أنا صح..ولا غلط؟؟

**heshamzaky** · 22-09-2010 12:44 AM

المشاركة الأصلية كتبت بواسطة a7med_pharma

البنات يدبوك ..الكبيرة أسما 3 سنين
والصغيرة جانا شهرين

..وزي ماقولت
على السكينة سرقاه زي مابيقولوا ...بس يارجالة صعب
صعب إنه فضل 4 سنين يقولها ياأبلة أسماء ..وهيا كانت بتعامله زي أخوها الصغير
وفجأة
تلافي جوزها
وهيا ملهاش رأي في الموضوع خااالص..هيا طبعا لسه مصدومة بموت جوزها

والأغرب
أول مرة أشوف والدي مش ديموقراطي خاااالص بالشكل ده
مش عاوز حتى يتناقش معايا في الموضوع ده..يعني والدي وعمي قرروا
وخلاص
الصيف الجاي
هيجوزوهم

وحسبي الله ونعم الوكيل..أنا مش عارف هما بيفكروا إزاي
حراااااام

معلش الاول كنت بقولك اتجوزها يا فارما دلوقتى فهمت الوضع الخلاصة الناس الكبار فكرو صح لو البنت مالهاش الا أمها الكبيرة فى السن و معاها عيال و مش نتشتغل كمان و حتى لو بتشتغل لو اتجوزت من العيلة دة أوقع لو هية موافقة و العبء الاكبر حيكون على على دة 23 سنة يعنى اسف مش أهانة لة دة لسة عيل شوية و صغير لو هو راسى و راكز ممكن جدا يحبها الحب مش عيب دة حا يتجوزها على سنة الله و رسولة و لما تخلف المجية حا تزيد و التربط حا يبقى اقوى حا يحب ولاد أخوة الى هوة يبقى عمهم وولادة حا يبقو اخوات ل ولاد عمهم العيال حا تحب بعض بس أهم حاجة الاقتناع من كلا الطرفين و الستتات الى فى العيلة يتكلمو معاها و على حد يتكلم معاة مش اجبار لاى طرف بس دة الحل الامثل على فكرة دة رأيى الشخصى يحمل الصواب او الخطأ

**fares515** · 22-09-2010 12:46 AM

أنا رأيي ان انت مكبر الموضوع اوي ومديله اكبر من حجمه
يعني علي موافق واسماء موافقه انت مالك انت؟؟(مع احترامي طبعا)
مينفعش نمشي الكون على مزاجنا..تعرف لو حد فيهم اشتكالك كنت هقلك عندك حق لكن هو راضي وهي راضيه وانت داخل في النص وعايز تقنعهم انهم مظلومين من الكبار ومش عارف ايه..
سيبهم يادكتره يعيشو حياتهم ويجربو وانشغل بنفسك

**SkyBird** · 22-09-2010 05:15 AM

مش المستشار محمد صفاء عامر حل القصة دي في مسلسل الضوء الشارد
خلي الواد يتجوز البنت لو موافقين
كله بينسى
وده طبع الزمن
ومش عيب

**m_kamal** · 22-09-2010 09:03 AM

أولا : رحم الله المتوفى وغفر له و ادخله فسيح جناته ان شاء الله
ثانيا : للاسف يا دكتور انا شايف ان حضرتك (غلط) من عنوان الموضوع
أنا مع راى العيلة و شايف انه صح جدا بصراحة و خصوصا ان على موافق (حتى لو علشان خاطر اخوه الله يرحمه و عيلته الصغيرة) مافيهاش حاجة لما يوافق انه يساعد فى تربية و تستير عيلة اخوه بالطريقة دى و فى الحلال
وهو يعنى لو ماوافقش اشضمنك انه يلاقى واحدة كويسة و يتجوزها .. ماهو ممكن يتجوز واحد تانية و مايبقاش سعيد معاها خالص و مايطيقش حتى يقولها (بحبك) بعد الجواز .. على الاقل زوجة المرحوم واحدة من العيلة و الكل عارفها و هارف اخلاقها و تربيتها

وعلشان الاطفال يتربوا تربية كريمة
و مش شايف اى مشكلة فى فرق السن دول 3 سنين مش 20 سنة يعنى

وبعدين اشعرفك يا دكتور ان استاذ على مش هيقدر يقولها بحبك ؟؟؟؟؟
بعد الجواز بقترة قليلة جدا الدنيا هتمشى و تبقى زى الفل ان شاء الله ما دام فيه قبول مبدئى من الطرفين
ولو بصيت للدنيا هتلاقى مفيش حاجة بتفضل على حالها ابدا و اللى بتحبه النهاردة ممكن تكرهه بكرة و العكس صحيح

و مبروك مقدما ان شاء الله

**shaddadfalcon1** · 22-09-2010 09:29 AM

لا علي هيفضل فاكر اخوه طول العمر ولا اسماء هتفضل فاكره جوزها اللي توفي طول العمر

ومش كل الناس بتبص لزوجات اخواتهم علي انها اختهم حتي لو كانو بيعاملوهم كده

لما يبقو في اوضه مقفوله عليهم وهي متزينه ليه ساعنها هيقول كل حاجه بس هما ياخدو شوية وقت واعتقد كبيرهم شهر وهتبقي الأمور 100 100

بالنسبه لعلي فممكن زي مابعض الاعضاء قالو تبقي زوجه اخوه احسن من البكر اللي لسه مش عارفه اي حاجه في الجواز لانه هيتجوز واحده فاهمه ومجرب الجواز ومشاكله وكل حاجه فيه

