اسهل 15 طريقه للموت

**nadergoom** · 20-09-2010 04:21 PM

انا قرأت الموضوع وعجبنى جدا وقلت لازم تشوفوه

ياتعدي شارع فيصل ....... ياتسوق على الدائري بالليل
عاوز تموت م الجوع ؟
ياتتجوز بنت حلوة غاويه نيو لوك .ياتسافر تعمل شوبينج في لبنان
عاوز تموت م الحسره ؟
ياتتفرج على جلسات مجلس الشعب ....يا تتناقش مع ابنك في القيم والأخلاق
عاوز تموت م الغيظ ؟
ياتتفرج على افلام اليومين دول......... ياتتفرج ع قنوات الفيديو كليب
عاوز تموت م الزهق ؟
ياتدخل على النت من التليفون .... ياتستنى دورك في عيادة الدكتور الكبير من غير واسطة
عاوز تموت من الهبل ؟
ياتسمع الأغاني الشبابية .......... ياتسمع برنامج شبابيك في دريم
عاوز تموت مخنوق ؟
ياتروح تجدد رخصة العربية ......... ياتتفرج على الفضائية المصرية
عاوز تموت مفروووس ؟
ياتتفرج على اعلانات التليفزيون . ياتتفرج على ستار اكاديمي
عاوز تموت مرعوووووب ؟
ياتسأل على سعر الشالية في مارينا ....... ياتروح تحلل المياة الى بنشربها
عاوز تموت مشهور ؟
ياتغني وصوتك وحش ............ ياتعمل نفسك سفاح المعادي
عاوز تموت مليونير ؟
يا تدي دروس لثانوية عامة ............ . ياتنتج فيلم لهيفاء وهبي
عاوز تموت ورا الشمس ؟
ياترشح نفسك في انتخابات الرئاسة ............ ياتشتم في الحزب الوطني
عاوز تموت متنكد ؟
ياتتفرج على قناة الجزيرة ....... ياتحاول تفهم إيه إلى بيحصل في العراق
عاوز تموت م الحزن ؟
ياتفكر في أفضل وسيلة للإستفادة من مرتبك... ياتقنع ولادك بالمذاكرة والتفوق
عاوز تموت ف حالك ؟
بطل تعترض على البالي بالك

او ممكنعاوز تموت شهيد ؟
‏ياتركب طياره............... ياتركب عباره

عاوز تموت من الجوع؟
‏ياتشترى شقه................ياتشترى عربيه ‏بالقسط

‏عاوز تموت م الحسره؟‏ياتتفرج ع الفاترينات فى سيتى ‏ستارز...........ياتروح زياره لمارينا

‏عاوز تموت م الغيظ؟‏ياتتفرج ع القنوات المحليه.............. ‏ياتتفرج ع النشره الجويه

‏عاوز تموت م الزهق؟
ياتستنى الأشاره لما تفتح .......... ياتستنى ‏دورك فى الطابور فى التأمين الصحى

‏عاوز تموت م الهبل؟
‏يا تخش ع النت..........ياتسمع نجوم إف إم

‏عاوز تموت مخنوق؟‏ياتروح مصلحه حكوميه..........ياتقرا الجريده ‏اليوميه

‏عاوز تموت مفروووس؟‏ياتركب تاكسى.............ياتركب دش

‏عاوز تموت مرعوووووب؟‏ياتستنى نتيجه الثانويه العامه.......ياتستنى ‏نتيجه التحاليل عند الدكتور

‏عاوز تموت مشهور؟
‏ياتتجوز رقاصه............ياتنصب على بنك

‏عاوز تموت مليونير؟‏ياتعمل فيديو كليب.............ياتلعب كوره

‏عاوز تموت ورا الشمس؟
‏ياتشغل مخك............ياتفتح بؤقك....

‏عاوز تموت منكاد؟
‏ياترشح نفسك فى الأنتخابات.......ياتخش ف ‏أتفاقيه الجات

‏عاوز تموت م الحزن؟
‏ياتفكر دايما ف أحوالك..........ياتحط ‏الحكومه ف بالك

‏عاوز تموت م الضحك؟
‏ياتتجوز أتنين.........ياتشتغل مع ‏المجانين....

‏عاوز تموت ف حالك؟
‏أعمل نفسك دايما....مش واخد بالك

**makka** · 20-09-2010 04:27 PM

كل الطرق تؤدى الى روما
عايز تموت مبقوق خليك عايش فى مصر

**ahmad--ezzat** · 20-09-2010 04:33 PM

عايز تموت من الشللللللللل

اتفرج على انجى على

(نو واى يا جماعه اى ثينك)

وليه تحرق الدم

**medo_2060** · 20-09-2010 06:05 PM

المشاركة الأصلية كتبت بواسطة nadergoom

عاوز تموت من الهبل ؟
.......... تسمع برنامج شبابيك في دريم

عايز تموت مخنوق وغرقان ومنتحر اتفرج على برنامج صبايا

**Amr Mohamed** · 20-09-2010 06:47 PM

اه والله عندكو حق انا لو قلبت وجاه فى وشى صدفه البرنامج اب نالغتيته ده هو و املزيعة بنت التي.........ت دى باتشقلب هو والاعلان بتاع على رامى دى ولا اسمها ايه بنت ال هيها مان فى ماريناااا ستااارز الموووووووووووووول جنب المش عارف ايه وليه تجيب شلل ولا جبنه برعتو ده يععععععععع بتزغزغ فى البق والله فعلا حسبى الله ونعم الوكيل

**zrzr1** · 20-09-2010 06:56 PM

المشاركة الأصلية كتبت بواسطة ahmed_nubira

عايز تموت من الشللللللللل

اتفرج على انجى على

(نو واى يا جماعه اى ثينك)

وليه تحرق الدم

هههههههههههههههههههه لألأ حلوه دي

**bassemali** · 20-09-2010 09:36 PM

المشاركة الأصلية كتبت بواسطة ahmed_nubira

عايز تموت من الشللللللللل

اتفرج على انجى على

(نو واى يا جماعه اى ثينك)

وليه تحرق الدم

أنا بكرها عمى.... بس الشهاده لله مش أنا بس .... الدول العربيه كلها ... حتى هنا في السعوديه السعوديين بيسبوا ويلعنوا فيها ....
أخيرا العرب إتفقوا على حاجه... :b4_388::b4_388:

**ASKAFRAWY** · 20-09-2010 09:42 PM

المشاركة الأصلية كتبت بواسطة ahmed_nubira

عايز تموت من الشللللللللل

اتفرج على انجى على

(نو واى يا جماعه اى ثينك)

وليه تحرق الدم

مين ياباشا الكائن دة.....معلش محسوبك مش متابعك

**ahmad--ezzat** · 21-09-2010 01:08 AM

-----------------

سنكتفي بالتنبيه بعدم مخالفة قواعد المنتدى والتي تقضي بعدم عرض صور غير محتشمة فيرجى مراجعتها
في حال تكررت المخالفة سيتم توقيع العقوبة كما تقضي اللوائح
21/9/2010
9:45am
مشرف القسم
20ب