السلام عليكم ورحمة الله
توفى إبن عمي(عمادالدين عبدالحميد)..وترك خلفه زوجة 26 سنة ...وطفلتين
عماد كان الإبن الأكبر
وإخواته على الترتيب:
علاء 28 سنة ..متزوج وعنده طفلة وطفل
إبراهيم 26 سنة ..متزوج وعنده طفل
علي 23 سنة ..أعزب
محمد 20 سنة ..أعزب
وكلهم في المملكة العربية السعودية
توفى عماد من حوالي شهر دلوقتي
ولقيت أحاديث عندنا في العائلة..عن وضع زوجة عماد في العائلة دلوقتي
لقيت إجماع كامل في العائلة..إن على(23 سنة أخو عماد الصغير)....هيجوزوه أسماء(أرملة عماد 26 سنة) ومعاها طفلتين
أنا معترض على الموضوع ده جدا
في حين إن كل العائلة مؤيدة الموضوع
أنا شايف إن كده (علي)..مش هيقدر يعيش حياة زوجية طبيعية ...وهيكون بالنسبة لمراته بالطريقة دي..
مجرد بديل لأخوه
أنا كنت إقترحت إن أسماء تعيش في شقتها في بيت العائلة ..ويكون لها دخل ثابت ..ويتحط لها رصيد في البنك بإسمها وإسم بناتها..وتعيش منه
محدش وافقني
والكل مصمم إن على..لازم يتجوز أرملة أخوه
مين فينا الصح؟؟؟