وربنا يوقف وبقي اعزمنا في الفرح وشيل انت بس موضوع يقولها بحبك دي من دماغك لان الحاجات دي مش كل حاجه
في ناس كتيييييييييييييييييير عايشين متجوزين لسنين طويله وعمرهم ماقلوها لكن بيقولوها بافعالهم كل يوم وكل ساعه

**أبو صلاح** · 22-09-2010 10:20 AM

المشاركة الأصلية كتبت بواسطة a7med_pharma

وأنا لسه والله مكلم والدي ..وقولتله كده حرام عليكم
قالي : علي موافق ..إخرج إنت بس منها

المشاركة الأصلية كتبت بواسطة أبو صلاح

ولو حد حاول يقنعه
يا هيسمع رد من الاتنين
ملكش دعوة انت والامر اتحسم والمصلحة تحكم

مش ده ردي عليك ؟
يعني موقفك من الاول ملوش اي اعتبار
رأيي الشخصي خليك انت بعيد عن الموضوع ده وسيبه لكبار العيلة لانك مهما عملت برضه هتتفهم غلط وممكن يحصل مشاكل مابينك وبينهم بعد اتمام الزواج والامور تمشي طبيعية

وبرضه لو حكمت العقل والقلب يبقى اكيد لازم العقل هو اللي يكسب (على الاقل بالنسبة لكبار العيلة عندك)

**age** · 22-09-2010 10:31 AM

عادي جدا وبتحصل كتيير ولما يربيهم عمهم احسن ميربيهم حد غريب

**mana_81** · 22-09-2010 02:28 PM

يا جماعة هو عادي ان الواحد ينسى حد مات او عادي انه يكون في بديل ليه
لو كده يبقي لو كل واحد ليه بديل يبقى عمرنا ما هنبقى علي حد
عمر ما اللي بيموت بيتنسي
اعتقد صعب اوي ان الواحد ينسى شريك عمره او يبدله خصوصا وهو لسه مكملش شهور
ربنا يقدر ليهم الخير
ودكتور احمد لو معرفتش تعمل حاجه فعليك بالدعاء ليهم بالخير , وربنا لو مقدرش لهم الزواج فاوالد حضرتك وعمك مش هيقدروا يغيروا قدر ربنا

**أبو عبدالله** · 22-09-2010 08:11 PM

المشاركة الأصلية كتبت بواسطة ahmed ismail

بص يا دكتور احمد
انت بتقول المرحوم عنده بنتين

تعرف لو كانوا ولدين على الاقل كنت ممكن افكر ذيك

انا صعيدى ومقتنع بكلام كبار عيلتكم مينفعش البنات يريبهم غير عمهم ايا كان بقى عمهم ده متجوز اتنين زى الاخين الكبار او اعزب زى على
ثانيا وضع على المادى يا ترى يسمحله يبدا حياة امتى و بعد اد ايه ممكن يكون ليه حسابات مختلفة و ربك له تصاريف فى خلقه

العدل اللى البشر عايزين يشوفوه متحقق ( زى موقف حضرتك دلوقتى ) مش لازم يكون هو العدل الحقيقى او العدل الربانى
لان ممكن يكون اسباب رفضك للموضوع هى اسباب نجاح الموضوع و وجود الحب بين الطرفين
ممكن يكون سبب شعور الارمله انها اكبر من على انها تبقى اكثر حنانا عليه و تدلعه اكتر و تاخد بالها منه و يشعر بسعادة زوجيه قد لا يحصل عليها عندما يتزوج البكر يعننى بمعنى اخر سبب رفضنا للموضوع ممكن يبقى سر نجاح الموضوع خصوصا ان الستات عارفه كويس عقل الرجالة الصغير فى نقاط معينه و بالتالى بدل ما ياخد واحدة تنكد عليه ياخد واحدة تسعده
ثانيا الكسوف و النظرة المسبقة و فرق السن و كل الكلام ده حينتهى اول ما يبقوا فى اوضه واحدة مع بعض و بعد اول اسبوع حيعشوا حياة طبيعية جدا بعد ما تنكسر حوائط الخجل و الحياء فيما بينهم و بالتالى مش سبب لرفض الجوازة

ثالثا الحديث عن رغبتها مهم و ضرورى ولو ان وضعها صعب بالبنتين اللى معاه و اظن ان التفكير العقلانى بيقول ان عم البنات اولى ان يكون ابوهم من حد غريب و ان العيشة بقية حياتها ارملة صعبة جدا و تربية البنات و مسئوليتهم فى عدم وجود زوج ايا و عدم وجود دخل شهرى محترم منتظم غير مرتبط بوجود فرد او بالحلاة المزاجية له او باستجداءه و استعطافة بعد مرور خمس سنين مثلا من دلوقتى و بالتالى ضرورة وجود راجل فى البيت مهمة جدا جدا جدا فى الفترة ديه و انت متعرفش الغريب اللى داخل على البيت حيربى البنات ازاى

و نصيحة منى ليك خلى بالك انت اعزب و ممكن جدا تتفهم غلط فى الموضوع ده كله

ده كلام الواقع
وليس كلام ماذا اريد انا

هناك فارق بين ما نريده وبين المناسب لنا او لغيرنا

مش شرط انه يتجوزها فعلا ولكن برضه نفس الموضوع في عدم الجواز

الموضوع: أنا صح..ولا غلط؟؟

LinkBack

أدوات الموضوع

عرض

-

-

-

-

الكلمات الدلالية لهذا الموضوع

المفضلات

المفضلات

ضوابط المشاركة