الموضوع: ارجوا المساعدة - ش لانوس

- عايز اعرف مين احسن صيانة نظراً لاساليب المعاملة وانا ابيض ومش فاهم في العربيات خالص .
برشح ليك فرع التجمع الخامس ( ما تنساش دفتر الضمان علشان بعد الصيان تختم مربع صيانة 5000 )
2- انا قربت من الخمس تلاف نظرا لتحركاتي العائلية جدا القليلة ,, ومجبتش بيها اكثر من 120 بس حاسس ان سحبها كويس في العادي , تنصحوني بأيه ؟؟

رغم ان السحب عاجبك هايتحسن اكثر مع صيانة ال 5000

3- عندي كام خبطة بنت حلال كده ( آثارالانطلاقات الاوليه ) أيه رأيكم اخليهم يردوها ولا اعمل ايه ؟؟؟ ( مرفق الصور بالاسفل )

خليهم دلوقتى لغاية لما تتمكن انت و زوجة حضرتك و بعد كدة اعمل الى فى العربية و بأذن الله يبقى الى فيها اخر الاحزان

4- عندي الشبورة اليمين بطل يشتغل لوحده مش عارف ليه ؟؟؟


يمكن فصل كابل ( عايز يركب ) او اللمضة مهزوزة او محروقة على العموم بسيطة بس انت وضح ليهم المشكلة فى التوكيل و هم ان شاء اللة هايخلوها

5- وكمان عضة في الفتيس في المرشيدير.

دى فى الغالب من قلة استعمال المرشيدير يعنى و انت راكن جيب مرشدير 5 او 6 مرات ورا بعض و العضة هاتروح
و برضة قول لهم فى الصيانة يمكن عايزز ربط


ملاحظات هامة :: انا ومراتي بنتعلم على العربية بس انا بسوق كويس شوية عنها (وهل ده ليه تأثير في العربية ) ؟؟؟

طبعا التعليم على سيارة و من اثنين بيرهق العربية بس ما باليد حيلة انت واظب على الصيانة الدورية و ربنا يسهل و كل شىء يبقى خير


على فكرة لسه راجع من اسكندرية من يومين وكان اداء العربية على السرعات جميل جدا ومرضي وكنت محمل ومشغل التكييف ...

الف حمد لله على السلامة و الرجوع سالم غانم الى ارض الوطن


6- مسائل تغيير نوع الزيت بتاع الموتور لتقليل الصوت والكلام ده ارجوا التأكيد عليه علشان الافادة

عند حضرتك نطامين من الزيت
النظام الاول زيت يتم تغيرة كل 5000
النظام الثانى زيت يتم تغيرة كل 10000
اما عن فلتر الزيت يتم تغيرة كل مرة سواء حطست 5000 او 10000
اما عن الانواع فهم كثير بس المعتمد من شيفورلية هو موبيل
ما عادا فرع القاهرة الجديدة بيغير شل لان الفرع داخل بنزينة شل بس ممكن حضرتك تجيب زيت من اي بنزينة موبيل و هم هايغيروة مع الصيانة
ال5000
زيت موبيل XHP ( برجاء التأكد من ارقم )
ال 10000
زيت موبيل وان

ارجو ان تكون المعلومات حسب ما اردت و لو فية اى استفسار فلا تتردد
فنحن هنا جميعا اخوة

السلام عليكم

أولاً : أنا متشكر جداً على اهتمامكوا وردكوا الجميل

- انا من حدائق الزيتون وتحركاتي ما بين حدائق القبة وشبرا مصر ((فيه مركز صيانة قريب مني ))

ثانياً: شكر خاص للاخ aymanmaly لاهتمامه الشديد ورده الشافي على جميع النقاط .

بس كنت عايز ( لو مفيهاش غلاسة رأي باقي الاعضاء) اهو زيادة توكيد وخبرة .


واعتذر عن موضوع الصور واوعدكم هحاول تاني (مش عارف ارفع الصور) .

الصيانة شىء بيحدث كل 5000 يعنى على فترات مش كل يوم
انصحك انك تروح مركز يكون محترم و يعمل الصيانة مضبوط و تكون واقف جنب عربيتك بتشوف كل الى بيحصل
و متبصش للمسافات فى موضوع الصيانة انا اعرف ناس من محافظات اخرى قريبة من اقاهرة و بتنزل مخصوص القاهرة علشان تعمل الصيانة بتاعتها
و بالتوفيق

الصور يا بهوات

[IMG][/IMG]

اضغط على الصور نفسها وشوف باقي الصور (( شوف العجب))

اسمحلي انا هرفع الصور لسهولة تصفح باقي الاعضاء


Uploaded with ImageShack.us


Uploaded with ImageShack.us


Uploaded with ImageShack.us


Uploaded with ImageShack.us

اقولك رأيي
بصراحة المفروض اللي يتعلم يتعلم علي اي حاجه تعبانه بعدين يشتري جديد لأن منظر العربية مدايقني علشان عارف القرش بيجي ازاي بس ما دام خلاص اتجابت ربنا يسلم طريقكم
ان شاء الله لما تبقو تمام في السواقة لازم سمكري كويس لحسن منظرها صعب شوية
ربنا يحفظكم