لا ولا يهمك
انا تحت امر اي حد عاوز اي حاجه فى الشيخ زايد
الريسبشن الى حدما واسع
بمعنى لو هاتجيب سفره كامله (نيش و سفره و "الهباب العريض اللى بيتحط فيه بقية الصيني اللى مش بنشوفه غير فى المناسبات" )
يبقى هاتقدر تحط ركنه كمان معاها و تربيزه تليفزيون
اما لو انت راجل جامد و هاترفض تشتري السفره الكامله و خصوصا الهباب العريض يبقى انت ممكن تحط انتريه مع السفره
الحمام و المطبخ جيدين جدا
و الحجرات الى حد ما جيده
على فكره المستوى العام هناك مرتفع نظرا لان اللى هايسكن هناك اساسي يكون معاه عربيه
....الخدمات العاديه لسه مانتشرتش زي صيدليات - سوبر ماركت - مدارس فا لو احتجت حاجه فا لازم تروح بالعربيه لاقرب حي فيه الحاجات دي
.... مستقبل الحي كويس لان الشركه صاحبه الحي شركه كبيره