الموضوع: ابعد عن تكيف شارب

المشاركة الأصلية كتبت بواسطة hazemhany

يا استاذ heragy مش معني ان جهازك طلع فيه عيب صنع ان الماركة كلها وحشة .....

+11111111111111111111111111

يا جماعة انا مبقولش ان الشارب وحش لا هو ماركة واحسن من غيرة كتير انا بتكلم سياسة الشركة فى الصيانة مش معقول يكون فى عندك عطل وتبلغ علية ومفيش حد يسأل فيك لمدة شهر محدش يقولى لن دى شركة محترمةواجهاز لسة راكب

السلام عليكم ورحمه الله وبركاته

انا اشتريت تكييف شارب 3 حصان بريميم بلاس ( اخر موديل ) في منتصف رمضان اللي فات .. بعد ما اتصلت بشركات كتييير جدا جدا .. علشان الاقيه

حتى شركة العربي نفسها اديتني معاد معاينه للتركيب بعد 10 ايام .. وفي المعاد محدش اتصل بيه .. كنت انا بنفس الوقت جبته من موزع ب 5450 جنيه ( هو سعره المعروف 5535 جنيه )

انا معرفش بقى هو صيني ولا ماليزي

لكن انا ملاحظ ان تبريده مش قوي بالمقارنه بتكييف قبله كارير مستعمل موديل قديم اوي .. شيلته علشان صوته


انا مش عارف سبب التبريد الضعيف من التكييف ولا من شقتي

انا اخر دور ( واجهة وجانب وسقف معرضين للشمس طول النهار ) غير اني مشغله على مساحة كبيرة حوالي 45 متر ( وهو المفروض يبقى على 24 متر )

في الظروف دي .. التكييف مش بيقدر ينزل الحراره عن 29 درجه في ايام الحر الشديد .. وفي ايام زي دلوقت بينزل ل 26 درجه .. فتره الفجر والصباح .. ينزل الدرجه ل 20

الوحده الداخليه .. ملهاش صوت يعتبر ( فقط صوت الهواء الطبيعي المقبول الغير مزعج ) لكن مفيش صوت خبط ولا حك ولا صوت صلب

بالنسبه للوحدة الخارجيه بقى .. دي راكبه في منور .. وبينها وبين الحائط الامامي لها حوالي نصف متر


انا قولت للفني اللي بيركب دة مش غلط على الكباس .. قالي لاا .. اتصلت بتوشيبا سألتهم دة مش غلط عالكباس .. قالولي لاا

المهم انا بلاحظ في بدايه تشغيل الكباس .. صوت عادي مع طنين خفيف مسمع في الحمام لأن التكييف متثبت في حيطه الحمام من جهة المنور

و صوت الطنين يتنقل من الحمام لباقي الشقه ( بقفل باب الحمام بيقل الصوت كتير )

لكن مع طول فتره التشغيل يبتدي صوت الطنين يعلى .. واسمع صووت هبدة او رزعه لما الكباس يفصل ( لكن مش صوت صلب .. تحس ان حاجة طريه تقيله وقعت على الارض )

انا بقول دة بسبب ارتفاع حرارة المنور من الهوا اللي خارج من الكباس .. بيصد في الحيطه ويرد عليه تاني ويعمل ضغط على المراوح

لكن لما بخرج برا الشقه واكون جنب الكباس .. مش بسمع صوت الطنين .. بسمع صوت المراوح بتاعته بس العادي


بالنسبه للصيانه الدوريه .. انا معنديش اي معلومات عنها ولا عارف له صيانه دوريه ولا ملووش .. وتبع الموزع ولا توشيبا

انا حتى معرفش مكان الموزع فين .. انا اتصلت بالتليفون جولي بالجهاز ركبوه وخدوه الفلوس وادوني الفاتوره والضمان

لكن اللي زعلني في الموديل البرميوم بلاس .. اللي فرق السعر بينه وبين البريميم العادي اعتقد 700 جنيه

ان الميزتين اللي فيه الزياده ميستهلوش فرق السعر دة

يعني ميزه التنظيف الذاتي ( انا كنت فاكر اني هلاقي التكييف بيتشقلب في مكانه يحمي نفسه )

طلع ان الحكايه مجرد ان خاصيه البلازما كلاستر بتشتغل بتوجيه الهوا على داخل الوحده علشان تموت البكتيريا ( مجرد لمبه زرقه منوره تدل ان البلازما شغاله والريشه مفتوحه وفي صوت هوا خفيف اوي اوي اوي )

وانا اساسا مش عارف البلازما دي شغاله ولا بايظه .. ما يمكن تكون البلازما مش شغاله فيها عطل ( هنعرف ازاي )


بيقولوا البلازما بتقضي على الروائح الوحشه في المكان ( طب دي نعرفها ازاي بقى )


الخاصيه التانيه في البريميم بلاس .. توجيه الهواء على نقطه من 6 نقاط في المكان من الريموت كنترول

دي بقى ملهاش اي لااازمه .. انت ممكن توجه الهوا يدوي من الريموت .. يعني لما الريش الافقيه تتوجه للوضع اللي انت عايزه توقفها عن الحركة من الريموت .. وكذلك الريش الرئسيه

غير كدة حدود توجيه الريش صغيره .. يعني لو وجهت الهوا يمين تحس انه بردو في النص ( في جميع الحالات الهواء جي عليك )

اخر حاجة .. رقم صيانه ومبيعات تكييفات شارب توشيبا العربي 19444