الموضوع: أنا صح..ولا غلط؟؟

طيب هي الزوجة موافقة ولا الموضوع اجبار

بص هو ظاهريا انت صح جدا
يعنى كان بيقولها يا أبلة...و هى أصلا أكبر منه
عارف كمان مثل الانطباعات الأولى تدوم...هو أول ما عرفها شايفها مرات أخوه الكبير يعنى زي اخته الكبيرة ...
و هى برضه هيفضل بالنسبة لها أخوها الصغير ...لأن ده كان وضعه أول ما شافته..الأخ الأصغر لجوزها....
انا ليه قلت ظاهريا...لأن من كلامك بتقول بيت العيلة و كده و واضح انكم عايشين مع بعض...فى الغالب مبيبقاش فى للأبناء اللى عايشين فى الوضع ده فرصة للأستقلال بالرأي أو التمرد أو الرفض..لو كانوا عايشين مستقلين كان ممكن أخمن أن الموضوع صعب أوي يمشى بس بالنسبة لحالتك ممكن يمشى ...مش هيمشى عشان هو صح..هيمشى عشان على و اسماء هياخدوها نوع من القضاء و القدر و انهم لازم يتعايشوا على هذا الوضع و يكيفوا نفسهم. بس كده لو هم مش قابلين بعض حرام يفرضوا عليهم لو هم مش راضيين هو الواحد بيعيش كام مرة؟

الموقف دا لسه حاصل فعلا لناس جيرانا واخو المتوفى اتجوز الارمله مع انها اكبر منه بكام سنه ... بس دا بتوصيه طبعا من العائله كلها
وانا مع كلامك هو الصح هى هتعيش حياه كريمه واخو المتوفى يشوف حياته برضه... بس لو هيبان انك المعارض الوحيد للموضوع واخو المتوفى موافق اصلا اخلع انت من القصه بقى مش هيبقى فى ايدك حاجه

أعملوا الحل ألي قلت أنت عليه أولا فيحصل طمأنينة عند الأرملة...............وسيبوا موضوع الجواز ياخد وقته تماما سواء مع القريب أو البعيد ...............ده غير الزواج من أرملة ومعها أطفال له ثواب عظيم عند الله بشرط مايكونش في نفور بينهم

انا شايف لازم الاتنين يكونو عندهم استعداد للزواج ولو مافيش مانع يبقى ربنا يكرمهم
اما لو اى واحد فيهم معندوش رغبة
يبقى قرارك هوة الحل الامثل
واكيد العيلة عندك بتفكر ان مايجيش اب غريب لبنات ابن عمك و(على) منكو مش هيهمل فى ولاد اخوة