عدلت الفرامل الخلفية و خليتها ديسكات بدل قباقيب

السلام عليكم
كل سنة وانتوا طيبين يا اوبلاوية
انا عدلت الفرامل الخلفية و خليتها ديسكات بدل قباقيب
لأنى كنت خرطت الطنابير القديمة مرة و غيرت ماستر يمين
بعدها بشهر الماستر الشمال ضرب هو كمان ده بعد ما كنت بسمع مزيكة حسب الله فى العجل اللى ورا يمكن بسبب خرط الطنابير
المهم بدل ما اشترى طنابير جديدة و ماستر جديد و تيل ( بحوالى 800 جنيه)
روحت مشترى جنبين استيراد ديسكات بالتيل و الماستر بتاعهم بـ 300 جنيه
انا عملت التعديل ده من شهر تقريبا
بس اللى حصل ان الفرامل ضعفت جدااااااااااااااا
و لما بدوس فرامل على الأخر العربية بتعوم و بتجنب و بتبقى فضيحة
لما رجعت للى عدل الفرامل قالى ده ماستر عمومى بس مقتنعتش بكلامه
و حد تانى قالى انت غلطان القبابيب كانت أحسن
المهم انا ناوى اخلى حد تانى يراجع على التعديل قبل ما أغير الماستر العمومى

المهم بقى ان عندى وحدة abs مكانتش شغالة و كنت ناوى اركب واحدة تانية
دلوقتى هيبقى الوضع ايه هل هركب وحدة بتاعة اوتوماتيك ولا أيه
انصحونى افادكم الله

تامر الى يفيدك فى الموضوع دا عشان هو الى عمله عنده
هو اضح إن الفرامل ما بتمسكش على العجل كله فى نفس الوقت

انا جربت الفرامل بنفسي في عربيه تامر بعد التعديل اللي عمله وماشاء الله ممتازه وجرينا بيها جري من صلاح سالم للربوه .

بص ياباشا انت تشوف الحاجات دي وان شاء الله تطلع واحده فيهم والabs‏ مالهوش دعوة بتعوم ولا لأ (على ما أعتقد):
1‏ التيل الي راكب بايظ او ناحية اكتر من التانية.
2‏ فرامل اليد قافشة من ناحية واحدة
3‏ جهاز الفرامل فيه ناحية مش شغالة.
4‏ خراطيم زيت الفرامل مسدوده(جرب تاخدلها هوا)
5‏ العربية عايزة ظبط زوايا خلفية وده فقط لو العربية اتخبطت في العجل اللي ورا جامد (السبب ده كان عندي)
6‏ اخر حاجة وده احتمال ضعيف يكون ضغط الهوا مش مظبوط او محتاجة ترصيص ورا بردو...
ده رأيي وفي انتظار باقي الردود
وربنا معاك ان شاء الله وابقى طمنا عملت ايه...

الفرامل واخده هوا
او فيه خرطوم فى ناحية مهرب ضغط او مستره مسدود
او التيل فيه حاجة