحيوانات .
و تلاقي بقى عجب العجاب هنا على المنتدى
ناس متعملين
و تلاقي واحد كاتب .............. بالظبط ( الأصل بالضبط ) ........ تلاقي كاتبها بالزبط ؟؟
كل .......... تلاقي واحد كاتبها كووووول ؟
كُرة .......... تلاقي واحد كاتبها كورة ؟
الناس معندهاش تفرقة ما بين
الزال ........... و الظه
و الضمة ................ و الواو
و ده دليل أن فيه أنحدار في اللغة و تعليمها و كسل شنيع من الناس لتصحيح نفسها
دي بعض الأمثلة اللي جت في بالي دلوقتي
و سلام بقى ......... سأذهب إلى موقع عملي :T_thum1[1]:
مناخيري= مراخيري
رجلي = رجري
فانله = فاننه
واول اتنين دول واحده قريبتنا علطول تقولهم
طيب عندك دول
سمكرى ..... سنكرى
فانلة ......... فالنة
الســـوجاره = السيجاره
سمعت واحد بيقول
استنى اما اشرب السوجاره يا غرع = استنى لما اشرب السيجاره يا جدع
فى كمان أسماء المناطق والغريبه انك تسمعها من العايشين فيها
الباطليه = الباطنيه
بهتين = بهتيم
:ma(30):
انا داخل اضيف كلمة سمعتها من الفنى فى التوكيل انهاردة
حضرتك للاسف خرجت من الضمان -- ليه يا عم بس - لانك مركب لمض زينوم --- !!! نعم !!! لمض زينوم اللى بتبقى ب مديوم دى (مديول يعنى جهاز اللمبة )
فنا قلتله لا يا عم خلاص انا اسفلك
ههههههه
و بالمناسبة يا جماعة انتو جامدين موت و جايبين كل حاجة ههههههه تخيلوا بقى يكون فى واحد فى مصر بيقول الحاجات دى كلها والله الواحد يدفع عشان يقعد معاه !!
فى مرة واحد سباك كان بيصلحى حاجة فى الشقة وشافنى قاعد على اللاب توب راح قال لى ما تشغلنا أى برناجم يا بيه ، طبعاً ما إقدرتش امسك نفسى من الضحك .
مرة زمان وأنا فى ثانوى كان عندنا فراش لذيذ ودمه خفيف
فى مرة كنا قاعدين نتكلم سوا وجت سيرة الأغانى فقالى :
(البت ميازة الحناوى دى جامدة قوى)
أقسم بالله إنى فضلت أضحك على كلمة (ميازة) دى لغاية ما وقعت على الأرض فى المدرسة ومش قادر أنساها لغاية دلوقتى وكل ما افتكرها اضحك عليها
عندك كمان :
أيسون : ينسون
ضرفة : ضلفة
معلقة : ملعقة
وكتيييييييييييييييييييييي يير