عفشه لانسر 1600 كامله بكام ومنين ياجماعة

**Haitham10** · 20-09-2010 07:23 PM

السلام عليكم ورحمة الله وبركاته

كنت عاوز اعرف عفشه اللانسر ال1600 كامله بالمساعدين جديدة او استيراد اسعارها ايه ولو حد جابها قبل كده منين

**ahmedsaiad** · 20-09-2010 09:30 PM

بص ياباشا المساعدين الاماميين ماركة kyb بيعملو 780 جنيه والخلفيه بيعملو 490 انا اشتريتهم لعربيتى موديل 2007 بالنسبه المقص الأمامى بعمل 145 جنيه تايوانى مسامير شمعدانات بيعملو 40 جنيه مقص خلفى عرضى بيعمل 200 جنيه استيراد دا اللى اقدر أفيد حضرتك بيه الاسعار دى فى اسكندريه

**M.Al-Hefnawy** · 20-09-2010 09:36 PM

بس أنا سمعت من كذا واحد في المنتدى إن لو خدت مطب جامد لقدر الله النوع ده من المساعدين بيضرب زيت وإنهم بيخلو العفشة ناشفة ... والمساعدين المونرو أفضل... يا ريت تقولنا تجربتك مع المساعدين kyb.

**Ralliart** · 20-09-2010 11:30 PM

المشاركة الأصلية كتبت بواسطة egy77

بس أنا سمعت من كذا واحد في المنتدى إن لو خدت مطب جامد لقدر الله النوع ده من المساعدين بيضرب زيت وإنهم بيخلو العفشة ناشفة ... والمساعدين المونرو أفضل... يا ريت تقولنا تجربتك مع المساعدين kyb.

ازاي والمساعدين الاصليين بتوع العربيه kyb !!
على فكره الشركه دي اكبر مصنع للمساعدين في العالم ومساعدين فولكس فاجن وكل الماركات اليابانيه من عندهم

**ahms10** · 21-09-2010 07:47 PM

يا ريت نوصل لكلام ثقة فى الموضوع دا لانى فعلا عايز اجيب مساعدين امامى ومحتار بين الاستيراد وسمعت انى ال2مساعدين امامى بالسوست بالبطاحة بكلة عاملة 1000-1200 بس مسئلتش بنفسى ومش عارف اجيب كدا ولا اجيب مساعدين جديدة من السوق ...متاكد يا باشا المساعدين الاصلى kyb وهما نفس الموديل بتاع العربية موجود ولا اة وسعرة كام

**Haitham10** · 22-09-2010 12:57 AM

سالت عفشجي النهارده عنها
قالي الاصليه الي حالتها زيرو استيراد بتخش في بتاع 2500 جنيه
عفشه كامله بالمساعدين بالميزان وكل حاجه ..... الكلام دة لان عندي مكواة وعايز احطلها عفشه ال1600 بتاعت البومة (الرياضية)

**M.Nasr** · 22-09-2010 11:58 PM

انا عندى سؤال فى العفشة لما يبقى فيه صوت طقطقة مع المطبات والنقر ده بيكون سببها ايه

**Haitham10** · 23-09-2010 12:47 AM

متهيقلي مسمار مساعد الكداب عشان كان عندي ولما رحت ربطت العفشه وغيرته راح
غير كده يبقي اكيد مساعد او مقص

**ahms10** · 23-09-2010 02:07 AM

2500 دا كدا شاملة كلة مقصات وكل حاجة اكيد لانى اعرف انى ال2 مساعد امامى كامل فى حدود ال1000 المهم الفكرة فى طريقة اقدر احكم بيها على المساعدين انها كويسة بجد ولا اة يعنى اقدر انزل لوحدى اجيب ولا هيضحك عليا رايك اة؟؟؟

**Haitham10** · 23-09-2010 04:30 AM

صعب تنزل لوحدك بأمانة عشان مستحيل اي بياع هيديلك حاجة وتاخدها كدة من اول مرة لازم تجرب وتدور
فلازم حد يكون فاهم فيهم معاك انا فمرة رحت جبتهم حمدت ربنا ان كان معايا واحد صاحبي بيفهم فيهم ولفينا لغايه ماجبنا واحد كويس واتنين معقولين لان ملقناش حاجه عدله